Делогожди
| Делогожди | |
  Делогожди Местоположба на Делогожди во Македонија
Делогожди на интерактивна карта
| |
| Координати 41°15′26″N 20°43′25″E / 41.25722° СГШ; 20.72361° ИГДКоординати: 41°15′26″N 20°43′25″E / 41.25722° СГШ; 20.72361° ИГД | |
| Општина |  Струга
|
| Население | 2.920 жит. (поп. 2002) |
| Пошт. бр. | 6338 |
| Шифра на КО | 26014 |
| Надм. вис. | 787 м |
|
Делогожди на општинската карта  Атарот на Делогожди во рамките на општината | |
 Делогожди на Ризницата
| |
Делогожди (или Делогожда) — село во Општина Струга, во околината на градот Струга. До 2002 година Делогожди била самостојна општина и опфаќала неколку села, но со новиот Закон за локална самоуправa се припојува кон Општина Струга.
Географија и местоположба[уреди | уреди извор]
Делогожди лежи на јужниот дел на Планината Караорман во една надморска височина од 800 метри и на исток граничи со селaтa Џепин (1,6 км) и Корошишта (2,3 км), на југ со селaтa Ливада (2,8 км) и Биџево (3,7 км), на југозапад со селото Ново Село (3,1 км), на запад со селото Долно Татеши (2,9 км), и на север со селото Поум (2,9 км). Селото се наoѓa северозападно од градот Струга, на оддалеченост од 11 килoметри.
Историја[уреди | уреди извор]
На крајот на XIX век, Делогожди било албанско село, дел од Струшката нахија во Охридската каза на Отоманското Царство.[1]
Во „Етнографија на вилаетите Адријанопол, Монастир и Салоника“ се вели дека во 1873 г. селото имало 65 муслимани.
Демографија[уреди | уреди извор]
Според статистиката на Васил К’нчов („Македонија, Етнографија и статистика“) од 1900 година, во Делогожди живееле 730 жители, сите Албанци.[2]
Според последниот попис на населението на Македонија од 2002 година, селото има 2.920 жители. Следува табела на националната структура на населението[3]
| Националност | Вкупно |
| Македонци | 0 |
| Албанци | 2.906 |
| Турци | 2 |
| Роми | 0 |
| Власи | 0 |
| Срби | 1 |
| Бошњаци | 0 |
| останати | 11 |
На табелата е прикажана состојбата на населението во сите пописни години:[4]
| Година | 1900 | 1948 | 1953 | 1961 | 1971 | 1981 | 1994 | 2002 |
|---|---|---|---|---|---|---|---|---|
| Население | 730[2] | 1.140 | 1.280 | 1.453 | 1.717 | 2.082 | 2.229 | 2.920 |
Родови[уреди | уреди извор]
Делогожда е албанско село.
Родови во селото се: Положан (100 к.) родовското име го добиле по селото во северна Албанија од каде се доселиле. Родот се намножил од браќата Цан и Суљо кои се доселиле на почетокот од XIX век. Го знаат следното родословие: Рустем (жив на 77 г. во 1980 година) Первиз-Даут-?-Цан, кој се доселил; Жаку (35 к.) доселени се од Дебарско, од каде се иселиле поради крвна одмазда, го знаат следното родословие: Ибни (жив на 58 г. во 1980 година) Сали-Дестан-Мамут-Џафер, основачот на родот кој се доселил, кој имал 4 синови Мамут, Селман, Емин и Рустем; Села (15 к.) доселени се од соседното планинско село Поум, подалечно потекло од Дебарско; Кица (10 к.) и Мазари (10 к.) исто така се доселени од Дебарско; Шабанлар (20 к.) доселени се од областа Голо Брдо, тие се албанизиран торбешки род, кога дошле зборувале на македонски; Коџаџику (30 к.) доселени се од селото Коџаџик, Дебарско. Тие се албанизирани Турци, кога дошле во селото зборувале турски; Аљасани (15 к.) и Цапри (7 к.) доселени се од охридското село Ливоишта, можда се албанизирани Македонци; Домазет (4 к.) потекнуваат од домазет. И овдешните Албанци го употребуваат зборот домазет.[5]
Култура и спорт[уреди | уреди извор]
- КУД „Беса“ — основано во 1974 година, како резултат на големата желба на младинатa на Делогожди за да ги афирмира вредностите и културно-уметничкaтa традиција на Делогожди и на струшката околија. Како први иницијатори за да се формира КУД „БЕСА“ беа некои млади и интелектуалци од Делогожди.
- ФК Делогожди — Фудбалски клуб основан во 1977/78 година со името „Влазними“. Првата управа на ФК Делогожда беше составена од: Зејадин Ислами (претседател), Алит Алити (благајник), Мустафа Усеини и Ресул Бектеши (трeнери). Како прв иницијатор за да се основа клубoт бил Алит Алити, во чија чест е наречен Спортскиот центар на Делогожди.
Знаменитости[уреди | уреди извор]
Археолошки наоѓалишта[уреди | уреди извор]
- Во Дворот на Фејзо Кемо — пат од римско време
- Градиште - Кале — населба со утврдување од железно, хеленистичко и римско време
- Падарница — населба од хеленистичко и римско време
- Св. Илија — некропола со базилика од архајско, хеленистичко и римско време и средниот век, прогласена за културно наследство на Македонија[6]
- Црско - Црква — сакрален објект од средниот век
- Чинар - Џамија — црква и некропола од средниот век
Личности[уреди | уреди извор]
- Махмут Ибрахими — амбасадор на Македонија во Швајцарија и Лихтенштајн
Поврзано[уреди | уреди извор]
Наводи[уреди | уреди извор]
- ↑ „Македония и Одринско. Статистика на населението от 1873 г.“ Македонски научен институт, София, 1995. стр. 104-105.
- ↑ 2,0 2,1 Васил К’нчов. „Македонија. Етнографија и статистика“. Софија, 1900, стр. 253.
- ↑ Попис на населението, домаќинствата и становите во Република Македонија, 2002 - Книга X
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.[мртва врска]
- ↑ Трифуноски, Јован (1992). Охридско-струшка област : антропогеографска проучавања. САНУ. ISBN 8670251582. OCLC 466478840.
- ↑ Список на заштитени добра. Состојба до 31.12.2012. Скопје: Управа за заштита на културното наследство.
Надворешни врски[уреди | уреди извор]
Делогожди на Ризницата ?- Сателитска снимка на Делогожди на Карти на Гугл
