Нордернај

Од Википедија — слободната енциклопедија
Прејди на прегледникот Прејди на пребарувањето
Нордернај

Norderney

Поглед на Нордернај од запад
Поглед на Нордернај од запад
Знаме на Нордернај
Грб на Нордернај
Нордернај is located in Германија
Нордернај
Управа
Земја Германија
Покраина Долна Саксонија
Округ Аурих
Градски единици Фишерхафен, Нордхелмзидлунг
Градоначалник Франк Улрихс (SDP)[1]
Основни податоци
Површина 26,3 км2
Надм. височина 5 м
Население 5.981 (31 декември 2016)[2]
 - Густина 227 жит/км2
Други информации
Часовен појас CET/CEST (UTC+1/+2)
Рег. табл. AUR, NOR
Пошт. бр. 26548
Повик. бр. 04932
Портал norderney.de
Местоположбата на градот Нордернај во рамките на округот Аурих
Карта
Координати 53°42′26″N 7°8′49″E / 53.70722° СГШ; 7.14694° ИГД / 53.70722; 7.14694Координати: 53°42′26″N 7°8′49″E / 53.70722° СГШ; 7.14694° ИГД / 53.70722; 7.14694

Нордернај (германски: Norderney) — остров во северозападна Германија од групата на Источнофризиски Острови, сместен недалеку од северноморскиот брег на Долна Саксонија. Сочинува своја општина во склоп на округот Аурих.

Ова е деветти по големина остров во Германија, долг 14, а широк 2,5 км, и со вкупна површина од 26,3 км2. Населението брои околу 6.051 жители. In 1946 г. Нордернај станал општина во состав на тогашниот округ Аурих. На северната страна од островот се протега песочна плажа во должина од 14 км.

На исток е соседниот остров Балтрум, оддалечен на 800 м преку морскиот ракав Вихтер Е. Од западна страна е островот Јуист, на растојание од 3 км преку ракавот Нордернајски Гат.

Сета источна половина на Нордернај му припаѓа на Националниот парк Долносаксонско Ваденско Море. Овие делови се поделени на зони со различни степени на зашита и можност за пристап. Поради присуството на паркот, на целиот остров важи строго ограничен сообраќаен режим за моторни возила.

Островот е поврзан со копното со траект кој сообраќа до пристаништето Норддајх во градот Норден. има и мал аеродром со еднокилометарска писта.

Историја[уреди | уреди извор]

Ова е најмладиот од седумте Источнофризиски Острови. Во денешен облик постои од средината на XVI век, како источен остаток од некогашниот остров Бујзе. Овој поголем остров е разделен на два дела како последица од Светимарцеловата поплава од 1362 г., чија источна половина отпрвин се анрекувала Остренде. Преостанатиот дел од Бујзе постепено се смалувал за конечно да исчезне под Северното Море за време на Светипетровата поплава of 1651 г. Остренде, пак, добивал на големина, за што сведочи пописот од 1550 г. кој го нарекува Северен Нов Остров (Norder neys Oog) и бележи дека има 18 куќи и една црква. Претежно занимање на мештаните во ова време бил риболовот. Во втората половина на XVIII век на значење добила поморската трговија, а потоа и туризмот. Во 1797 г. Нордернај станал првото германско летувалиште на Сверното Море.

Се смета дека првите трајни населби на Нордернај настанале во XIII и XIV век. Во западниот дел на островот никнало вистинско село, засолнето со високи песочни дини. Во документите, островот за првпат се споменува во 1398 г. Кон 1650 г. е забележано дека островот е долг 8,3 км, а селото има 18 куќи со вкупно 101 жител. Нордернај значително настрадал во катастрофалната Божиќна поплава од 1717 г. Во 1830-тите главно занимање на населението станало собирањето на школки.

Хановерскиот престолонаследник Георг за првпат го посетил Нордернај во 1836 г., а почнувајќи од 1851 г. секоја година одржувал летен двор. Во овој период летувалиштето доживеало подем поради популарноста меѓу богатите и славните. Во 1858 г. е изградено дрвено шеталиште долго 950 м. Во 1862 г. на островот е изградена и ветерница. Веќе во 1899 г. островот имал 4.018 жители и 26.000 гости. Покрупните стопански активности отпочнале во 1901 г. со окрупнувањето на стопанскиот риболов. Во 1925 г. островот броел 5.564 жители и 38.140 гости. Истата година започнал и редовен воздухопловен сообраќај со превозникот „Луфтханза“.

За време на германската окупација на Каналските Острови во Втората светска војна воспоставени се низа заробенички работни логори, меѓу кои логорот наречен „Нордернај“.[3]

Клима и разонода[уреди | уреди извор]

Нордернај се одликува со умерена приморска клима и помали температурни разлики отколку во околните копнените предели. Врнежите се рамномерни во текот на целата година, при што есента е малку поврнежлива. Највлажен месец е ноември со 87,6 мм, а најсув е февруари со 40,7 мм. Островот е воедно у посончев од копното, со околу 1.600 сончеви часови годишно. Температурата на морето се движи од 3-7 °C зиме до преку 20 °C во летните месеци. Во јули 2014 г. во водата се измерени рекордни 34,1 °C.

На островот има и нудистичка плажа, сместена непосредно на исток од Северна плажа.[4]

Поврзано[уреди | уреди извор]

Наводи[уреди | уреди извор]

Надворешни врски[уреди | уреди извор]