Октант (соѕвездие)

Октант

лат. Octans
Список на ѕвезди во соѕвездието Октант
Кратенка	Oct
Генитивно	Octantis
Симболизам	Октант
Ректасцензија	22 ч.
Деклинација	−90°
Квадрант	SQ4
Површина	291 (°)² (50-то)
Главни ѕвезди	3
Бајерови/Флемстидови ѕвезди	27
Ѕвезди со планети	3
Ѕвезди посјајни од 3,00m	0
Ѕвезди во полупречник од 10,00 пс (32,62 сг)	1
Најсјајна ѕвезда	ν Oct (3,73m)
Најблиска ѕвезда	LHS 531 (28,11 сг, 8,62 пс)
Месјеови објекти	нема
Метеорски дождови	нема
Соседни соѕвездија	Тукан Индијанец Паун Рајска птица Камелеон Маса Мала Водна Змија
Видливо на ширина од +0° до −90°. Најдобро се гледа во 21:00 ч. во текот на месец октомври. околуполарно.

Октант — е слабосјајно соѕвездие на јужното небо. Името нам латински јазик гласи Octans и означува една осмина од кругот, но именувано е според октантот, вид на навигационен инструмент. Соѕвездието било осмислено од страна на Никола Луј де Лакај во XVIII век.

Соѕвездието Октант набљудувано со голо око.

Октант е забележително соѕвездие бидејќи во истото е сместен јужниот небесен пол. За разлика од Северниот Пол тука нема светла поларна ѕвезда: Сигма Октант (σ Oct) е ѕвезда која може да се набљудува со голо око и е во непосредна близина на полот, но е со слаба сјајност со светлинска величина од 5,45 и поради тоа не нашла примена при одредување на насоката при навигација. Подобро соѕвездие за навигација било соѕвездието Јужен Крст, кое посочува кон полот.

Соѕвездието е околуполарно на јужниот небесен пол, и затоа може да се забележи на небото на јужната полутопка во секое предвечерие во секој месец од годината. Ректасцензијата и месецот кога може најубаво да се види се одредува според трите најсјајни ѕвезди, кои се искачени највисоко на небото за време на приквечеријата во месец ноември.

Поларни ѕвезди

Октант е единственото соѕвездие кое го содржи Јужниот Пол на две различни планети од Сончевиот Систем, Јужниот Пол за Земјата е Сигма Октант, а Јужниот Пол за Сатурн е Делта Октант.

Историја и митологија

Октант било создадено од Никола Луј де Лакај во 1759 година од слабосјајни околуполарни ѕвезди. Првично било познато како „Octans Hadleianus“ во чест на пронаоѓачот на октантот, Џон Хедли, во 1730 година. Со Октант не е поврзана никаква митологија, пред сè поради неговата јужна ширина.

Ѕвезди

Октант е многу слабосјајно соѕвездие, најсјајната ѕвезда е Ни Октант, со светлинска величина 3,8. Сигма Октант, јужната поларна ѕвезда, има светлинска величина 5,4 и е на растојание од 1 степен од јужниот небесен пол. Поради својот слаб сјај не можела да се користи во навигацијата.

Поврзано

• Тукан (соѕвездие)
• Индијанец (соѕвездие)
• Паун (соѕвездие)
• Рајска Птица (соѕвездие)
• Камелеон (соѕвездие)
• Маса (соѕвездие)
• Мала Водна Змија (соѕвездие)

Надворешни врски

• The Deep Photographic Guide to the Constellations: Octans
• Starry Night Photography : Octans
• Star Tales – Octans
• Octans Constellation at Constellation Guide