Боркум

Од Википедија — слободната енциклопедија
Прејди на прегледникот Прејди на пребарувањето
Боркум

Borkum

Боркум фотографиран од светилник
Боркум фотографиран од светилник
Знаме на Боркум
Грб на Боркум
Боркум is located in Германија
Боркум
Управа
Земја Германија
Покраина Долна Саксонија
Округ Лер
Градоначалник Јирген Тенјес Акерман (независен)
Основни податоци
Површина 30,74 км2
Надм. височина 6 м
Население 5.002 (31 декември 2020)[1]
 - Густина 163 жит/км2
Други информации
Часовен појас CET/CEST (UTC+1/+2)
Рег. табл. LER
Пошт. бр. 26757
Повик. бр. +49 22
Портал stadt-borkum.de
Местоположба на градот Боркум во рамките на округот Лер
Карта
Координати 53°35′17″N 6°40′11″E / 53.58806° СГШ; 6.66972° ИГД / 53.58806; 6.66972Координати: 53°35′17″N 6°40′11″E / 53.58806° СГШ; 6.66972° ИГД / 53.58806; 6.66972

Боркум (германски: Borkum; источнофризиски долносаксонски: Boarkum) — еден од 32. Фризиски Острови и град во округот Лер, во сојузната покраина Долна Саксонија, Германија. Тој е еден од седумте населени Источнофризиски Острови на работ од долносаксонскиот дел од Ваденското Море во јужниот дел на Северното Море, сместен помеѓу островот Ротумерог на запад и Јист на исток.

Географија[уреди | уреди извор]

Местоположба[уреди | уреди извор]

Карта на Боркум.

Боркум е дел од Источнофризиските Острови. Како најзападен остров од архипелагот, Боркум се наоѓа помеѓу обете ракави на устието на Емс. Островот вкупно зафаќа 31 квадратен километар, долг е десет километри и широк е максимални седум километри.[2]:9

Источно се наоѓаат островите Јист, Мемерт, Брауер- и Кахелотплате, додека на западната страна се наоѓаат Западнофризиските Острови, како што е холандскиот Ротумерог. Помеѓу Боркум и Ротумерог поминува германско-холандската граница.

Оддалеченоста од холандскиот брег изнесува околу дванаесет километри, додека до германското копно околу 20 километри. Градот Боркум има околу 5.200 жители.

Преку морските струи се променувале обликот и местоположбата на островот.

Градски единици[уреди | уреди извор]

Кон градот Боркум припаѓа истоименото место во западниот дел на островот, како и помалите места Остланд (во источниот дел на островот) и Реде (во југоисточниот дел на пристаништето).

Соседни општини[уреди | уреди извор]

Поради својата местоположба, Боркум нема директни соседни општини, туку само соседни острови и општини на копното. Соседни острови се Ротумерог (Холандија) на запад, како и Јист, Литје Херн, Мемерт и Кахелотплате на исток. Последните три се ненаселени острови. Кахелотплате е песочен брег, кој повеќе не е редовно поплавуван од водата и со тоа ќе стане остров.

Најблиско копно е во Холандија, од каде постои фериботска линија со тамошното пристаниште Емсхавен. На германска страна е Емден, од каде постои ферибот за Боркум. Бидејќи островот лежи доста надвор во устието на Емс, патувањето од Емден до Боркум е подолго отколку до било кој друг остров во Северното Море, освен Хелголанд.

Клима[уреди | уреди извор]

Климата на островот Боркум е под директно влијание на Северното Море. Во просек, температурите на островот во лето се посвежи, а во зима се потопли отколку на копното.

Клима на Боркум
Показател Јан Фев Мар Апр Мај Јун Јул Авг Сеп Окт Ное Дек Годишно
Просечна максимална (°C) 5,0 5,1 8,1 12,7 15,6 18,3 21,6 21,1 18,5 14,1 9,5 6,0 13,0
Просечна температура (°C) 3,3 3,0 5,2 8,9 12,1 15,0 17,9 17,5 15,3 11,5 7,6 4,1 10,2
Просечна минимална (°C) 1,2 0,9 2,3 5,4 8,7 11,5 14,4 14,0 12,2 8,6 5,4 2,1 7,3
Просечно кол. врнежи (мм) 70 45 47 29 59 61 101 118 66 91 73 84 844
Врнежливи денови (≥ 2,0 мм) 20 17 15 12 14 14 17 19 16 19 20 22 205
Сончеви часови (дневно) 1,51 2,36 4,87 7,13 7,74 7,67 7,67 6,41 5,00 3,29 1,80 1,41 4,7
Извор: Wetterdienst.de: Klima Borkum – Station Borkum-Flugplatz (3 m)[3]

Историја[уреди | уреди извор]

Први пишани наоди за местото среќаваме кај Страбон и Плиниј Постариот во римско време кои го нарекуваат „Остров на Гравот“ (Burchana fabaria). Во времето на Карло Велики бил дел од поголем остров наречен Бант, сочинет од денешните острови Боркум и Јист, како и западниот дел на Нордернај.

Во 1484 година, Бант преминал во сопственост на грофовите на Источна Фризија, кои ја развиле месната трговија, но посердно ги поттикнале пиратството и китоловот. Кон 1781 година, Бант се разделил на три острови поради силните бури кои беснееле во текот на тој век. Со замирањето на китоловот населението осиромашило и почнало постепено да го напушта островот, преполовувајќи се на почетокот на XIX век. Од 1834 година на Боркум почнал да се развива туризмот и со време станал важна стопанска гранка.

Боркум настанал во 1863 година со спојување на два острова кои и денес се одвоени со плитка вода во месноста Тискендер.

На 19 и 20 декември 1934 година, Вернер фон Браун на островот ги извел првите проби на ракетата A2 со прототипните проектили „Макс“ и „Мориц“.

Политика[уреди | уреди извор]

Градски совет[уреди | уреди извор]

Градското собрание на Боркум

Градскиот совет се состои од 16 избрани членови, што одговара за град со број на жители помеѓу 5.001 и 6.000 жители.[4] Членовите се избираат на општи избори на секои пет години.

На последните општински избори на 12 септември 2021 година биле добиени следниве резултати:

Партија Удел на гласови Број на места
SPD 23,13% 4
CDU 28,85% 4
Grüne 12,72% 2
Слободни гласачи Боркум 36,31% 6

Градоначалник[уреди | уреди извор]

Моментален градоначалник на градот Боркум е Јирген Тенјес Акерман (независен).

Збратимени градови[уреди | уреди извор]

Боркум е збратимен со следниве градови:

Сообраќај[уреди | уреди извор]

На Боркум важи делумна забрана за моторни возила во посетителската сезона, а вон сезоната сообраќајот се одвива насекаде освен во пешачките зони. На островот има само едно населено место, кое го носи истото име. Во подрачјето на Тискендер има летиште. Врска со копното се одржува со траекти до Емден во Германија и Емсхавен во Холандија, со бесплатен железнички превоз од пристаништето до гратчето.

Галерија[уреди | уреди извор]

Поврзано[уреди | уреди извор]

Наводи[уреди | уреди извор]

  1. „Населеност на окрузите, општините и месните заедници во Долна Саксонија на 31 декември 2020“. Служба за статистика и комуникациска технологија на Долна Саксонија. јули 2021. (германски)
  2. Claudia Thorenmeier: Borkums Schätze der Natur. ISBN 978-3-9812209-3-3
  3. Wetterdienst.de: Klima Borkum – Station Borkum-Flugplatz (3 m). Abgerufen am 5. September 2015.
  4. Niedersächsisches Kommunalverfassungsgesetz (NKomVG) in der Fassung vom 17. Dezember 2010; § 46 – Zahl der Abgeordneten, abgerufen am 9. Dezember 2011.

Надворешни врски[уреди | уреди извор]