Тработивиште

**Тработивиште**
	Тработивиште
	Панорамски поглед на селото;
	Тработивиште Местоположба на Тработивиште во Македонија Тработивиште на карта
	Координати 41°53′15″N 22°49′00″E / 41.88750°N 22.81667°E
Регион	Источен
Општина	Делчево
Област	Пијанец
Население	415 жит.; (поп. 2021)
Пошт. бр.	2325
Повик. бр.	033
Шифра на КО	09026
Надм. вис.	650 м
	Тработивиште на општинската карта ; Атарот на Тработивиште во рамките на општината
	Тработивиште на Ризницата

Тработивиште — село во Општина Делчево, во областа Пијанец, во околината на градот Делчево.

Географија и местоположба

Селото се наоѓа во областа Пијанец, во јужниот дел на територијата на Општина Делчево, на патот помеѓу Делчево и Пехчево, сместено непосредно од десната страна на реката Брегалница.^[2] Селото е рамничарско, на надморска височина од 650 метри.^[2]

Атарот зафаќа простор од 22,5 км². На него преовладуваат шумите на површина од 1.144 хектари, на обработливото земјиште отпаѓаат 634 хектари, а на пасиштата 291 хектар.^[2]

Селото се наоѓа во јужниот дел на областа Пијанец, во подножјето на планината Влаина, во близина на македонско-бугарската граница. Оддалечено е 11 километри јужно од градот Делчево и 17 километри севеерно од Пехчево.

Историја

Селото првпат се споменува под името Трѣботишско во 1347 - 1350 година во грамота на српскиот цар Стефан Душан (двѣ нивѣ оть Трѣботишскаго мѣста).

Во XIX век, Тработивиште било село во рамките на Малешевската каза на Отоманското Царство.

Само 1 жител на оваа населба е заведен како жртва во Втората светска војна.^[3]

Стопанство

Селото, во основа, има полјоделско-шумарска функција.^[2]

Население

Население во минатото

Година	Нас.	±%
1948	867	—
1953	1.033	+19.1%
1961	813	−21.3%
1971	695	−14.5%
1981	656	−5.6%

Година	Нас.	±%
1991	574	−12.5%
1994	571	−0.5%
2002	533	−6.7%
2021	415	−22.1%

Според податоците на Васил К’нчов („Македонија. Етнографија и статистика“) од 1900 година, во селото Тработивиште имало 602 жители.^[4] По податоците на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година во Тработивиште имало 320 жители.^[5]

Според германска карта издадена во 1941 година, а заснована на пописот на Кралството Југославија од 1931 година, селото имало 350 Македонци и 300 Турци.^[6]

Селото во 1961 година било големо и броело 813 жители. Во 1994 година, бројот се намалил на 571 жител, од кои 488 биле Македонци, 77 Роми и тројца жители Турци.^[2]

Турското население, кое претставувало скоро една половина од жителите во селото до средината на XX век, се иселило и заминало во Турција. Денес, во селото е останато само едно турско семејство.^[7]

Според пописот од 2002 година, во селото Тработивиште живееле 533 жители, од кои 446 Македонци, 79 Роми, 5 Турци, 1 Србин и 2 останати.^[8]

Според последниот попис од 2021 година, во селото живееле 415 жители, од кои 303 Македонци, 4 Турци, 86 Роми, 2 останати и 20 лица без податоци.^[9]

Во табелата во продолжение е прикажано вкупното население и етничка припадност во Тработивиште:^[10]

Година	Македонци	Албанци	Турци	Роми	Срби	Ост.	б.п.	Вкупно
1948	—	—	—	—	—	—	—	867
1953	541	1	463	23	0	5	—	1.033
1961	698	0	66	—	19	30	—	813
1971	579	0	65	25	4	22	—	695
1981	551	0	26	60	2	17	—	656
1991	484	0	8	76	2	4	—	574
1994	488	0	3	77	1	2	—	571
2002	446	0	5	79	1	2	—	533
2021	303	0	4	86	0	2	20	415

* Извор: Државен завод за статистика на Република Македонија (1948-2002), според податоци од официјалните пописи во соодветните години.

Општествени установи

Основно училиште „Св. Климент Охридски“ до IX одделение^[11], подрачно училиште на ОУ „Св. Климент Охридски“ - Делчево.
Пошта (2325)
Амбуланта
Дом на културата

Самоуправа и политика

Селото влегува во рамките на Општина Делчево, една од малкуте општини кои не биле изменети со новата територијална поделба на Македонија во 2004 година. Во периодот од 1996-2004 година, селото било во рамките на некогашната Општина Делчево.

Во периодот 1950-1952, селото било седиште на некогашната општина Тработивиште, во која единствено село било Тработивиште.

Во периодот 1952-1955, селото било седиште на тогашната општина Тработивиште, во која покрај селото Тработивиште се наоѓале селата Вирче, Нов Истевник, Панчарево, Разловци и Стар Истевник.

Во периодот 1955-1996 година, селото се наоѓало во рамките на општината Делчево.

Избирачко место

Во селото постои избирачко место бр. 0591 според Државната изборна комисија, кое е сместено во основното училиште.^[12]

На локалните избори во 2017 година, на ова избирачко место биле запишани вкупно 426 гласачи.^[13]

На претседателските избори во 2019 година, на ова избирачко место биле запишани вкупно 409 гласачи.^[14]

Културни и природни знаменитости

Цркви^[15]

Црква „Успение на Пресвета Богородица“ — главна селска црква

Џамии

Џамија — селска џамија, сместена на сретсело

Личности

Родени во Тработивиште

Воислав Кушевски (1921-1999) — историчар и универзитетски професор^[16]
Љубомир Белогаски (1911-1994) - македонски академски сликар и универзитетски професор

Галерија

Главната селска црква во селото
Влезот на основното училиште
Селската џамија

Наводи

↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
↑ ^2,0 ^2,1 ^2,2 ^2,3 ^2,4 Панов, Митко (1998). Енциклопедија на селата во Република Македонија (PDF). Скопје: Патрија. стр. 298. Посетено на 6 јули 2018.
↑ „Попис на жртвите од војната 1941-1945, СР Македонија“ (PDF).
↑ Васил К’нчов. „Македонија. Етнографија и статистика“. Софија, 1900, стр. 228.
↑ D.M.Brancoff. "La Macédoine et sa Population Chrétienne". Paris, 1905, р. 140-141.
↑ „200K Volkstumskarte Jugoslawien“.
↑ „Заврши реконструкцијата на старата џамија во Тработивиште“. Вечер. 13 септември 2016. Архивирано од изворникот на 2018-10-02. Посетено на 6 јули 2018.
↑ „Попис на Македонија“ (PDF). Завод за статистика на Македонија. 2002. Посетено на 6 јули 2018.
↑ „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
↑ Население на Република Македонија според изјаснувањето за етничката припадност, по населени места, според пописите на население во 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година). Извор: ДЗС Архивирано на 3 февруари 2020 г..
↑ „ОУ „Св. Климент Охридски" - Делчево“. Архивирано од изворникот на 2019-03-21. Посетено на 6 јули 2018.
↑ „Описи на ИМ“. Архивирано од изворникот на 2023-08-17. Посетено на 6 јули 2018.
↑ „Локални избори 2017“. Архивирано од изворникот на 2021-01-28. Посетено на 6 јули 2018.
↑ „Претседателски избори 2019“. Архивирано од изворникот на 2019-12-29. Посетено на 3 ноември 2019.
↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
↑ Димитар Димески, Воислав Кушевски (ин мемориам), Историја, XXXVI, 1–2, Скопје, 2000

Надворешни врски

Тработивиште на Ризницата ^?

[Попис2021-1] „Пописна слика на населените места во Македонија, Попис 2021“. Државен завод за статистика. Посетено на 22 декември 2022.

[енциклопедија-2] 2,0 ^2,1 ^2,2 ^2,3 ^2,4 Панов, Митко (1998). Енциклопедија на селата во Република Македонија (PDF). Скопје: Патрија. стр. 298. Посетено на 6 јули 2018.

[3] „Попис на жртвите од војната 1941-1945, СР Македонија“ (PDF).

[4] Васил К’нчов. „Македонија. Етнографија и статистика“. Софија, 1900, стр. 228.

[5] D.M.Brancoff. "La Macédoine et sa Population Chrétienne". Paris, 1905, р. 140-141.

[6] „200K Volkstumskarte Jugoslawien“.

[:0-7] „Заврши реконструкцијата на старата џамија во Тработивиште“. Вечер. 13 септември 2016. Архивирано од изворникот на 2018-10-02. Посетено на 6 јули 2018.

[попис-8] „Попис на Македонија“ (PDF). Завод за статистика на Македонија. 2002. Посетено на 6 јули 2018.

[9] „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“

[10] Население на Република Македонија според изјаснувањето за етничката припадност, по населени места, според пописите на население во 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година). Извор: ДЗС Архивирано на 3 февруари 2020 г..

[11] „ОУ „Св. Климент Охридски" - Делчево“. Архивирано од изворникот на 2019-03-21. Посетено на 6 јули 2018.

[12] „Описи на ИМ“. Архивирано од изворникот на 2023-08-17. Посетено на 6 јули 2018.

[13] „Локални избори 2017“. Архивирано од изворникот на 2021-01-28. Посетено на 6 јули 2018.

[14] „Претседателски избори 2019“. Архивирано од изворникот на 2019-12-29. Посетено на 3 ноември 2019.

[15] Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.

[16] Димитар Димески, Воислав Кушевски (ин мемориам), Историја, XXXVI, 1–2, Скопје, 2000

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]


Тработивиште
Панорамски поглед на селото
Тработивиште Местоположба на Тработивиште во Македонија Тработивиште на карта
Координати 41°53′15″N 22°49′00″E / 41.88750°N 22.81667°E / 41.88750; 22.81667
Регион	Источен
Општина	Делчево
Област	Пијанец
Население	415 жит. (поп. 2021)^[1]
Пошт. бр.	2325
Повик. бр.	033
Шифра на КО	09026
Надм. вис.	650 м

Тработивиште на општинската карта Атарот на Тработивиште во рамките на општината
Тработивиште на Ризницата