Ристо Василевски

Од Википедија — слободната енциклопедија
Прејди на прегледникот Прејди на пребарувањето

Ристо Василевски е македонски поет, есеист, критичар, преведувач.[1]

Биографија[уреди | уреди извор]

Ристо Василевски е роден во с. Наколец, Преспа на 31 јануари 1943 година. Завршил средно стручно училиште и студирал архитектура. Живее и работи во Наколец, Преспа, Македонија и во Смедерево, Србија. Член на ДПМ од 1970 година. Автор е на книгите: Шепоти (поезија, 1968), Временија (поезија, 1970), Толкување на патот (поезија, 1973), Големи и други работи (поезија за деца, 1974), Од плитари до фасади (монографија, 1974), Давање облици (поезија, 1981), Прелистување на времињата (поема, 1984), Житието на Коле Ф. (поезија, 1984), Болна куќа (поезија, 1984), Големи и други работи (поезија за деца, 1990), Плодород (поезија, 1991), Чудбината на едно ќесе (роман за деца во стихови, 1991), Пофалба на адот (поезија, 1993), Играње со главата (поезија, 1997), Паричникова судбина (роман за деца во стихови, 1998), Огледала (поезија, 1998), Ткаенка на злото (поезија, 1999), Игри и пофалби (поезија, 2000). Дибитник на наградите: „Браќа Миладиновци“, „Почесно Рациново признание”, Јубилејно признание на Струшките вечери на поезија, „Кирил Пејчиновиќ”, „Јубилејно Златно перо”, „Златно перо“ – во Македонија; „Милан Ракиќ”, „Караѓорѓе”, „Печат на Кнез Лазар”, „Раде Обреновиќ”, „Ѓуро Салај”, „Октомвриска награда на градот Смедерево”, „Захарија Орфелин”, Награда за издавачки потфат на Меѓународниот саем на книги во Белград, „Смедеревски Орфеј” и др. – во Србија, и на меѓународните награди „Балкан и Европа” (Букурешт, Романија”, „Атлант на словенството” (Варна, Бугарија), „Балканика” (Браила, Романија), Голема награда „Летачко перо” (Варна, Бугарија), „Наи Нааман” (Бејрут, Либан) и др.

Ристо Василевски е член на Македонската академија на науките и уметностите, на Славјанската академија на книжевности и уметности (Варна, Бугарија), на Меѓународната асоцијација на писатели и публицисти (Рига, Летонија), на Здружението на писатели на Србија и на Здружението на литературните преведувачи на Србија.


Наводи[уреди | уреди извор]

  1. Македонски писатели, Друштво на писатели на Македонија, Скопје, 2004, стр. 49 - 50.