Пискупштина

Од Википедија — слободната енциклопедија
Прејди на прегледникот Прејди на пребарувањето
Пискупштина
Викиекспедиција во Дримкол 41.jpg

Поглед на дел од селото и мост над Пискупска Река

Пискупштина is located in Македонија
Пискупштина
Местоположба на Пискупштина во Македонија
Координати 41°19′15″N 20°36′20″E / 41.32083° СГШ; 20.60556° ИГД / 41.32083; 20.60556Координати: 41°19′15″N 20°36′20″E / 41.32083° СГШ; 20.60556° ИГД / 41.32083; 20.60556
Регион Logo of Southwestern Region, North Macedonia.svg Југозападен
Општина Coat of arms of Struga Municipality.svg Струга
Област Дримкол
Население 182[1] жит.
(поп. 2002)
Пошт. бр. 6337
Повик. бр. 046
Надм. вис. 790 м
Слава Свети Никола Летен
Commons-logo.svg Пискупштина на Ризницата


Пискупштина — село во областа Дримкол, во Општина Струга, на патот помеѓу градовите Струга и Дебар.

Географија и местоположба[уреди | уреди извор]

Куќи во селото

Селото се наоѓа во областа Дримкол, во северниот дел на територијата на Општина Струга, во северозападниот дел на Струшкото Поле.[2] Селото е планинско, на надморска височина од 960 метри. Од градот Струга е оддалечено 22 километри.[2]

Селото е вовлечено во долината на Пискупска Река и куќите се наоѓаат на обата брега на реката. Пискупштина е поделено на две маала: Груовско на левиот брег и Ѓеровско на десниот брег од реката.[3]

Селото се наоѓа во областа Дебарски Дримкол, во североисточните падини на планината Јабланица. Оддалечено е 32 километри јужно од Дебар.

Историја[уреди | уреди извор]

Во XIX век, Пискупштина било село во рамките на Дебарската каза на Отоманското Царство.

Селото го основале односно го обновиле доселеници од Голо Брдо. По кажување на денешните жители, денешното село било напуштено, поради што луѓе од Голо Брдо дошле и го заземеле земјиштето. Кажуваат дека порано селото се наоѓало на месноста Старо Село, над Ѓеровското Маало, а некогаш постоеле куќи и на месноста Шелишници.[3]

Стопанство[уреди | уреди извор]

Стог со сено во селото

Атарот зафаќа простор од 5,5 км². На него преовладуваат шумите на површина од 348 хектари, а на пасиштата отпаѓаат 139 хектари.[2]

Селото, во основа, има сточарско-шумарска функција.[2]

Кај селото се откриени резерви од јаглен од околу 3,5 милиони тони и тој се експлоатира.[4]

Население[уреди | уреди извор]

Според податоците од 1873 година, селото имало 30 домаќинства и 94 жители мажи.[5]

Според податоците на Васил К’нчов („Македонија. Етнографија и статистика“) од 1900 година, во селото Пискупштина имало 165 жители.[6] По податоците на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година во Пискупштина имало 176 жители.[7]

Селото е мало, населено со македонско население. Во 1961 година, селото броело 249, а во 1994 година 256 жители.[2]

Според последниот попис од 2002 година, во селото Пискупштина живееле 182 жители, сите Македонци.[1]

Во табелата во продолжение е направен преглед на населението во сите пописни години:

Година 1900[8] 1905[9] 1948 1953 1961 1971 1981 1991 1994 2002
Население 165 176 239 263 249 284 275 266 256 182
Извор за 1948-2002 г.: Државен завод за статистика на РМ.[10]

Родови[уреди | уреди извор]

Во селото постојат следниве родови: Ѓеровци (6 к.), побегнале од Стеблево поради Турците, кога дошол Петре пред 150 години; Груовци (3 к.), со гранка Бежановци (2 к.), дошол Живко од Стеблево, а потекнуваат од Подгорица во Црна Гора, викаат дека и Домазетовци во Јабланица се нивна гранка; Ѓутевци (1 к.), исто така од Стеблево, од каде дошол Дуко, а потекнуваат од Херцеговина; Кленковиќ (1 к.), потекнуваат од Клења во Голо Брдо; Анѓелковци (4 к.), исто така од Стеблево; Цацановци (2 к.); Дукиќи (3 к.); Бешковци (2 к.).[3]

Општествени установи[уреди | уреди извор]

Општествен објект во селото

Самоуправа и политика[уреди | уреди извор]

Селото влегува во рамките на Општина Струга, која била проширена по новата територијална поделба на Македонија во 2004 година. Во периодот од 1996-2004 година, селото било дел од некогашната Општина Луково.

Во периодот од 1965 до 1996 година, селото се наоѓало во рамките на големата општина Струга. Селото припаѓало на некогашната општина Струга во периодот од 1957 до 1965 година, додека во периодот 1955-1957 селото било дел од тогашната општина Луково.

Во периодот 1952-1955, селото било дел од тогашната Општина Дримкол, во која покрај селото Пискупштина, се наоѓале и селата Безово, Јабланица, Лакаица, Луково и Нерези. Во периодот 1950-1952 година, селото Пискупштина било дел од некогашната општина Нерези, во која влегувале селата Луково, Нерези и Пискупштина.

Изборно место[уреди | уреди извор]

Во селото се наоѓа изборното место бр. 1891, кое според Државната изборна комисија е сместено во основното училиште.[12]

На локалните избори во 2017 година, на ова изборно место биле запишани вкупно 203 гласачи.[13] На референдумот во 2018 година, на ова изборно место биле запишани вкупно 197 гласачи.[14]

Културни и природни знаменитости[уреди | уреди извор]

Главната селска црква „Св. Никола“
Археолошки локалитети[15]
  • Кале — населба од средниот век.
Цркви[16]
Реки[17]

Редовни настани[уреди | уреди извор]

Галерија[уреди | уреди извор]

Наводи[уреди | уреди извор]

  1. 1,0 1,1 „Попис на Македонија“ (PDF). Завод за статистика на Македонија. 2002. конс. 25 ноември 2018. 
  2. 2,0 2,1 2,2 2,3 2,4 Панов, Митко (1998) (на македонски). Енциклопедија на селата во Република Македонија. Скопје: Патрија. стр. 235. https://commons.wikimedia.org/wiki/File:%D0%95%D0%BD%D1%86%D0%B8%D0%BA%D0%BB%D0%BE%D0%BF%D0%B5%D0%B4%D0%B8%D1%98%D0%B0_%D0%BD%D0%B0_%D1%81%D0%B5%D0%BB%D0%B0%D1%82%D0%B0_%D0%B2%D0%BE_%D0%A0%D0%B5%D0%BF%D1%83%D0%B1%D0%BB%D0%B8%D0%BA%D0%B0_%D0%9C%D0%B0%D0%BA%D0%B5%D0%B4%D0%BE%D0%BD%D0%B8%D1%98%D0%B0.pdf. посет. 25 ноември 2018 г. 
  3. 3,0 3,1 3,2 Филиповиќ, Мил. (1939). Дебарски Дримкол. Скопје: Јужна Србија. стр. 71-72. 
  4. Државно“. Македонска енциклопедија , книга I (А-Љ): стр. 494. (2009). Скопје: МАНУ.
  5. „Македония и Одринско. Статистика на населението от 1873 г.“ Македонски научен институт, София, 1995. стр. 172-173.
  6. Васил К’нчов. „Македонија. Етнографија и статистика“. Софија, 1900, стр. 261.
  7. D.M.Brancoff. "La Macédoine et sa Population Chrétienne". Paris, 1905, р. 184-185.
  8. К’нчов, Васил. „Македонија. Етнографија и статистика“. Софија, 1900
  9. Brancoff, D.M. „La Macédoine et sa Population Chrétienne“. Paris, 1905.
  10. „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика. 
  11. „Основни и средни училишта“. Општина Струга. конс. 25 ноември 2018. 
  12. „Описи на ИМ“. конс. 25 ноември 2018. 
  13. „Локални избори 2017“. конс. 25 ноември 2018. 
  14. „Референдум 2018“. конс. 25 ноември 2018. 
  15. Коцо, Димче (1996). Археолошка карта на Република Македонија. Скопје: МАНУ. ISBN 9789989101069
  16. Јелена Павловска, Наташа Ниќифоровиќ и Огнен Коцевски (2011). Валентина Божиновска. уред (на македонски). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7. 
  17. Петрушевски, Илија; Маркоски, Благоја (2014). Реките во Република Македонија. Скопје: Геомап. стр. 55. ISBN 978-9989-2117-6-8. https://commons.wikimedia.org/wiki/File:Реките_во_Македонија.pdf?uselang=mk. 

Поврзано[уреди | уреди извор]

Надворешни врски[уреди | уреди извор]