Рамнило (соѕвездие)

Од Википедија — слободната енциклопедија
Прејди на прегледникот Прејди на пребарувањето
Рамнило
лат. Norma
Norma constellation map mk.svg
КратенкаNor
ГенитивноNormae
Симболизамthe carpenter's square
Ректасцензија16,05 ч.
Деклинација−52,01°
КвадрантSQ3
Површина165 (°)² (74-то)
Главни ѕвезди2
Бајерови/Флемстидови
ѕвезди
13
Ѕвезди со планети4
Ѕвезди посјајни од 3,00m0
Ѕвезди во полупречник од 10,00 пс (32,62 сг)0
Најсјајна ѕвездаγ2 Nor (4,01m)
Најблиска ѕвездаHD 145417
(44,83 сг, 13,75 пс)
Месјеови објекти0
Метеорски дождовиГама Нормиди
Соседни
соѕвездија
Скорпија
Волк
Шестар
Јужен Триаголник
Олтар
Видливо на ширина од +30° до −90°.
Најдобро се гледа во 21:00 ч. во текот на месец јули.

Рамнило — мало затскриено соѕвездие на јужната полутопка меѓу Скорпија и Кентаур. Името потекнува од латинскиот збор norma што значи нормала, и се однесува на правиот агол, а се смета дека претставува линијар, столарски аголник, збир од аголници или рамнило.

Историја[уреди | уреди извор]

Рамнило првично именувано на француски јазик како,„l’Equerre et la Regle“, е едно од соѕвездијата осмислени од аботот Никола Луј де Лакај кон средината на 1750-тите, кога мерел над 10.000 ѕвезди додека престојувал на ’Ртот на Добра Надеж.[1] Рамнило го претставува столарскиот аголник, кој се користел во добата на истражувања од страна на столарите на истражувачките бродови.[2]

Забележителности[уреди | уреди извор]

Соѕвездието Рамнило набљудувано со голо око.

Ѕвезди[уреди | уреди извор]

Млечниот Пат минува низ рамнило.

Рамнило ги нема α и β ѕвездите. Тие се сега дел од соѕвездието Скорпија под имињата - N Sco и H Sco. Најсјајната ѕвезда во Рамнило, γ2 Normae, е со светлинска величина 4. Важни ѕвезди кои се издвојуваат во соѕвездието Рамнило се:

  • ε Nor: релативно неподвижна двојна ѕвезда (HJ 4853). Светлинските величини на двете ѕвезди се 4,54 и 6,68, на растојание од 22 лаќни секунди една од друга во PA 335°. Потемната ѕвезда е пак спектроскопска двојна ѕвезда со светлински величини 6,68 и 7,12.
  • ι1 Nor: многубројна ѕвезда. Парот AB (со светлински величини 5,6 и 5,8) е брзо орбитален пар со период од 26,9 години во 2000 година растојанието меѓу нив било 0,5 лачни секунди во PA 285°. Ѕвездата C, е со светлинска величина 8,75, и на растојание од парот АB од 11" во PA 242°, и не е припадник на системот, бидејќи е на растојание од 55 сг. од Земјата, додека пак парот АВ е на растојание од 140 сг.
  • μ Nor се смета дека е променива ѕвезда од типот Алфа Лебед, со промена на светлинската величина од 4,87 до 4,98. Истата е ѕвезда со спектрална класа O9,7 Iab.
  • R Рамнило е Мирида. Промената на светлинската величина е од 6,5 до 13,9 во временски период од 507,5 денови.

Далечни објекти[уреди | уреди извор]

Поради својата местоположба во Млечниот пат, ова соѕвездие содржи многу далечни објекти, од кои најзабележително е NGC 6087.

  • Sp 1 (или PK 329+02.1) е планетарна маглина позната и како маглината Тенок Прстен. И е на 5 степени западно-северозападно од γ1 Nor, растојанието на истата е пресметано и добиени се вредности кои се движат од 1.000 до 4.700 сг. Вкупната светлинска величина изнесува 13,6 а површинската сјајност 13,9. Централната ѕвезда е бело џуџе со светлинска величина 14,03.

Поврзано[уреди | уреди извор]

Наводи[уреди | уреди извор]

  1. Ridpath, Ian. "Norma". Star Tales. конс. 9 July 2012. 
  2. Staal 1988, стр. 254.
  3. Watson, Christopher (4 January 2010). "S Normae". AAVSO Website. American Association of Variable Star Observers. конс. 12 March 2014. 
  4. Wilkins & Dunn 2006.

Надворешни врски[уреди | уреди извор]