27 декември

27 декември — 361-иот ден во годината според грегоријанскиот календар (362-и во престапна година). Остануваат 4 денови до крајот на годината.

Настани:

1938	Во Скопје за првпат е изведена драмата „Парите се отепувачка“ од драмскиот писател Ристо Крле.
1945	Стапи во сила Договорот за основање Меѓународен монетарен фонд (ММФ), усвоен на Монетарната и финансиската конференција на Обединетите нации, во јули 1944 година, во Бретон Вудс, со учество на претставници од 44 земји, а со задача да ја унапредува меѓународната трговија, да воспоставува и да одржува валутна стабилност во светот.
1949	Холандската кралица Јулијана потпиша документ со кој и е даден суверенитет на Индонезија, по повеќе од три века холандска колонијална управа.
1979	Во Авганистан е извршен државен удар со директно воено мешање на СССР. Првпат Советскиот Сојуз, изврши интервенција во земја која е членка на Варшавскиот пакт.
1992	Магазинот „Тајм“ го именува Бил Клинтон за „човек на годината“.
1993	Најмалку 26 лица загинаа, а 16 исчезнаа, како последица од тајфунот „Нел“ што ги погоди јужните Филипини.

Родени:

1571	Јохан Кеплер — германски астроном, математичар и физичар.
1717	Пиј VI — римски папа.
1822	Луј Пастер — француски хемичар и биолог.
1901	Марлен Дитрих — германска и американска глумица.
1918	Христо Брашнаров — македонски гинеколог, акушер и учесник во НОБ.
1931	Џон Чарлс — велшки фудбалер.
1942	Богољуб Петровиќ — српски и југословенски глумец.
1943	Живорад Јевтиќ — српски и југословенски фудбалер.
1946	Трифун Костовски — македонски стопанственик и поранешен градоначалник на Град Скопје.
1948	Оливие Бланшар — француски економист.
1950	Роберто Бетега — италијански фудбалер.
1980	Адријана Будимир — хрватска ракометарка.
1981	Никита Алексеев — руски хокеар.
1982	Терји Скибенес — гитарист на викиншката метал-група Тир од Фарските Острови.
1984	Жил Симон — француски тенисер.
1988	Хејли Вилијамс — американска пејачка, членка на групата „Paramore“.
1990	Милош Раониќ — канадски тенисер.

Починале:

1534	Антонио да Сангало Постариот — италијански архитект од времето на ренесансата.
1585	Пјер Ронсар — француски писател од времето на ренесансата.
1743	Ијасент Риго — важен француски барокен сликар и портретист.
1911	Штерјо Михајлов — учесник во македонското револуционерно движење.
1923	Густав Ајфел — француски инженер и градител на познатата Ајфелова кула.
1836	Ханс фон Сект — висок офицер во германската армија.
1938	Осип Манделштам — руски и советски поет и есеист.
1952	Рамадан Зејнели — писател за деца од албанската националност во Македонија.
1978	Крис Бел — американски поп-рок музичар, член на групата „Биг стар“ (Big Star).
2011	Хелен Франкенталер — американска сликарка.

• јануари
• февруари
• март
• април
• мај
• јуни
• јули
• август
• септември
• октомври
• ноември
• декември