Мислешево

Од Википедија — слободната енциклопедија
Прејди на: содржини, барај
Мислешево
Мислешево се наоѓа во Republic of Macedonia
Мислешево
Местоположба на Мислешево во Македонија
Координати 41°11′06″ СГШ 20°42′31″ ИГД / 
Општина Општина Струга
Население 3507 жит.
Надм. вис. 700 м
Мреж. место Мислешево
Commons-logo.svg Мислешево на Ризницата

Мислешево е село во Општина Струга.

Географија и местоположба[уреди | уреди извор]

Селото е распослано во наносната рамнина на охридскиот басен, што се простира околу Струга. Тоа е најблиското село до градот Струга и се наоѓа на околу 2 км североисточно од него. Отсекогаш било, а и денес е, едно од најголемите села во Струшкото Поле. Се наоѓа во струшката котлина, на десната, источна, страна на реката Црн Дрим, на околу 700 метри надморска височина. Неговиот атар на север се граничи со атарот на селото Мороишта, на североисток со атарот на селото Волино, на исток со атарите на селата Требеништа, Горенци и Оровник, на југ со Охридското Езеро, на северозапад со градот Струга и на запад со реката Црн Дрим. Неговата катастарска плоштина зафаќа простор од 1318 хектари.

Во атарот на селото Мислешево, како поголеми и попознати, се сретнуваат следните месности: Рибница, Бјоларница, Крбла, Пералиште, Требенишки Мост, Волински Пат, Мороишки Пат, Мороишка Топола, Кошара, Стара Пруга, Влак, Темни Јаз, Доганџица, Бостаниште, Шаркиница, Поливада, Вишевско Блато, Пашиница, Градски Пат, Маторник, Шемоска Ограда, Бранејнца, Барски Ливаѓе, како и некои помали микротопоними, со локално маалско или семејно значење.

Историja[уреди | уреди извор]

Од каде дошло името на селото Мислешево е доста тешко да се утврди. За тоа постојат доста преданија, меѓу кои се прикажува и една мала анегдота за името на селото, во која се вели дека неговите жители се думале какво име да му дадат на селото. Долго и долго мислеле, мислеле... и на крајот му го дале името „Мислешо“ или „Мишлешо“, како што се нарекувало и нарекува во народниот говор. Според некои извори името е од словенско потекло и спаѓа во групата лични имиња, а е изведено од зборот „мисл“. Во средниот век се споменува „стас“ – полски имот во село Мислешево, кој кралот Душан (1342-45 г.) со своја даровница, му го дарувал на манастирот „Света Богородица Перивлепта“, денешен „Свети Климент“ во Охрид. Во минатото околу селото се протегало познатото струшко блато, што го предизвикувале поплави, кои биле присутни во доцните есенски, зимски и раните пролетни месеци, предизвикувани од излевањето на езерото и реките Црн Дрим и Сатеска. Тогаш низ селото се одело исклучиво со чизми, односно „скорни“, како што тука се нарекуваат, или пак со кукалки, за што мислешевци биле добри мајстори. Но, затоа пак, полето било многу плодородно.

Економија[уреди | уреди извор]

Како приградска населба на градот Струга и големо село во Струшкото поле, кое е сместено а важен автомобилски пат, Мислешево е економски многу развиено село. Голем е бројот на луксузни куќи за живеење, а скоро секое семејство има свој луксузен патнички автомобил. Земјоделската механизација, составена од трактори, комбајни, косачки, балирки и слични механизирани орудија, претставува неоделив дел од секое замјоделско семејство. Со тоа животот е многу олеснет, земјоделското и сточарското производство многу зголемени, а селото се претвори во вистинска приградска населба. Поради поволните услови од земјоделството најзастапено е одгледувањето на жита, односно пченица и особено пченка, градинарски култури како домати од познатата сорта „воловско срце“, пиперки, кромид, зелка, овоштарство односно одгледување на познатите цреши, јаболка, сливи, круши. Од сточарството се застапени одгледувањето на крави и овци.

Во Мислешево денес, мошне успешно, работат неколку индустриски капацитети, производствени погони и стоваришта за граежни материјали, печатници, три салони за мебел, автосервиси, локали за забавен живот на младите, трговски и други приватни претпријатија.

Демографија[уреди | уреди извор]

Мислешево е големо село и според својата местоположба всушност претставува предградие на Струга бидејќи по пат на конурбација и доселување на голем број луѓе во населбата Мислешевски Пат веќе е споена со градот Струга.

Според последниот попис на населението на Македонија од 2002 година, селото има 3.507 жители. Следува табела на националната структура на населението[1]

Националност Вкупно
Македонци 2 791
Турци 28
Роми 13
Албанци 527
Власи 66
Срби 15
Бошњаци 0
Други 67

Родови[уреди | уреди извор]

Селото Мислешево, од секогаш било населено исклучиво со Македонци од православна христијанска вероисповед, кои и во денешно време претставуваат најдоминатно мнозинство во населеното место во кое како жители се водат и лица од други националности, кои всушност живеат во струшката приградска населба Мислешевски Пат, која административно се води како дел од Мислешево. Во етнографските истражувања се забележани следните родови, кои може да се поделат во староседелци, постари доселеници и поновои доселеници. Староседелски родови се: Шулевци, Мечкаровци, Коруновци (овие 3 родови се сметаат за најстари во Мислешево), Мижимаковци, Шавревци, Љубоски, Рембовци, Кајмакамовци (Стојанчовци), Бунчевци и Кожески (за кои се знае дека се доселени од с.Волино)[2]. Постари доселенички македонски родови се: Бочевци (од областа Дебарца), Крстаноски (од с.Сирула - Охридско), Шуковци (од с.Горенци - охридско), Прентовци (од селото Прентово, западно од Струга, денес во Албанија), Рајчиновци (од с.Рајца, денес во Албанија)[3]. Понови доселенички родови се: Ташморуништани, Луковчани, Брчевчани, Радождани, Јабланичани, Длабочани, Луковчани, Нережани, Ржановци, Вевчанци, Лабуништани (Македонци-муслимани), Френговци (Албанци) кои ги носат имињата по струшките села од каде што се иселиле во периодот 1971 - 1977 и чии новоизградени куќи вдолж патот за Струга, всушност ја сочинуваат новоизградената приградска населба Мислешевски Пат[4].

Општествени институции[уреди | уреди извор]

Црквата „Св. Јован Крстител“ во Мислешево

Во Мислешево работи осумгодшно основно училиште, а има и 3 православни христијански цркви. Во селото има и Василичарско друштво кое за Василица организира караневал и работи КУД „Наумче Мечкароски“.

Администрација и политика[уреди | уреди извор]

Културни и природни знаменитости[уреди | уреди извор]

Редовни настани[уреди | уреди извор]

Личности[уреди | уреди извор]

Култура и спорт[уреди | уреди извор]

  • ФК Работник

Иселеништво[уреди | уреди извор]

Наводи[уреди | уреди извор]

  1. http://www.stat.gov.mk/publikacii/knigaX.pdf Попис во Македонија 2002. - Книга 10.
  2. Трифуноски Ф.Јован „Охридско-струшка област. Антропогеографска проучавања“. САНУ, Белград, 1990 год. стр.241
  3. Трифуноски Ф.Јован „Охридско-струшка област. Антропогеографска проучавања“. САНУ, Белград, 1990 год. стр.241
  4. Трифуноски Ф.Јован „Охридско-струшка област. Антропогеографска проучавања“. САНУ, Белград, 1990 год. стр.241
  5. „Осветување на нова црква во Мислешево, струшко“ (на македонски). МПЦ - ОА. 11 септември 2007. http://www.mpc.org.mk/mpc/se/vest.asp?id=2296. конс. 9 јануари 2011 г. 
  6. „Осветување на црквата во Мислешево“ (на македонски). Струга Портал. Сабота, 01 Август 2009 00:10. http://strugaportal.com/index.php?option=com_content&view=article&id=1064:crkva-mislesevo&catid=74:strnovo&Itemid=98. конс. 9 јануари 2011 г. 

Надворешни врски[уреди | уреди извор]