Висмор

Од Википедија — слободната енциклопедија
Прејди на прегледникот Прејди на пребарувањето
Висмор

Wiesmoor

Градското собрание
Градското собрание
Знаме на Висмор
Грб на Висмор
Висмор is located in Германија
Висмор
Управа
Земја Германија
Покраина Долна Саксонија
Округ Аурих
Градски единици 8
Градоначалник Свен Либерс (независен)
Основни податоци
Површина 82,99 км2
Надм. височина 11 м
Население 13.339 (31 декември 2020)[1]
 - Густина 161 жит/км2
Други информации
Часовен појас CET/CEST (UTC+1/+2)
Рег. табл. AUR
Пошт. бр. 26639
Повик. бр. 04944
Портал www.wiesmoor.de
Местоположба на градот Висмор во рамките на округот Аурих
Карта
Координати 53°24′0″N 7°44′0″E / 53.40000° СГШ; 7.73333° ИГД / 53.40000; 7.73333Координати: 53°24′0″N 7°44′0″E / 53.40000° СГШ; 7.73333° ИГД / 53.40000; 7.73333

Висмор (германски: Wiesmoor) — град во округот Аурих, во сојузната покраина Долна Саксонија, Германија.

Се наоѓа на каналот Нордгеоргсфен и е најнов град во областа Источна Фризија, добивајќи ги градските права на 16 март 2006 година, а два дена подоцна ја прославил стогодишнината од основањето на населбата.

Градот го должи својот развој на индустријализацијата на производството на тресет од околните мочуришта.

Географија[уреди | уреди извор]

Местоположба[уреди | уреди извор]

Висмор се наоѓа во северозападниот дел на Германија во средиштето на историската област Источна Фризија. Оддалеченоста од Северното Море изнесува околу 30 километри. Поголеми градови во околината се Вилхелмсхафен (околу 30 километри североисточно), Олденбург (околу 45 километри југоисточно), Бремен (околу 80 километри југоисточно), како и Гронинген (околу 80 километри југозападно).

Вкупното градско подрачје на Висмор се протега на површина од 82,99 квадратни километри. Најголемо растојание на градското подрачје во насока север-југ изнесува околу 11 километри, додека во насока запад-исток е околу 7 километри.

Со 161 жител на квадратен километар, Висмор во споредба со многу други градови е слабо населен.

Соседни општини[уреди | уреди извор]

Висмор се наоѓа во средишниот дел на Источнофризискиот Полуостров, сместен во крајниот југоисточен дел на округот Аурих. Градот покрај Илов е една од двете општини во округот Аурих, кои се граничат со два округа. На исток се граничи градот со општината Фридебург (округ Витмунд), на југ со општината Упленген (округ Лер). Западно од Висмор се наоѓа општината Гросефен, северно се наоѓа окружниот град Аурих (односно неговата единица Брокцетел), обата во округот Аурих.

Градски единици[уреди | уреди извор]

Висмор се состои од градското јадро (Висмор Мите) и други десет градски единици.

Градски единици на Висмор се:[2]

  • Маркардсмор
  • Визедерфен
  • Мулберг
  • Рамсфен
  • Хинрихсфен
  • Цвишенберген
  • Фосбарг
  • Аурихер Висмор II
  • Вилхелмсфен II
  • Вилхелмсфен I

Клима[уреди | уреди извор]

Климата во градот е под директно влијание на Северното Море. Лете дневните температури се пониски, додека зиме често се повисоки отколку внатре во копното.

Политика[уреди | уреди извор]

Градски совет[уреди | уреди извор]

Градскиот совет се состои од 30 избрани членови, што одговара за градови со број на жители помеѓу 12.001 и 15.000 жители.[3] Членовите се избираат на општи избори на секои пет години.

На последните општински избори на 12 септември 2021 година биле добиени следниве резултати:[4]

Партија Удел Места
SPD 47,83 % 14
CDU 18,18 % 6
Слободни гласачи Висмор 13,22 % 4
FDP 2,90 % 1
GRÜNE 6,07 % 2
Слободна граѓанска листа Висмор 6,62 % 2
Партија за заштита на животните 3,75 % 1

Градоначалник[уреди | уреди извор]

Градоначалник на градот Висмор е Свен Либерс (независен).[5]

Збратимени градови[уреди | уреди извор]

Висмор е збратимен со следниве градови:

Цветен фестивал[уреди | уреди извор]

Цветниот фестивал во Висмор првпат се одржал во 1952 година. Оттогаш се одржува секоја година во првиот викенд во септември (од четврток до понеделник).

Галерија[уреди | уреди извор]

Наводи[уреди | уреди извор]

  1. „Населеност на окрузите, општините и месните заедници во Долна Саксонија на 31 декември 2020“. Служба за статистика и комуникациска технологија на Долна Саксонија. јули 2021. (германски)
  2. „Stadt- und Ortsteile“. Stadt Wiesmoor - Daten und Fakten (германски). Stadt Wiesmoor. Посетено на 2020-08-02.
  3. Niedersächsisches Kommunalverfassungsgesetz (NKomVG) in der Fassung vom 17. Dezember 2010; § 46 – Zahl der Abgeordneten, abgerufen am 28. Dezember 2016.
  4. „Wahlenübersicht“. votemanager.kdo.de. Посетено на 2022-03-13.
  5. „Die Kommunalwahl in Ostfriesland: Der Ticker zum Nachlesen“ (германски). Посетено на 2021-11-01.

Надворешни врски[уреди | уреди извор]