Елиф Елмас

Од Википедија — слободната енциклопедија
Прејди на прегледникот Прејди на пребарувањето
Елиф Елмас
Лични податоци
Полно име Елиф Елмас
Роден на 27 септември 1999 (1999-09-27) (20 г.)
Роден во Скопје, Македонија
Држава Македонија Македонија
Висина &100000000000001820000001,82 м
Позиција среден ред
Клупски податоци
Сегашен клуб Наполи Наполи
Број 12
Младинска кариера
Работнички Работнички
Херенвен Херенвен
Кариера*
Години Клуб Наст. (Гол.)
2015-2017 Работнички Работнички 46 (8)
2017-2019 Фенербахче Фенербахче 34 (4)
2019- Наполи Наполи 5 (0)
Репрезентација
2015 Македонија Македонија 17 2 (0)
2016 Македонија Македонија 18 1 (0)
2016 Македонија Македонија 19 3 (0)
2016– Македонија Македонија 21 9 (1)
2017– Македонија Македонија 16 (4)
  • Сениорските учества и голови се сметаат само за домашни натпревари
податоците се од 10 ноември 2014.

† Учества (Голови).

‡ Учествата и головите за репрезентација се според податок од 16 ноември 2014

Елиф Елмас (р. на 27 септември 1999 во Скопје) — македонски фудбалер, играч од средниот ред на Наполи и на македонската репрезентација.

Биографија[уреди | уреди извор]

Елмас е роден во Скопје, од родители со турско потекло. Израснат е во скопската населба Бутел. Својата фудбалска кариера ја започнал во фудбалската школа Форца Вардар од каде потоа се преселил во Работнички каде станал професионален фудбалер.[1]

Во јули 2017, селекторот на турската репрезентација Фатих Терим се обидел да го наговори Елмас да игра за Турција, но тој одлучил да ја претставува земјата во која што е роден.[2]

Клупска кариера[уреди | уреди извор]

Работнички Скопје[уреди | уреди извор]

Дебитирал за првиот тим на Работнички на 30 септември 2015 на возраст од 16 години и 3 дена, во победата со 4-0 на гостувањето против Гостивар во Купот на Македонија.[3] Неколку дена подоцна, на 4 октомври 2015 дебитирал во Првата лига на Македонија во победата со 2-0 на домашен терен над Металург Скопје. На 10 април 2016, го постигнал својот прв погодок во кариерата за романтичарите во победата со 2-0 над Хоризонт Турново на домашен терен. Својата прва сезона во дресот на Работнички ја завршил со 11 настапи и 1 гол.

Фенербахче[уреди | уреди извор]

На 28 јули 2017, Елмас потпишал петгодишен договор со турскиот гигант Фенербахче.[4] Веднаш потоа, турскиот клуб објавил дека за трансферот на играчот на Работнички му биле исплатени 180.000 евра и дека Елмас ќе го носи дресот со број 21.[5] Своето деби за Фенербахче го направил на 28 јануари 2018, во ремито 1-1 на гостувањето кај Трабзонспор влегувајќи во игра од клупата за резерви на местото на Хасан Али Калдирим во 64-тата минута.[6] Својата прва сезона во клубот ја завршил со 5 настапи во лигата и 2 во купот, без постигнат гол.

На почетокот на сезоната 2018-2019, Елмас го имал своето деби во Лигата на шампионите, играјќи ги комплетните 90 минути во поразот со 1-0 од Бенфика на 7 август 2018 во третото квалификациско коло од елитното европско натпреварување. Својот прв гол за Фенер го постигнал на 16 септември 2018, во победата со 1-0 на гостувањето кај Конијаспор, откако само 6 минути претходно влегол во игра од клупата за резерви.[7]

Наполи[уреди | уреди извор]

На 24 јули 2019 година, Елмас се преселил во италијанскиот Наполи за обештетување од 16 милиони евра плус бонуси, потпишувајќи петогодишен договор со партенопеите.[8] Своето деби за клубот го направил на 24 август во победата со 4-3 на гостувањето кај Фјорентина, влегувајќи во игра од клупата за резерви на местото на Алан во 72-рата минута од натпреварот.[9]

Репрезентативна кариера[уреди | уреди извор]

Елмас ја претставувал македонската репрезентација во категориите под 16, под, 17, под 18, под 19 и под 21 година. Своето деби за сениорската репрезентација го направил на 11 јуни 2017 во поразот со 1-2 од Шпанија во Скопје во квалификацискиот натпревар за Светското првенство 2018, влегувајќи во игра на местото на Остоја Степановиќ во 46-тата минута. Неколку дена подоцна, тој бил повикан во составот на македонската репрезентација под 21 година за Европското првенство под 21 година во Полска и бил најмладиот играч во составот.[10] Тој играл во сите три натпревари од групната фаза, по која Македонија го завршила учеството на турнирот со едно реми и два порази.[11]

На 2 септември 2017, го направил својот втор настап за сениорската репрезентација во победата со 1-0 на гостувањето кај Израел во Хаифа, исто така во квалификациите за Светското првенство 2018. Својте први голови (два) за македонската сениорска репрезентација ги постигнал во победата со 3-1 над Латвија во Скопје во квалификациите за Европското првенство 2020.

Хронологија на репрезентативните настапи[уреди | уреди извор]

Клупска статистика[уреди | уреди извор]

Статистиката е ажурирана на 19 јуни 2017.

Сезона Клуб Првенство Национален куп Континентален куп Останати купови Вкупно
Лига Наст Гол Лига Наст Гол Лига Наст Гол Лига Наст Гол Наст Гол
2015-2016 Македонија Работнички ПМЛ 11 1 КM 3 1 - - - - - - 14 2
2016-2017 ПМЛ 33 6 КМ 0 0 ЛЕ 2[12] 1[13] - - - 35 7
Вкупно Работнички 44 7 - 3 1 - 2 1 - - - 49 9
2017-2018 Турција Фенербахче ТСЛ 5 0 КТ 2 0 ЛЕ 0 0 - - - 7 0
2018-2019 ТСЛ 29 4 КТ 2 0 ЛШ+ЛЕ 2[14]+7 0[15]+0 - - - 40 4
Вкупно Фенербахче 34 4 - 4 0 - 9 0 - - - 47 4
2019-2020 Италија Наполи А 5 0 КИ 0 0 ЛШ 2 0 - - - 7 0
Вкупно во кариерата 83 11 - 7 1 - 13 1 - - - 103 13

Наводи[уреди | уреди извор]

  1. На малите терени во школата Форца Вардар Јовче Џипунов создава големи фудбалери mkd.mk
  2. Sporx (17 July 2017). „Eljif Elmas kimdir? Eljif Elmas, Türkiye Milli Takımı'nda oynayabiliyor mu?“. 
  3. Елиф Елмас: од Фенербахче Тефејус, преку Форца, Работнички, Бутоп, па се до Херенвен! butop.eu.pn
  4. Елиф Елмас го одбра Фенербахче! sportmedia.mk
  5. Фенербахче ги откри бројките за Елиф Елмас sportmedia.mk
  6. Талентираниот Елмас дебитираше за Фенербахче (Видео) derbi.mk
  7. ПРВЕНЕЦ ЗА ЕЛМАЗ ВО ДРЕСОТ НА ФЕНЕРБАХЧЕ ,ТРАЈКОВСКИ ПОГОДИ ЗА ПАЛЕРМО Телма
  8. „Елиф Елмас потпиша петгодишен договор со Наполи!“. 
  9. „Ancelotti fa esordire Elmas“. 24 август 2019. 
  10. „Благоја Милевски ги избра седуммината од генерацијата 1996/97 за ЕП во Полска - ФФМ - Фудбалска Федерација на Македонија“. 
  11. Еден бод и четири постигнати гола за Македонија на првото, историско Европско првенство (ВИДЕО) mkd.mk
  12. Во квалификациите
  13. Во квалификациите
  14. Во третото квалификациско коло
  15. Во третото квалификациско коло

Надворешни врски[уреди | уреди извор]