Стефан Спировски

Стефан Спировски
Лични податоци
Роден на	23 август 1990 (34 г.)
Роден во	Битола, Македонија
Држава	Македонија
Висина	1,85 м
Позиција	среден ред
Клупски податоци
Сегашен клуб	Ференцварош
Број	4
Младинска кариера
	Пелистер
Кариера*
Репрезентација ‡
	* Ажурирано на: 6 јануари 2011; ** Ажурирано на: 17 ноември 2010

Стефан Спировски (роден на 23 август 1990 во Битола) — македонски фудбалер, играч од средниот ред на Ференцварош и на македонската репрезентација.

Клупска кариера

Спировски ја започнал својата кариера во екипата на Пелистер, во која го имал своето деби за првиот тим во 2007 година. За Пелистер настапувал две и пол сезони, а во зимскиот трансферен прозорец 2010 година му се приклучил на српскиот клуб Борац Чачак.^[1] Своето деби во Српската Супер лига го имал на 20 март 2010, против Јагодина во победата со 1-0 и токму тој бил стрелец на единствениот погодок.^[2] На 16 мај 2012, Спировски бил во почетниот состав на Борац во финалето на Купот на Србија, во кое неговиот тим загубил со 2-0 од Црвена Ѕвезда. По завршувањето на сезоната 2011-12 сезона, кога Борац неочекувано испаднал од Суперлигата, Спировски заминал на позјамица во Работнички. До зимската пауза во првенството одиграл 9 натпревари и постигнал еден гол, во победата со 3-1 над Брегалница. Потоа, тој се вратил во Борац за вториот дел од сезоната, играјќи 6 натпревари во кој постигнал еден гол во Српската Прва лига (втора лига по ранг во Србија). За четири години во Борац, вкупно во сите натпреварувања одиграл 60 натпревари и постигнал 2 гола.

На 26 јануари 2014, Спировски потпишал за бугарскиот прволигаш Берое, откако две недели претходно дошол на проби и успеал да го импресионира тренерот Петар Хубчев.^[3]^[4] По потпишувањето на договорот му бил доделен дресот со број 92. Своето деби за старозагорци го направил на 23 февруари во поразот со 3-0 на гостувањето против Литекс. Својот прв гол за Берое го постигнал на 7 мај 2014, во победата над Љубимец со 4-0, со прекрасно изведен слободен удар од голема далечина.^[5] Првата сезона во клубот ја завршил со 10 настапи и еден гол. Следната сезона одиграл 9 натпревари во А група и еден во Купот на Бугарија до зимската пауза, во која му бил раскинат договорот.^[6]

На 23 декември 2015, потпишал двегодишен договор со екипата на Вардар и избрал да го носи дресот со бројот 8.^[7] Својот прв погодок во црвено-црниот дрес го постигнал на 16 мај 2015, во победата на домашен терен над Ренова со 4-1, со која екипата на Вардар станала шампион на Македонија.^[8]

На 28 август 2017, Спировски потпишал тригодишен договор со унгарскиот Ференцварош.^[9]

Репрезентативна кариера

Тој е поранешен репрезентативец на Македонија во репрезентациите под под 19 и под 17 години. Тој исто така има 21 настап за репрезентацијата под 21 година со што се наоѓа на делба на 6. место по бројот на настапи во оваа категорија.^[10]

На 10 август 2011 тој го направил своето деби за сениорската репрезентација во пријателски натпревар против Азербејџан.^[11] Својот прв гол за македонската репрезентација Спировски го постигнал на 28 март 2017, во победата со 3-0 над Белорусија во пријателски натпревар одигран на Филип II арената во Скопје.^[12]

Хронологија на репрезентативните настапи

Хронологија на настапи и постигнати голови за националната селекција ― Македонија
Дата	Град	Домашни	Резултат	Гости	Натпреварување	Голови	Инфо	Детали
10-08-2011	Баку	Азербејџан	0 – 1	Македонија	Пријателска	-	66'
26-05-2012	Леирија	Португалија	0 – 0	Македонија	Пријателска	-	53'
29-05-2012	Ешторил	Ангола	0 – 0	Македонија	Пријателска	-	46'
15-08-2012	Скопје	Македонија	1 – 0	Литванија	Пријателска	-	74'
05-03-2014	Скопје	Македонија	2 – 1	Латвија	Пријателска	-	64'
26-05-2014	Куфштајн	Македонија	0 – 2	Камерун	Пријателска	-
30-05-2014	Рјети	Катар	0 – 0	Македонија	Пријателска	-
08-09-2014	Валенсија	Шпанија	5 – 1	Македонија	Квал. за Евро 2016	-	64'
06-09-2016	Скадар	Албанија	2 – 1	Македонија	Квал. за СП 2018	-
06-10-2016	Скопје	Македонија	1 – 2	Израел	Квал. за СП 2018	-	46'
09-10-2016	Скопје	Македонија	2 – 3	Италија	Квал. за СП 2018	-	53'
12-11-2016	Гранада	Шпанија	4 – 0	Македонија	Квал. за СП 2018	-	60'
24-03-2017	Вадуц	Лихтенштајн	0 – 3	Македонија	Квал. за СП 2018	-	85'
28-03-2017	Скопје	Македонија	3 – 0	Белорусија	Пријателска	1	78'
05-06-2017	Скопје	Македонија	0 – 0	Турција	Пријателска	-	53' 91'
11-06-2017	Скопје	Македонија	1 – 2	Шпанија	Квал. за СП 2018	-
Вкупно		Настапи	16		Голови	1