Родриго Бентанкур

Од Википедија — слободната енциклопедија
Прејди на прегледникот Прејди на пребарувањето
Родриго Бентанкур
20171114 AUT URU 4518 - Rodrigo Bentancur (cropped).jpg
Лични податоци
Полно име Родриго Бентанкур Колман
Роден на 5 јуни 1997 (1997-06-05) (24 г.)
Роден во Нуева Елвесија, Уругвај
Држава  Уругвај
Висина &100000000000001850000001,85 м
Позиција среден ред
Клупски податоци
Сегашен клуб Јувентус Јувентус
Број 30
Младинска кариера
Бока Хуниорс Бока Хуниорс
Кариера*
Години Клуб Наст. (Гол.)
2015-2017 Бока Хуниорс Бока Хуниорс 51 (1)
2017- Јувентус Јувентус 49 (2)
Репрезентација
2017- Уругвај Уругвај 20 14 (1)
2017- Уругвај Уругвај 17 (0)
  • Сениорските учества и голови се сметаат само за домашни натпревари
податоците се од 21 септември 2011.

† Учества (Голови).

‡ Учествата и головите за репрезентација се според податок од 6 септември 2011

Родриго Бентанкур (роден на 25 јуни 1997, во Нуева Елвесија) — уругвајски фудбалер, играч од средниот ред на Јувентус и на уругвајската репрезентација.

Клупска кариера[уреди | уреди извор]

Бока Хуниорс[уреди | уреди извор]

Бентанкур во Бока Хуниорс

Иако роден во Уругвај, својата кариера ја започнал во младинскиот сектор на аргентинската екипа Бока Хуниорс во 2009 година. Своето деби како професионалец го направил на 9 април 2015 година, во натпреварот од Копа Либертадорес против Вондерерс Монтевидео влегувајќи во игра во 69-тата минута во победата со 3-0, по што уследило и неговото деби во Примера Дивисион на 12 април 2017 во натпреварот против Нуева Чикаго кој завршил 0-0, влегувајќи на местото на Пабло Перес во 77-мата минута.[1]

Во текот на летото на 2015 година Бентанкур бил вклучен во договорот со кој бил извршен трансферот на Карлос Тевес од Јувентус во Бока Јуниорс; како дел од овој договор, екипата на Јувентус се здобила со право да одлучува за купување на Бентанкур, што можело да се оствари до 20 април 2017 година за износ од 9,4 милиони евра.[2]

Спортскиот директор на Јувентус Џузепе Марота потврдил дека Јувентус ќе го искористи своето право за купување на Бентанкур во 2017 година.[3] На 3 април 2017 тој стигнал во Торино и ги завршил медицинските тестови истиот ден. На 21 август 2017, Јувентус го комплетирал трансферот потпишувајќи петгодишен договор со Бентанкур во трајност од 1 јули 2017 до 30 јуни 2022 за 9.5 милиони евра. Потоа тој се вратил во Аргентина за да ја заврши сезоната со Бока Хуниорс.

Јувентус[уреди | уреди извор]

Бентанкур и формално станал играч на Јувентус на 1 јули 2017, придружувајќи му се на клубот на предсезонската турнеја во САД. Своето официјално деби за Јувентус го направил на 26 август 2017, влегувајќи како замена во победата со 4-2 на гости против Џенова во Серија А. Својата прва сезона во Јувентус ја завршил со 27 настапи во сите натпреварувања, освојувајќи ги своето прво скудето и првиот Куп на Италија во кариерата.

Бентанкур во акција со Јувентус во 2019.

На 6 октомври 2018, Бентанкур го постигнал својот прв гол во дресот на Јувентус во победата со 2-0 на гостувањето кај Удинезе во Серија А.[4][5] Својот втор гол го постигнал на 1 декември, во победата со 3-0 над Фјорентина во Фиренца, исто така во Серија А. Во јануари 2019, го освоил својот прв Суперкуп на Италија играјќи 86 минути во победата со 1-0 над Милан, а на крајот од сезоната го освоил своето второ скудето со бјанконерите. На 22 јуни 2019, Бентанкур го продолжил договорот со Јувентус до 2024.[6]

Репрезентативна кариера[уреди | уреди извор]

Бентанкур бил дел од репрезентацијата на Уругвај под 20 години која настапила на Јужноамериканското првенство за играчи под 20 години 2017. Тој постигнал еден гол на првенството во победата со 3-0 над Боливија во првата фаза од турнирот.[7]

Во септември 2017 година, тој го добил својот прв повик во сениорската репрезентација на Уругвај од селекторот Оскар Табарес, за октомвриските квалификациски натпревари за Светското првенство 2018, против Венецуела и Боливија.[8] Дебитирал на 5 октомври, на возраст од 20 години, во натпреварот против Венецуела во Сан Кристобал, заменувајќи го Кристијан Родригес во 65-тата минута од натпреварот.[9]

Во мај 2018, Бентанкур се нашол на списокот на играчи на селекторот Оскар Табарес за Светското првенство 2018 во Русија. Тој ги одиграл сите натпревари на својата репрезентација во групната фаза во која Уругвај остварил три победи и со максимален број на бодови се квалификувал за осминафиналето. Во осминафиналето против Португалија во победата со 2-1, Бентанкур му асистирал на Единсон Кавани за победничкиот погодок на Селесте.[10] Уругвај бил елиминиран од турнирот по поразот со 2-0 од подоцнежниот шампион Франција во четвртфиналето на 6 јули.[11]

Следното лето, Табарес го повикал Бентанкур на Копа Америка 2019 во Бразил.[12] Таму Уругвај бил елиминиран во четвртфиналето од Перу на 29 јуни, по изведување на пенали откако натпреварот завршил 0–0; покрај тоа што Бентанкур бил еден од прецизните изведувачи за својата репрезентација Уругвај загубил со 4–5 на пенали.[13]

Хронологија на репрезентативните настапи[уреди | уреди извор]

Хронологија на настапи и постигнати голови за националната селекција ― Уругвај
Дата Град Домашни Резултат Гости Натпреварување Голови Инфо Детали
5-10-2017 Сан Кристобал Венецуела Венецуела 0 – 0 Уругвај Уругвај Квал. за СП 2018 - влегол во игра 65' дет.
10-10-2017 Монтевидео Уругвај Уругвај 4 – 2 Боливија Боливија Квал. за СП 2018 - дет.
10-11-2017 Варшава Полска Полска 0 – 0 Уругвај Уругвај Пријателска -
14-11-2017 Виена Австрија Австрија 2 – 1 Уругвај Уругвај Пријателска -
23-3-2018 Нанинг Уругвај Уругвај 2 – 0 Чешка Чешка Пријателска - заменет 82'
26-3-2018 Нанинг Велс Велс 0 – 1 Уругвај Уругвај Пријателска - заменет 78'
8-6-2018 Монетевидео Уругвај Уругвај 3 – 0 Узбекистан Узбекистан Пријателска -
15-06-2018 Екатеринбург Египет Египет 0 – 1 Уругвај Уругвај СП 2018 - Прва фаза - дет.
20-6-2018 Ростов Уругвај Уругвај 1 – 0 Саудиска Арабија Саудиска Арабија СП 2018 - Прва фаза - дет.
25-6-2018 Самара Уругвај Уругвај 3 – 0 Русија Русија СП 2018 - Прва фаза - добил жолт картон во 59-тата минута 59' заменет 63' дет.
30-6-2018 Сочи Уругвај Уругвај 2 – 1 Португалија Португалија СП 2018 - Осминафинале - заменет 63' дет.
6-7-2018 Нижни Новгород Уругвај Уругвај 0 – 2 Франција Франција СП 2018 - Четвртфинале - добил жолт картон во 38-мата минута 38' заменет 59' дет.
7-9-2018 Лос Анџелес Мексико Мексико 1 – 4 Уругвај Уругвај Пријателска - добил жолт картон во 38-мата минута 38' заменет 74'
12-10-2018 Сеул Јужна Кореја Јужна Кореја 2 – 1 Уругвај Уругвај Пријателска - добил жолт картон во 75-тата минута 75'
16-10-2018 Саитама Јапонија Јапонија 4 – 3 Уругвај Уругвај Пријателска - заменет 46'
16-11-2018 Лондон Бразил Бразил 1 – 0 Уругвај Уругвај Пријателска -
20-11-2018 Сен Дени Франција Франција 1 – 0 Уругвај Уругвај Пријателска - добил жолт картон во 79-тата минута 79'
22-3-2019 Нанинг Уругвај Уругвај 3 – 0 Узбекистан Узбекистан Пријателска - заменет 70'
7-6-2019 Монтевидео Уругвај Уругвај 3 – 0 Панама Панама Пријателска - заменет 56'
16-6-2019 Бело Хоризонте Уругвај Уругвај 4 – 0 Еквадор Еквадор Копа Америка 2019 - Прва фаза - дет.
20-6-2019 Порто Алегре Уругвај Уругвај 2 – 2 Јапонија Јапонија Копа Америка 2019 - Прва фаза - дет.
24-6-2019 Рио де Жанеиро Чиле Чиле 0 – 1 Уругвај Уругвај Копа Америка 2019 - Прва фаза - дет.
29-6-2019 Салвадор Уругвај Уругвај 0 – 0
(4 – 5 пен.)
Перу Перу Копа Америка 2019 - Четвртфинале - дет.
Вкупно Настапи 23 Голови 0

Титули[уреди | уреди извор]

Аргентина Бока Хуниорс[уреди | уреди извор]

2015
2014-2015

Италија Јувентус[уреди | уреди извор]

2017-2018, 2018-2019, 2019-2020
2017-2018, 2020-2021
2018, 2020

Наводи[уреди | уреди извор]

  1. „Boca Juniors vs. Nueva Chicago - 12 April 2015 - Soccerway“. soccerway.com. Посетено на 2015-06-28.
  2. „Juventus, le mani sul vivaio del Boca grazie a Tevez“. Corriere dello Sport - Stadio. 13 јули 2015. Посетено на 13 август 2016.
  3. „Signing with Bentnacur“. GOAL. 19 December 2016. Посетено на 19 December 2016.
  4. „UDINESE-JUVENTUS, GIOIA BENTANCUR: PRIMO GOL IN BIANCONERO“. www.calciomercato.it. 6 октомври 2018.
  5. „Bentancur enjoys debut Juve goal“. Football Italia. 6 October 2018. Посетено на 6 October 2018.
  6. „Бентакур го продолжи договорот со Јувентус“. Спортско радио 90.3 фм. 22 јуни 2019. Посетено на 1 јули 2019.
  7. Uruguay clasificó al hexagonal del Sudamericano Sub 20 tras vencer 3-0 a Bolivia depor.com
  8. „Uruguay, prima convocazione per Bentancur: la lista completa“. gianlucadimarzio.com. 15 септември 2017.
  9. Stefano Lanzo (7 октомври 2017). „Juventus, Bentancur promosso anche da Tabarez“. tuttosport.com.
  10. Gary Rose (30 June 2018). „Uruguay 2-1 Portugal“. BBC Sport. Посетено на 10 July 2018.
  11. Bevan, Chris (6 July 2018). „Uruguay 0 France 2“. Nizhny Novgorod: BBC Sport. Посетено на 6 July 2018.
  12. „Uruguay Team Squads Copa America 2019“. copaamerica2019.live. 7 March 2019. Посетено на 13 June 2019.
  13. „Uruguay 0–0 Peru“. BBC Sport. 29 June 2019. Посетено на 30 June 2019.

Надворешни врски[уреди | уреди извор]