Георги Старделов

Од Википедија — слободната енциклопедија
Прејди на прегледникот Прејди на пребарувањето
Георги Старделов
Георги Старделов.jpg
Осми Претседател на МАНУ
На должноста
2008–2011
Претходник Цветан Грозданов
Наследник Владо Камбовски
Лични податоци
Роден(а) 28 август 1930
Гевгелија, Македонија
Националност Македонец
Установа Филозофски факултет - Белград
Професија литературен критичар
филозоф
академик
Вероисповед Православна

Георги Старделов е македонски естетичар, есеист, литературен критичар, теоретичар и академик.

Биографија[уреди | уреди извор]

Тој е роден во 1930 г. во Гевгелија. Дипломирал филозофија на Филозофскиот факултет во Белград. Докторирал по филозофски науки во 1965 година. Бил професор на Философскиот факултет во Скопје (1956-1966), негов декан (1975-1977), прв декан на интердисциплинарните студии по новинарство (1977-1981), претседател на Друштвото на писателите на Македонија и претседател на Македонскиот ПЕН центар. За неговиот севкупен творечки опус, на Философскиот факултет во Скопје е одбранета докторска дисертација под наслов „Естетичките, културолошките и литературнокритичките концепции на Георги Старделов“ (1977).

За член на МАНУ бил избран во 1986 година. Во периодот од 2000 до 2004 година бил потпретседател на МАНУ а од 2009 Бил нејзин потпретседател раководител на Лексикографскиот центар, за да од 1 јануари 2008 година стане претседател на МАНУ. Во МАНУ, од 1993 година раководел со макропроектот „Историја на културата на Македонија“ од кој во негова редакција биле издадени 20 тома.

Бил член на редакцијата на списанието за литература, култура и уметност „Современост“.

Старделов е плоден научен работник во повеќе дисциплини (филозофија, историја, естетика, теорија и социологија на културата и уметноста, историја на литературата.[1]

Творештво[уреди | уреди извор]

  • „Есеи“ (1958),
  • „Модерното и модернизмот“ (1962),
  • „Светови“ (1969),
  • „Антеј бара почва“ (1971),
  • „Доба на противречностите“ (1977),
  • „Меѓу литературата и животот“ (1981),
  • „Experimentum Macedonium“ (1983),
  • „Изморена авангарда“ (1985),
  • „Вовед во иднината“ (1986),
  • „Искуства“ (1987),
  • „Портрети и профили“ (1987),
  • „Одземање на силата“ (1990),
  • „Summa aestheticae“ (1991),
  • „Антеј ја допира земјата“ (1993),
  • „Керубиновото племе“ (1995),
  • „Величанија“ (1997),
  • „Керубин’с Трибс“ (на английски, 1998),
  • „Небиднината“ (2000),
  • „Искушенијата на естетичкиот ум“ (2003),
  • „Балканска естетика – една друга естетика“ (2004),
  • „Ангелус Новус“ (2004).
Антологии
  • „Повоени македонски прозаисти“ (1960),
  • „Четири поетски круга“ (1974),
  • „Слобода или смрт“ (1978),
  • „Го знаеш ли, поете, својот долг“ (1981),
  • „Камбаните на Крушево“ (1983),
  • „Сoвременни македонски поети“ (1998)

Наводи[уреди | уреди извор]

  1. Македонски писатели, Друштво на писатели на Македонија, Скопје, 2004, стр. 240.