Јеловјане

Од Википедија — слободната енциклопедија
Прејди на прегледникот Прејди на пребарувањето
Јеловјане
Јеловјане is located in Македонија
Јеловјане
Местоположба на Јеловјане во Македонија
Координати 41°57′33″N 20°53′48″E / 41.95917° СГШ; 20.89667° ИГД / 41.95917; 20.89667Координати: 41°57′33″N 20°53′48″E / 41.95917° СГШ; 20.89667° ИГД / 41.95917; 20.89667
Општина Општина Боговиње
Население 599 жит.
(поп. 2002)
Надм. вис. 810 м
Јеловјане на општинската карта
Јеловјане во Општина Боговиње.svg

Атарот на Јеловјане во рамките на општината
Commons-logo.svg Јеловјане на Ризницата

Јеловјане — село во Општина Боговиње, во околината на градот Тетово.

Географиja и местоположба[уреди | уреди извор]

Јеловјане се наоѓа на 1 200 м надморска височина на падините на Шар Планина и е последно населено место во тој дел на Шар Планина према Косово. Атарнот на Јеловјане на Исток се граничи со Горно Плачиште, Долно Палчиште, Новаќе, Лисец и Попова Шапка, на jуг со Камењане, на запад со Урвич и Ново Село 2, на север неговиот атар допира со границата со Косово.

Историja[уреди | уреди извор]

За првпат Јеловјане се спомнува во XVII век. Јеловјане е наслеба од колонијален карактер, имено првите жители на Јеловјане потекнуваат од областа Гора на Косово, Љума во Албанија и доселеници од Анадолија.

Јеловјане во почетокот на XX век и после повлекувањето на Османлиската империја е зафатено од поголем бран на миграции така денес граѓани на Јеловјане и нивни потомци имат мигрирано низ цела Македонија и цел Свет, поголеми миграции се забележуваат во екот на Балканските војни и миграцијата вонглавно тече кон Турција но има семејства кои имаат мигрирано во Бугарија, Грција, Романија, потоа во градовите Тетово, Скопје. Втор бран на миграција се случува после прва светска војна. Трета поголем бран на миграција се случува по втората светска војна вонглавно кон Турција. Во последните дестина години исто така Јеловјане е зафатено од голема миграција кон внатрешноста на Македонија вонглавно од економски причини.

Економија[уреди | уреди извор]

Жителите на Јеловјане во мал дел се занимаваат со сточарство и планинско земјоделие, повеќето од ова население се занимава со занаетчиство како бурекџии, слаткари, и слично. Од трговските субјекти во Јеловјане моментално е застапено само угостителството, а населението исто така е печалбарско и својата егзистенција ја обезбедува од печалбарството. Под печалбарство се мисли внатре во границите на Р. Македонија, а мал број и надвор.

Демографија[уреди | уреди извор]

Според статистиката на Васил К'нчов („Македониja, Етнографиja и статистика“) од 1900 година, во Јеловјане живееле 950 жители, сие Македонци муслимани.[1]

Според Афанаиј Селишчев во 1929 година, Синичане е село во Долнопалчишка општина во Долнополошкиот срез и има 141 куќи со 725 жители, Македонци.[2]

Според пописот од 2002 селото брои 599 жители, од кои најголем дел се Македонци муслимани - Горанци, но од различни политичко-верски причини се изјасниле како Турци и помал дел како Албанци.[3]

Националност Вкупно
Македонци 5
Албанци 40
Турци 539
Роми 0
Власи 0
Срби 0
Бошњаци 8
Други 7

На табелата е прикажан бројот на населението низ сите пописни години:[4]

Година 1900 1929 1948 1953 1961 1971 1981 1991 1994 2002
Население 950[1] 725[2] 893 1.067 687 743 892 845 719 599

Родови[уреди | уреди извор]

Јеловјане е македонско (горанско) село.

Според истражувањата од 1948 година, родови во селото се:

  • Локманџии или Адровци (5 к.) најстар род во селото. Доселени се во првата половина на 18ти век. Доселени се од Љума во северна Албанија. Ја знаат следната генеологија Скендер (жив на 70 год. во 1948 година) Азир-Ислам-Велија-Асан-Усеин-Зеќир-Локман, кој се доселил во селото. Имаат иселеници во Тетово (четири семејства) и во Турција (три семејства).
  • Оџинци (5 к.) не знаат точно од каде се доселени.
  • Алачовци или Лаачовци (30 к.) доселени се од Ујмиште во Љума, северна Албанија. Најпрво збореле албански, но мешајќи се со Горанците го прифатиле македонскиот јазик. Имаат иселеници во Тетово (шест семејства), Скопје (едно семејство), Бугарија (едно семејство) и во Турција (три семејства).
  • Топузовци (3 к.) доселени се од некое место во Анадолија. Имаат иселеници во Турција (пет семејства), а некои нивни семејства изумреле во селото.
  • Крлевци (15 к.) еден од најстарите родови во селото. Доселени се пред околу 300 години од селото Рестелица во Гора. Имаат иселеници во Тетово (девет семејства), Скопје (едно семејство), Куманово (едно семејство) и во Турција (седум семејства).
  • Гаизуровци или Фазлиовци (2 к.) доселени се од некое село во Гора. Имаат иселеници во Турција (две семејства).
  • Вурановци (16 к.) доселени се од селото Брод во Гора. Имаат иселеници во Русија (едно семејство).
  • Каматниковци (31 к.) доселени се од селото Рестелица во Гора. Имаат иселеници во Новаке, Бугарија (едно семејство) и во Турција (три семејства).
  • Бакуљановци (14 к.) доселени се од некое село во Гора. Овде живеат од средината на 19ти век. Имаат иселеници во Анадолија (едно семејство).
  • Волчевци (3 к.) и они се доселени од некое село во Гора. Имаат иселеници во Горно Синичани, Мостар (едно семејство) и во Турција (едно семејство).
  • Таировци (9 к.) доселени се од некое село во Гора. Имаат иселеници во Теарце, Бугарија (едно семејство) и во Турција (едно семејство).
  • Шеќеровци (3 к.) доселени се од некое село во Гора. Имаат иселеници во Бугарија (две семејства) и во Турција (едно семејство).
  • Котовци (4 к.) доселени се од некое село во Гора. Имаат иселеници во Тетово (три семејства).
  • Кајевци (3 к.) доселени се од некое село во Гора. Се сметаат за млади доселеници. Имаат иселеници во Тетово (едно семејство).
  • Муратовци (7 к.) доселени се од некое село во Гора.
  • Зулвовци (3 к.) доселени се од Гора. Имаат иселеници во Турција (четири семејства).
  • Одовци (2 к.) доселени се од Гора.
  • Косоровци (1 к.) доселени се од Гора. Имаат иселеници во Скопје (едно семејство).
  • Бубузовци (2 к.) доселени се од Гора. Млади доселеници се. Имаат иселеници во Бугарија (едно семејство).
  • Борјани или Потуровци (1 к.) доселени се од селото Урвич. Таму имале истоимени роднини, Подалечно потекло од селото Борје во Гора.
  • Јусковци (1 к.) доселени се од селото Урвич. Таму припаѓале на родот Сиџимовци. Подалечно потекло од Гора.
  • Абазов Шаин (1 к.) доселен од селото Ново Село. Таму припаѓал на родот Десовци, подалечно потекло од Гора.
  • Елмасовци (1 к.) доселени се од Гора.[5]

Општествени институции[уреди | уреди извор]

ПОУ 11-ти октомври во кое се учи од 1-8 оделение.

Селска Амбуланта која работи само за викендите,

Администрација и политика[уреди | уреди извор]

Месна заедница Јеловјане. Преседател на Месната заедница е Џевџет Хаљими.

Културни и природни знаменитости[уреди | уреди извор]

Шарски Очи, Титов Врв.

Редовни настани[уреди | уреди извор]

Култура и спорт[уреди | уреди извор]

Елиф Елмас фудбалер кој настапува за турскиот фудбалски клуб ФК Фенербахче.

Иселеништво[уреди | уреди извор]

Турција, Србија, Бугарија, Романија, Италија, Словенија.

Наводи[уреди | уреди извор]

  1. 1,0 1,1 Кънчов, Васил. Македония. Етнография и статистика, София, 1900, стр. 212.
  2. 2,0 2,1 Селищев, Афанасий. Полог и его болгарское население. Исторические, этнографические и диалектологические очерки северо-западной Македонии, София, 1929, стр. 23.
  3. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година) *Државен завод за статистика http://makstat.stat.gov.mk.
  4. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година) *Државен завод за статистика http://makstat.stat.gov.mk.
  5. Трифуноски, Јован (1976). Полог. Белград: САНУ. 

Надворешни врски[уреди | уреди извор]