Прејди на содржината

Арго (филм)

Од Википедија — слободната енциклопедија
Арго
Филмскиот плакат
РежисерБен Афлек
ПродуцентГрант Хеслов
Бен Афлек
Џорџ Клуни
СценариоКрис Терио
Заснован наThe Master of Disguise
од Антонио Мендес
The Great Escape
од Џошуа Берман
Главни улогиБен Афлек
Брајан Кранстон
Алан Аркин
Џон Гудман
МузикаАлександар Депла
КинематографијаРодриго Прието
МонтажаВилијам Голденберг
СтудиоГК Филмови
Smokehouse Pictures
ДистрибутерВорнер Брос
Премиера31 август 2012 (2012-08-31) (Филмскиот фестивал Telluride)
12 октомври 2012 (2012-10-12) (САД)
Времетраење120 минути[1]
ЗемјаСАД
Јазиканглиски
персиски
Буџет$44.5 милиони[2]
Бруто-заработка$229,369,150[2]
IMDbID 1024648

Арго (англиски: Argo) е историски филм од 2012 година, режиран од Бен Афлек. Автор на сценариото е Крис Терио, а тоа е засновано врз книгата Господар на маските, напишана од агентот на ЦИА Тони Мендес, како и според статијата на Џошуа Бергман, Големото бегство,[3] во која се раскажува како Мендес го предводел американскиот тим во мисијата близу Техеран, во која требало да ги ослободат американските дипломати од „Иранската заложничка криза“ (1979).[4]

Ликот на Мендес го глуми Бен Афлек, додека во останатите улоги се појавуваат: Брајан Кранстон, Алан Аркин и Џон Гудман. Премиерата на филмот во Северна Америка била на 12 октомври 2012 година, а ова остварување добило поволни оценки од страна на филмските критичари. Продуценти на проектот се Грент Хеслов, Бен Афлек и Џорџ Клуни. Приказната за ослободувањето била предмет и на документарната програма Бегство од Иран: Канадскиот скок, режирана од Ламонт Џонсон.[5]

По прикажувањето низ светските кино сали, Арго ги освоил симпатиите на пошироката јавност, а освен тоа добил неколку номинации за престижните филмски награди. Така, филмот бил номиниран за „Оскар“ во седум категории, од кои победил во три: „најдобар филм“, „најдобро сценарио“ и „најдобра монтажа“.[6] На церемонијата „Златен глобус“, филмот освоил пет признанија, вклучувајќи ги и оние за „најдобар филм“ „најдобра режија“ и „најдобра машка споредна улога“ за глумецот Алан Аркин. Исто така, филмот победил во три категории на Британските филмски награди (БАФТА), и тоа: најдобар филм, најдобра монтажа и најдобар режисер.[7]

Содржина

[уреди | уреди извор]

Филмот е снимен според вистинити настани и ја прикажува ризичната тајна операција за спасување на шестмина Американци, која се одвивала зад сцената за време на иранската заложничка криза, а која со децении останала непозната за јавнота. Лажно претставувајќи се како холивудски продуцент кој бара локација за снимање на научнофанатастичен филм, тајниот агент на ЦИА, Тони Мендез, ја почнува опасната операција за спасување на шестемина Американци, кои се скриени во домот на канадскиот амбасадор во Техеран, во 1980 година.[7][8][9]

Улоги

[уреди | уреди извор]
ГлумциЛикови
Бен АфлекТони Мендес
Брајан КранстонЏек О′ Донел
Алан АркинЛестер Сигел
Џон ГудманЏон Чејмберс
Тејт ДонованРоберт Андерс
Клеа ДувалКора Лијек
Кристофер ДенамМарк Лијек
Скот МекНејриЏо Стефорд
Кери БишеКејти Стефорд

Наводи

[уреди | уреди извор]
  1. ↑ "Argo". British Board of Film Classification (BBFC). Retrieved September 18, 2012.
  2. 1 2 „Argo (2012)“. Box Office Mojo. 2012-01-09. Посетено на 2013-03-18.
  3. ↑ Bearman, Joshuah (April 24, 2007). „How the CIA Used a Fake Sci-Fi Flick to Rescue Americans from Tehran“. Wired. Проверете ги датумските вредности во: |date= (help)
  4. ↑ Killoran, Ellen. „'Argo' Review: Ben Affleck Pinches Himself In Stranger-Than-Fiction CIA Story“. International Business Times.
  5. ↑ „escape-from-iran-the-canadian-caper-1981-true-story-dvd-94c7%255B2%255D.jpg (image)“. Lh4.ggpht.com. Посетено на 2012-10-29.
  6. ↑ „Argo Wins the Academy Award For Best Film Editing“. Stories99. 2013-02-09. Посетено на 2013-02-25.[мртва врска]
  7. 1 2 HRT, Argo, američki film (пристапено на 12 февруари 2020)
  8. ↑ Антена, број 840, 1 август 2014, стр. 15.
  9. ↑ Антена, број 853, 31 октомври 2014, стр. 20.

Надворешни врски

[уреди | уреди извор]
Викицитат има збирка цитати поврзани со:
Преземено од „https://mk.wikipedia.org/w/index.php?title=Арго_(филм)&oldid=5444818“