На 28 август 2013, МРТ објави дека интерно ја избрале Тијана Дапчевиќ да ја претставува Македонија во Копенхаген за време на вечерната информативна програма МРТ Дневник.[1] Дапчевиќ претходно во неколку наврати се обиде да учествува на Евровизија со натпреварување во неколку македонски национални финални избори низ годините: во 1996 со песната „Ти простувам“ која се пласираше трета, во 2002 со песната „Изгрев“ која се најде четврта, а во 2005 во изборот за преставник. Таа, исто така, се натпреваруваше во националното финале на Србија и Црна Гора во 2006 со песната „Грех“, која се пласираше осма.
Дапчевиќ доби над 50 песни од композитори од балканскиот регион, а најавено беше дека на Евровизија 2014 ќе ја изведе песната „To the Sky“, напишана од Дарко Димитров, Лазар Цветкоски и Елена Ристеска. „To the Sky“ беше претставена пред јавноста за време на специјалното издание на програмата на МРТ Хит на месецот, водена од Марко Марк и Александра Јовановска, што се одржа на 22 февруари 2014 и се емитуваше на МРТ 1, МРТ Сат и онлајн преку официјалната веб-страница на радиодифузерот mrt.com.mk.[2] Во ноември 2013, Дапчевиќ изјави дека ги фаворизира сите три песни добиени од Дарко Димитров, и дека нејзиниот влез на конкурсот ќе се вика „Победа“ (Victory).[3] Сепак, подоцна беше откриено дека тоа е работниот наслов за записот.[2][4] „To the Sky“ е снимена и на македонски јазик со наслов „Таму кај што припаѓам“.[3]
Тијана претставувајќи се себе си на натпреварот Тијана на втората полуфинална генерална проба
За време на ждрепката за редослед во полуфиналето на 20 јануари 2014 во Градското собрание на Копенхаген, Македонија беше извлечена да се натпреварува во втората половина од второто полуфинале на 8 мај 2014.[5] Во второто полуфинале, продуцентите на шоуто одлучија Македонија да настапи на 11то место, по Белорусија и пред Швајцарија.[6] Македонија не успеа да се пласира од второто полуфинале и заврши на 13то место помеѓу 15 песни со резултат од 33 поени.[7]
На Тијана Дапчевиќ на сцената и се придружи нејзината помлада сестра Тамара Тодевска, која настапи како придружен вокал.[8] Тодевска претходно ја претставуваше Македонија на Евровизија 2008. Димитар Андоновски и Никола Перевски - Пере исто така и се придружија на Дапчевиќ на сцената како придружни вокали заедно со кореографот и танчер Дејан Коларов.[9] Македонскиот настап ја вклучуваше Тијана како настапува и комуницира со придружниот танчер додека LED екраните проектираа бели подвижни линии и концентрични обрасци.[10]
Во Македонија, и полуфиналето и финалето се емитуваа на МРТ 1, МРТ Сат и Радио Скопје, а коментатор беше Каролина Петковска.[11][12][13] Македонскиот портпарол кој го откри резултатот од македонското гласање во финалето беше Марко Марк.[14]
Табелите подолу прикажуваат преглед на бодови доделени на и од Македонија во второто полуфинале и големото финале на Изборот за песна на Евровизија 2014. Бодовите доделени од Македонија во полуфиналето беа засновани на 100% гласови од жирито поради технички проблеми со телефонското гласање или поради недоволен број валидни гласови дадени за време на телефонското гласање.
Македонија
Словенија
Швајцарија
Малта
Израел
Норвешка
Грузија
Полска
Австрија
Литванија
Финска
Ирска
Белорусија
Грција
Романија
Украина
Азербејџан
Исланд
Ерменија
Црна Гора
Германија
Шведска
Франција
Русија
Италија
Шпанија
Унгарија
Данска
Холандија
Сан Марино
Велика Британија