Ајдар-кади џамија
Основни податоци | |
---|---|
Место | Битола, Општина Битола |
Припадност | Сунитски ислам |
Духовно-организациски статус | неактивна |
Водство | Битолско муфтиство |
Архитектонски опис | |
Архитектонски тип | џамија |
Архитектонски стил | османлиска архитектура |
Завршен | 1563 |
Особености | |
Куполи | 1 |
Висина на куполата (надв.) | 19 метри |
Минариња | 2 |
Материјали | камен |
Ајдар-кади џамија — отоманска џамија во Битола. Се наоѓа во стариот „Овчи Пазар“, блиску до стариот амам „Дебој“ и до стариот пазар.
Била изградена во 1561-1563 година од кадијата Ајдар од Битола. Џамијата е градена од градители од школата на најголемиот османлиски градител Мимар Синан и е позната како џамија „Принцеза на Балканот“.[1] Таа е типична битолска џамија, со квадратна основа, голема единична купола и порта. Куполата, висока 19 метри, лежи на цилиндар кого од своја страна го држат дванаесеттоаголни столбови. Надворешноста е многу едноставна, единствениот украс се тулите кои ги опшиваат отворите. Оваа џамија е единствена во Македонија со две минариња.[2].
Внатрешноста е доста оштетена, единствено михработ е зачуван. Другите елементи биле изгубени пред реставрацијата извршена во 1960-1961 година. Муралите се ретки и во многу лоша состојба.[2].
Во тек е реставрација, конзервација и реконструкција на Aјдар-кади џамијата (заедно со Исак џамијата) со поддршка на Турција. [3].
-
Џамијата пред обновата, во 2011 г.
-
минаре
-
Влезот во џамијата