Себастијан Коатес

Од Википедија — слободната енциклопедија
Прејди на прегледникот Прејди на пребарувањето
Себастијан Коатес
SELECCIÓN URUGUAY (22557495689) (cropped).jpg
Лични податоци
Роден на 7 октомври 1990 (1990-10-07) (28 г.)
Роден во Монтевидео, Уругвај
Држава  Уругвај
Висина &100000000000001960000001,96 м
Позиција одбрана
Клупски податоци
Сегашен клуб Спортинг Лисабон Спортинг Лисабон
Број 4
Младинска кариера
Насионал Насионал
Кариера*
Години Клуб Наст. (Гол.)
2011-2013 Насионал Насионал 60 (8)
2011-2015 Ливерпул Ливерпул 12 (1)
2014Насионал Насионал 6 (0)
2014-2016 Сандерленд Сандерленд 26 (0)
2016- Спортинг Лисабон Спортинг Лисабон 102 (6)
Репрезентација
2009 Уругвај Уругвај 20 19 (1)
2012 Уругвај Уругвај 23 3 (0)
2011- Уругвај Уругвај 33 (1)
  • Сениорските учества и голови се сметаат само за домашни натпревари
податоците се од 3 јули 2012.

† Учества (Голови).

‡ Учествата и головите за репрезентација се според податок од 3 јули 2012

Себастијан Коатес Нион (роден на 7 октомври, 1990 во Монтевидео) е уругвајски фудбалер, играч од одбраната на Спортинг Лисабон и на уругвајската репрезентација.

Биографија[уреди | уреди извор]

Коатес е роден во Монтевидео. По неговата таткова страна, тој е од шкотско потекло, иако неговото семејство не зборува англиски.[1]

Технички карактеристики[уреди | уреди извор]

Централен дефанзивец со моќни физички предиспозиции, одлично чувство за позиционирање, добар во играта во воздхот и во изградба на нападите на својот тим.[2]

Клупска кариера[уреди | уреди извор]

Коатес ја започнал својата кариера во екипата на Насионал Монтевидео, во која се приклучил на возраст од 11 години и во која напредувал низ сите младински категории играјќи како капитен во секоја од нив. Првиот професионален договор со клубот го потпишал во 2009 година, откако наполнил 18 години, и оттогаш започнал да игра за првиот тим. Својот прв настап како професионален фудбалер го имал против Бела Виста, а по натпреварот уругвајскиот весник Ел Паис го прогласил Коатес за играч на натпреварот. Во текот на трите сезони проведени во Насионал, вкупно за клубот одиграл 92 натпревари и постигнал 8 голови, освојувајќи и две титули во уругвајското првенство.

Коатес со Мартин Кели во дресот на Ливерпул во 2012.

Во август 2011 година Ливерпул покажал силен интерес да го доведе Коатес во својте редови. На 30 август, откако му била издадена работна дозвола тој потпишал повеќегодишен договор со англискиот клуб, во трансфер вреден околу 8 милиони евра. За црвените дебитирал на 18 септември во натпреварот против Тотенхем, заменувајќи го повредениот Даниел Агер во 27-мата минута, во поразот на Ливерпул со 4-0.[3] Својот прв натпревар како стартер го забележал три дена подоцна, во победата со 2-1 над Брајтон во Лига купот.[4] Тој одиграл три натпревари за клубот во ова натпреварување, кое на крајот завршило со победа на Ливерпул и така Коатес го освоил својот прв трофеј како играч на клубот од Енфилд. Својот прв гол во дресот на Ливерпул го постигнал на 21 март 2012 во натпреварот против Квинс Парк Ренџерс на Лофтус Роуд.[5] Првата сезона во клубот ја завршил со 12 настапи (7 во првенството, 2 во ФА Купот и 3 во Лига купот) и еден постигнат гол.

На почетокот на неговата втора сезона во Ливерпул, Коатес заработил повреда на коленото играјќи за својата репрезентација во пријателски натпревар против Јапонија во август 2013 година, која го одалечила од теренот во поголемиот дел од сезоната 2013-2014.[6] Не можејќи по повредата да конкурира за редовено место во тимот, тој се вратил во Насионал на позајмица во вториот дел од сезоната како би ги сочувал шансите да избори место во репрезентацијата на Уругвај за Светското првенство 2014.[7]

На 1 септември 2014, Коатес бил позајмен на Сандерланд до крајот на сезоната 2014-2015, каде тренер му бил неговиот сонародник Густаво Појет. [8] За црните мачки дебитирал на 23 септември играјќи како стартер во третото коло на Лига купот, против Стоук Сити на Стадионот на светлината. На полувремето, тој бил заменет од Патрик ван Анхолт, а Сандерленд загубил со 1–2.[9]

Во јули 2015, тој потпишал четиригодишен договор со Сандерланд, а трансферот го чинел клубот околу 2,5 милиона евра.[10][11] Тој забележал 18 настапи за англискиот премиерлигаш во првиот дел од сезоната 2015-2016, а потоа бил проследен на позајмица во португалскиот Спортинг Лисабон. Дебитирал за Спортинг на 8 февруари во ремито без голови против Рио Аве.

Во првото коло од сезоната 2016-2017, Коатес го постигнал својот прв гол за лавовите со удар со глава по корнерот на Жоао Марио, во победата со 2-0 на домашен терен над Маритимо.[12] На 14 септември 2016, дебитирал во УЕФА Лигата на шампионите во натпреварот од групната фаза Реал Мадрид-Спортинг 2-1 на Сантјаго Бернабеу.[13] После добрите игри во лисабонскиот клуб, во кој играл константно во сезоната 2016-2017, во февруари 2016 година, Спортинг го откупил Коатес перманентно од Сандерленд за 4,72 милиона евра, потпишувајќи петгодишен договор со играчот.[14]

Во сезоната 2017-2018, Коатес го освоил својот прв трофеј со клубот, откако Спортинг бил најдобар во Лига купот на Португалија; во финалето лавовите ја победиле Виторија Сетубал по изведување на пенали со 5-4 (1-1 во регуларниот дел), а Коатес бил еден од прецизните изведувачи за својот тим.[15] На 12 март 2018, Коатес го забележал својот 100-ти настап за Спортинг во победата со 2-1 на гостувањето кај Чавес.

Репрезентативна кариера[уреди | уреди извор]

Коатес во дресот на уругвајската репрезентација на ЛОИ 2012.

Откако најпрво бил член на уругвајската репрезентација под 20 години тој бил повикан за прв пат во сениорската репрезентација за првиот натпревар од КОНМЕБОЛ–КОНКАКАФ плејофот за пласман на Светското првенство 2010 против Костарика, каде тој сепак останал неискористена замена.[16]

Своето деби за сениорската репрезентација на Уругвај го направил на 23 јуни 2011, во пријателски натпревар против Естонија, влегувајќи како замена во второто полувреме. Две недели подоцна се нашол на списокот на репрезентацијата за Копа Америка 2011, каде ги одиграл комплетните 90 минути во првиот натпревар на својата земја на турнирот против Чиле, во натпреварот што завршил нерешено 1-1 во Мендоса, Аргентина. Коатес ги одиграл и сите преостанати натпревари за својата репрезентација до крајот на турнирот (со исклучок на четвртфиналето каде морал да паузира заради парни жолти картони), на кој Уругвај ја освоил својата 15-та титула јужноамерикански шампион, а Себастијан бил прогласен за најдобар млад играч на ова натпреварување.[17]

Потоа тој бил повикан од Оскар Табарес во Олимписката репрезентација на Уругвај за Летните олимписки игри 2012 во Лондон.[18] Тој ги одиграл сите минути на турнирот, на кој Уругвај не успеал да ја мине првата фаза. На Купот на конфедерации 2013 во Бразил, тој одиграл само два натпревари; влегувајќи како резерва во победата со 2–1 над Нигерија и стартувал во победата со 8–0 над Тахити двете во групната фаза, а Уругвај го завршил натпреварувањето на четвртото место.

И покрај тоа што во сезоната 2013-2014 страдал многу од повреди, сепак тој се нашол на списокот меѓу 23-цата фудбалери на селекторот Табарес за Светското првенство 2014 во Бразил. Дебитирал на првенството во победата со 2-1 над Англија, заменувајќи го својот соиграч од Ливерпул, Луис Суарес во последните минути од средбата. Тоа бил неговиот единствен настап на тоа Светско првенство, а Уругвај бил елиминиран во осминафиналето. Следната година на Копа Америка 2015 во Чиле, Коатес играл во последниот натпревар на "Селесте" од групната фаза, ремито 1–1 против Парагвај, заменувајќи го капитенот Диего Годин кој бил суспендиран; Уругвај бил елиминиран во четвртфиналето на турнирот од репрезентацијата домаќин.[19]

Четири години подоцна, Коатес бил во составот на Уругвај и за следното Светско првенство 2018 во Русија.[20]

Хронологија на репрезентативните настапи[уреди | уреди извор]

Клупска статистика[уреди | уреди извор]

Статистиката е ажурирана на 19 февруари 2018.

Сезона Клуб Првенство Национален куп Континентален куп Останати купови Вкупно
Лига Наст Гол Лига Наст Гол Лига Наст Гол Лига Наст Гол Наст Гол
2008-2009 Уругвај Насионал ПД 11 3 - - - КЛ 5 1 - - - 16 4
2009-2010 ПД 21+3[21] 2 - - КЛ 8 1 - - - 29 3
2010-2011 ПД 27+1[21] 1 - - - CL 5 0 - - - 33 1
2011-2012 ПД 1 0 - - - КС+КЛ 0 0 - - - 1 0
сеп.2011- мај.2012 Англија Ливерпул ПЛ 7 1 ФАКуп+ЛК 2+3 0 ЛЕ - - - - - 12 1
2012-2013 ПЛ 5 0 ФАКуп+ЛК 2+2 0 ЛЕ 3 1 - - - 12 1
Вкупно Ливерпул 12 1 9 0 3 1 - - 24 2
2013-2014 Уругвај Насионал ПД 6 0 - - - КЛ 1 0 - - - 7 0
Вкупно Насионал 66+4 6 - - - - 19 2 - - - 89 7
2014-2015 Англија Сандерленд ПЛ 10 0 ФАКуп+ЛК 2+1 0 - - - - - - 28 5
2015-јан. 2016 ПЛ 6 0 ФАКуп+ЛК 0+2 0 - - - - - - 8 0
Вкупно Сандерленд 16 0 5 0 21 0
јан. - мај. 2016 Португалија Спортинг Лисабон ПЛ 13 0 КП+ЛКП 0+0 0+0 ЛЕ 1 0 - - - 13 0
2016-2017 ПЛ 33 3 КП+ЛКП 2+2 0+0 ЛШ 6 0 - - - 43 3
2017-2018 ПЛ 34 2 КП+ЛКП 5+4 2+1 ЛШ+ЛЕ 7[22]+5 0+0 - - - 54 5
2018-2019 ПЛ 22 1 КП+ЛКП 4+4 0+1 ЛЕ 8 0 - - - 38 2
Вкупно Спортинг Лисабон 102 6 21 3 27 0 - - 150 9
Вкупно во кариерата 200 13 35 3 49 3 284 19

Титули[уреди | уреди извор]

Коатес со наградата за најдобар млад играч на Копа Америка 2011.

Клупски[уреди | уреди извор]

Уругвај Насионал[уреди | уреди извор]

Англија Ливерпул[уреди | уреди извор]

Португалија Спортинг Лисабон[уреди | уреди извор]

Репрезентација[уреди | уреди извор]

Уругвај Уругвај[уреди | уреди извор]

Наводи[уреди | уреди извор]

  1. "Seba: My roots are actually in Scotland". Liverpool F.C. 19 June 2014. конс. 27 June 2014. 
  2. È un continente per vecchi: tra Ganso e Aguero spunta Coates
  3. Wilkinson, Kerry. "BBC Sport - Tottenham 4-0 Liverpool". bbc.co.uk. конс. 20 December 2013. 
  4. McNulty, Phil (21 September 2011). "BBC Sport - Brighton 1-2 Liverpool". bbc.co.uk. конс. 20 December 2013. 
  5. Sanghera, Mandeep (21 March 2012). "BBC Sport - QPR 3-2 Liverpool". bbc.co.uk. конс. 20 December 2013. 
  6. Liverpool's Sebastián Coates to miss 'most of the season' with knee injury - The Guardian, 22 August 2013
  7. Dan Kay (27 November 2013). "Liverpool FC defender Sebastian Coates making injury progress and eyeing Uruguay World Cup slot". Liverpool Echo. конс. 20 December 2013. 
  8. Transfer deadline day: Sunderland sign Liverpool's Sebastian Coates“, BBC Sport, 1 септември 2014 (посет. 1 септември 2014 г).
  9. Sunderland 1-2 Stoke“, „BBC Sport“, 23 септември 2014 (посет. 23 март 2015 г).
  10. "Sebastian Coates: Sunderland sign Liverpool defender". BBC. 1 July 2015. 
  11. Sunderland sign Sebastian Coates from Liverpool on four-year deal“, „ESPN FC“, 1 јули 2015.
  12. Sunderland loanwatch: Sebastian Coates helps Sporting Lisbon get off to a winning start“, „Chronicle Live“, 15 август 2016 (посет. 25 септември 2016 г).
  13. "Real Madrid-Sporting Lisbon 2-1". uefa.com. 14.09.2016. конс. 1.03.2019. 
  14. Sebastian Coates: Sunderland defender joins Sporting Lisbon on permanent deal“, BBC Sport, 2 февруари 2017 (посет. 5 февруари 2017 г).
  15. Taça da Liga Final 2018
  16. Match Report: Costa Rica 0 – Uruguay 1“, „FIFA“, 14 ноември 2009 (посет. 13 април 2010 г).
  17. "Sebastian Coates receives the Trophy Claro – Best Young Player of the Copa America". Awazsports.com. 25 July 2011. Архивирано од изворникот на 2 March 2012. конс. 23 August 2011. 
  18. Convocatoria Uruguay Fútbol Juegos Olímpicos Londres 2012“, lovingfutbol.com, 8 јули 2012 (посет. 8 јули 2012 г). (на es)
  19. Uruguay 1-1 Paraguay: Lucas Barrios cancels out Jose Gimenez's opener in La Serena but a point takes Oscar Tabarez's side into the last eight of the 2015 Copa America“, „Mail Online“, 20 јуни 2015 (посет. 1 јули 2015 г).
  20. "Revealed: Every World Cup 2018 squad - Final 23-man lists - Goal.com". www.goal.com. 
  21. 21,0 21,1 Плејоф.
  22. 2 настапи во плејофот
  23. "Penalties smile on Sporting again as Lions retain Taça da Liga crown". PortuGOAL.net. 26 January 2019. конс. 26 January 2019. 

Надворешни врски[уреди | уреди извор]