Градиште (Тработивиште)

Градиште — археолошко наоѓалиште во околината на село Тработивиште. Претставува градиште од римското време. На североисточниот крај на селото се издига височинка со елипсовидно зараменето плато со димензии 150х150 м, издолжено во правец север-северозапад-југоисток. По неговиот раб се гледаат контурите на бедемот, кои се наместа раскопувани. По површината на теренот има римски тулатули, фрагменти керамички садови, питоси и повеќе монети од II до VI век. На североисточниот крај има друго плато одвоено со длапка, на кое биле откриени водоводни цевки и еден натпис кој, според кажувањето, бил однесен во Скопје(?). Наоѓалиштето е познато од порано во литературата, а И. Венедиков го идентификува со античкиот град Армонија.

Поврзано

• Асанова Лака — населба од доцноантичко време;
• Градиште — градиште од римското време;
• Градиште-Голак — градиште од доцноантичкото време;
• Крастати Камен - Слатина —населба од римското време;
• Широчица — старохристијанска црква;
• Тработивиште;
• Список на археолошки наоѓалишта во Делчевско;