Сашко Кедев

Од Википедија — слободната енциклопедија
Сашко Кедев
Роден 6 јули 1962
Штип

Сашко Кедев ( 6 јули 1962, Штип) е македонски политичар, кардиолог и доктор на медицински науки. Завршил средно образование во својот роден град. Член е на ВМРО-ДПМНЕ и доктор специјалист-кардиолог. Доцент на Медицинскиот факултет, сертифициран европски интервентен кардиолог, сертифициран интервентен кардиолог во САД. Добро знае англиски и италијански јазик.[1] Живее во Скопје. Од 1991 до 1993 беше специјалист на клиниката во Бетезда, САД. Од 1999 до 2003 е директор на клиниката за кардиологија.

На 19 мај 2009 Сашко Кедев, се искачил на највисокиот врв на светот, Монт Еверест.[2] Со тоа, тој стана третиот Македонец кој го има освоено највисокиот врв на светот.

Сашко Кедев бил кандидат за претседател на претседателските избори кои се одржале во 2004 година, кога во вториот круг бил поразен од страна на Бранко Црвенковски. Од 2002 до 2006 година тој бил пратеник во Собранието на Република Македонија.

Кедев е женет со Кедева Дијана, невролог, доцент на Медицинскиот факултет во Скопје, со која има две ќерки.[3]

Наводи[уреди | уреди извор]