Зандан куле - Битола

Од Википедија — слободната енциклопедија
Прејди на прегледникот Прејди на пребарувањето
Зандан куле
Кула „Зандан“.JPG
Поглед на Зандан куле
Општи податоци
Типкула, затвор
Стилосманлиска архитекрура
ГрадБитола, Општина Битола
ЗемјаМакедонија

Зандан куле — објект што се наоѓа во југозападниот дел на Битола, поточно во дворот на основното училиште „Стив Наумов“. Точни историски податоци не постојат, но првобитната намена за што била изградена, не е таа што го носи името „Зандан Куле“[1][2][3].

Изградба[уреди | уреди извор]

Кулата била изградена од бег за лична заштита. Бегот во кулата ја чувал својата лична библиотека која опстојала до 1863/64 година кога Хисни-паша, битолскиот валија, злоупотребувајќи ја својата положба ги однесол со себе[2]. Подоцна била претворена во затвор од страна на турските власти кога биле револуционерните движења во Македонија, односно, пред Илинденското востание во неа биле затворени македонски револуционери. Оттука го добила и називот „Зандан куле“.

Изглед[уреди | уреди извор]

Градена е од обичен камен и е мала по димензии. Затоа и го носи името „Зандан куле“. Во основата е правоаголна со димензии 6,50x5,35 m, дебелината на ѕидовите е од 1,08 до 1,22 метра која во повисокиот дел се стеснува на 0,98 метра. Висока е 10,95 метра. Влезот е на југозападната страна, се наоѓа на височина од 2,3 метра и бил достапен со дрвена скала. Прозорците се тесни, горниот дел на лаците им украсени со тули и се заштитени со железни решетки.

Претворање во затвор[уреди | уреди извор]

Кога кулата била претворена во затвор, во нејзината внатрешност биле извршени неколку адаптации: се направиле две ќелии од кои едната е во приземјето, а другата на катот. Под покривната конструкција се наоѓа соба за стражарите. Кулата имала и пушкарници за одбрана од напади, а по внатрешните сидини и до денес се зачувани турски натписи.

Наводи[уреди | уреди извор]

  1. Споменици на културата на Македонија, Мисла, Скопје, 1980
  2. 2,0 2,1 Pavlov, Zoran, Radmila Petkova (2008). Ottoman Monuments. Skopje: Macedonian Cultural Heritage, Ministry of Culture of the Republic of Macedonia. стр. 30. ISBN 978-608-4549-03-01. http://haemus.org.mk/wp-content/uploads/2013/04/Ottoman_Monuments-in-Macedonia.pdf. посет. 10 март 2019 г. 
  3. Mihajlovski, Robert. The Seventeenth Century Ottoman Religious Architecture of Bitola/Manastir. „Патримониум“ том  V (10): 291, 298 - 299. http://www.kalamus.com.mk/pdf_spisanija/patrimonium_5/019%20=%20007-3%20Patrimonium%202012%20Robert%20Mihajlovski.pdf. посет. 10 март 2019 г.