Егнатија

Автопат A2
	Егнатија Одос; Εγνατία Οδός
	Протегање на автопатот „Егнатија“
Информации за правецот
	Дел од Е90
Должина:	670 км
Поважни клучки
Од:	Игуменица
До:	Бахчеќој (Кипи)
Местоположба
Области:	Епир, Егејска Македонија, Тракија
Патна мрежа
	Автопатишта во Грција

За римскиот пат со вакво име, погл. Вија Егнација.

Егнатија (грчки: Εγνατία Οδός, Егнатија Одос; ознака: А2) — автопат во Грција, дел од Европскиот пат Е90. Се протега во должина од 670 км, од Игуменица на запад до грчко-турската граница кај Бахчеќој (Кипи) на исток. Овој голем изградбен зафат започнал во 1994 и конечно завршил во 2009 г. со вкупна цена на чинење од 5,93 милијарди евра.^[1] Со проектот раководело претпријатието „Егнатија одос“ А.Д.

Име

Автопатот, инаку познат како А2, е наречен по познатиот римски пат Вија Егнација (на грч. Егнатија Одос) поради приближнот освоаѓање на нивното движње во делницата од Марица до Солун во должина од 360 км. Сепак, стариот римски пат е многу подолг (1 120 км), протегајќи се од Драч во денешна Албанија преку Солун, па сè до Цариград во денешна Турција.

Географија

Правецот минува преку планинските предели на Епир и Егејска Македонија како што се венците Пинд и Каракамен (Вермио), што претставувало голем предизвик за градителите. Автопатот има вкупно 76 тунели и 1 650 мостови, напреден систем за надзор, осветлување, сударни ублажувачи и тунелско проветрување.^[2]

Автопатот ги има следниве одлики:

Опфат: од пристаништето Игуменица, Теспротија до граничниот премин Бахчеќој (Кипи) на реката Марица во Тракија
Должина: 670 километри
Минува низ окрузите: Теспротија – Јанина – Гребен – Кожани – Иматија – Солун – Кавала – Скеча – Родопи – Марица.
Поврзан со девет главни оски кои ги поврзуваат соседните земји на север (Албанија, Р Македонија, Бугарија, Турција).
Минува низ поважните градови: Игуменица – Јанина – Мечово – Гребен – Кожани – Бер – Солун – Кавала – Скеча – Ѓумурџина – Дедеагач
Ги поврзува пристаништата: Игуменица – Солун – Кавала – Дедеагач
Ги поврзува аеродромите: Јанина – Костур – Кожани – Солун – Кавала – Дедеагач
Технички особености: по две сообраќајни ленти по правец, разделна лента по средината и принудна лента од десно.
Опслужуваните подрачја ги опфаќаат:
- 36 % од населението во државата
- 33 % од БДП во државата
- Во основните дејности: 54 % од обработливотото и 65 % од наводнуваното земјиште во државата
- Во производните дејности: 41 % од индустриската дејност во државата
- 51 % од рударството во државата.

Покрај главниот правец, постојат и напречни патишта кои го поврзуваат со другите градови и аеродроми во Егејска Македонија. Иако е завршен во 2009 г., последниот зафат на правецот е направен во 2014 г. со изградбата на последниот мост.^[3]

Населени места

Ова се сите населени места со свои излези на автопатот, наведени по возен редослед од исток кон запад:^[4]

Денешните изменети (погрчени) имиња стојат во загради.^[5]

Округ	Излез	Населено место	Одредишта	Се совпаѓа со
Марица (Еврос)		ГП Бахчеќој (Кипи) - Ипсала	D110 E90 за Турција	источен крај на А2
	43	Саранли (Ардани)	ЕО51 E85 за Бугарија, Турција	E90
	42	Дедеагач (Александруполи) — Индустриско подрачје		E90
	41	Дедеагач (Александруполи)		E90
	40	Макри		E90
	39	Мести	ЕО2 за Шапчи (Сапес) и Мароња (Маронија)	E90
Родопи	38	Ѓумурџина (Комотини) — Исток	ЕО2 Коридор IX за Бугарија	E90
	37	Ѓумурџина (Комотини) — Запад	ЕО2	E90
	36	Јасиќој (Јасмос)		E90
Скеча (Ксанти)	35	Скеча (Ксанти) — Исток	ЕО2	E90
Скеча (Ксанти)	34	Скеча (Ксанти) — Запад		E90
Кавала	33	Саришабан (Хрисуполи)		E90
	32A	Караџаќој (Перни)		E90
	32	Чинар (Левки)	ЕО2	E90
	31	Кавала — Исток	ЕО12 за Драма	E90
	30	Стар Чифлик (Палио)		E90
	29	Кавала — Запад		E90
	28C	Правишта (Елевтеруполи)		E90
	28B	Моштијан (Мустени)		E90
	28A	Дедебал – Орфан (Галипсос - Орфани)		E90
Сер (Серес)	28	Струма (Стримонас)	ЕО2 ЕО59 за Сер (Серес), Драма	E90
Солун (Тесалоники)	27	Аспровалта		E90
	26	Рендина		E90
	25A	Чали (Нимфопетра)		E90
	25	Клисели (Профитис)	ЕО2	E90
	24	Лагадина (Лагадас)	A25 E79 за Сер (Серес), Бугарија	E90
	23B	Дервент		E90
	23A	Старечки Дом (Гирокомио) кај Кучкар (Галини)		E90
	23/K4	Лембет (Евкарпија)	A24 за Солун (Тесалоники), Нова Мудања (Неја Мудања)	E90
	22/K2	Додулари (Дијавата)	ЕО2 E86 за Пазар/Ениџе Вардар (Јаница), Воден (Едеса)	E90
	21/K1	Гаскарка (Калохори)	ЕО1β	E90
	20	Текелиево (Синдос) — Југ		E90
	20A	Кулакија (Халастра)		E90
	19	Вардар (Аксиос)	A1 E75 за Македонија	E90
	18	Нов Малград (Неја Малгара)		E90 E75
Иматија	17	Клиди	A1 E75 за Атина	E90
	16	Гида (Александрија)		E90
	15	Колура (Кулура)		E90
		Меч (Меси)	за Негуш (Науса), Вртикоп (Скидра)	предвидено
	14	Бер (Верија)		E90
Кожани (Козани)	13	Хадова (Полимилос)		E90
	12	Кожани (Козани)	A27 E65 за Македонија ЕО3 E65 за Лариса	E90
	11	Коба Оваси (Каламија)	ЕО20	E90
	10	Сачишта (Сјатиста) — Исток		E90
	9A	Сачишта (Сјатиста) — Запад	A29 за Албанија	E90
Гребен (Гревена)	9	Гребен (Гревена) — Исток	ЕО15	E90
	8B	Гребен (Гревена) — Запад	ЕО15	E90
	8A	Венетик (Венетикос) кај Мавран (Мавранеи)		E90
		Кипурѓо (Кипурио)	A3	предвидено
	8	Черешово (Аја Параскеви)		E90
Јанина (Јоанина)	7	Мечово (Мецово)	ЕО6 E92	E90
	6A	Менгули (Перистери) – Хрисовица		E90 E92
	6	Арахтос – Загори		E90 E92
	5A	Јанинско Езеро (Памвотида)		E90 E92
	5	Јанина (Јоанина)	ЕО5 E951	E90 E92
	4A	Рапчишта (Педини)	A5 за Арта, Агринио	E90 E92
	4	Црковишта (Додони)	ЕО17	E90 E92
Теспротија	3	Сели – Тирија		E90 E92
	2	Неохори – Парамитија	ЕО18	E90 E92
	1A	Клобучар (Василикос)		E90 E92
	1	Игуменица – Ледежда (Ладохори)		E90 E92
		Игуменица — Пристаниште	E90 E92 E55 траект за Крф (Керкира), Италија	западен крај на A2

Галерија

Тунели меѓу Кожани и Бер.
Кај Аспровалта
Тунелот „Дриско“ кај Јанина.
Мост на р. Мечовица од Мечово
Кај пристаништето Игуменица
Кај Јанина, од воздух.
Излез кај Кожани

Поврзано

Наводи

↑ Egnatia Odos. „The Construction of the Egnatia Motorway“. www.egnatia.eu. Архивирано од изворникот на 2018-08-19. Посетено на 18 August 2018.
↑ Main Road Furniture Архивирано на 20 јули 2011 г., Главна тунелска опрема Архивирано на 20 јули 2011 г. (англиски)
↑ „Ολοκληρώθηκε και τυπικά η Εγνατία Οδός“. ypodomes.com. Архивирано од изворникот на 2015-01-24. Посетено на 2021-08-12.
↑ „Aυτοκινητόδρομος (Aftokinitodromos) A2 – Eγνατια Oδóς (Egnatia Odos)“. motorways-exits.com.
↑ Напомена: Местата се наведени според нивните традиционални историски имиња во македонскиот јазик, а до нив во загради се дадени и денешните изменети (погрчени) имиња од практични причини, бидејќи како такви стојат на патните ознаки и карти. Исклучок од ова се поретките места кои не се разликуваат по име, новосоздадени доселенички населби, или пак управните единици кои не се наречени по постоечко традиционално населено место. Изворните имиња да ги пребарувате тука.

Надворешни врски

Матична страница на „Егнатија одос“ А.Д. Архивирано на 15 февруари 2008 г. (англиски)
Патот „Егнатија“ Архивирано на 8 март 2006 г. — Министерство за развој, планирање и јавни работи (грчки)
Набљудувачница на патот „Егнатија“ Архивирано на 26 март 2019 г. (грчки)

[Egnatia-1] Egnatia Odos. „The Construction of the Egnatia Motorway“. www.egnatia.eu. Архивирано од изворникот на 2018-08-19. Посетено на 18 August 2018.

[2] Main Road Furniture Архивирано на 20 јули 2011 г., Главна тунелска опрема Архивирано на 20 јули 2011 г. (англиски)

[3] „Ολοκληρώθηκε και τυπικά η Εγνατία Οδός“. ypodomes.com. Архивирано од изворникот на 2015-01-24. Посетено на 2021-08-12.

[exitlists-4] „Aυτοκινητόδρομος (Aftokinitodromos) A2 – Eγνατια Oδóς (Egnatia Odos)“. motorways-exits.com.

[5] Напомена: Местата се наведени според нивните традиционални историски имиња во македонскиот јазик, а до нив во загради се дадени и денешните изменети (погрчени) имиња од практични причини, бидејќи како такви стојат на патните ознаки и карти. Исклучок од ова се поретките места кои не се разликуваат по име, новосоздадени доселенички населби, или пак управните единици кои не се наречени по постоечко традиционално населено место. Изворните имиња да ги пребарувате тука.

[1]

[2]

[3]

[4]

[5]