Република Македонија (официјално под привремената апелација „поранешна југословенска Република Македонија“, со кратенка „ПЈР Македонија“) беше претставена на натпреварот за песна на Евровизија 2005 од Мартин Вучиќ со песната „Make My Day“.
Во првата фаза, пред македонската телевизија беа претставени 128 уметници која одбра 6 изведувачи. Сепак, Калиопи, еден од првично избраните уметници, одби да учествува. Петтемина уметници беа претставени на 7 ноември 2004 година, а двајцата финалисти беа избрани со телефонско гласање (50%) и осумчлено стручно жири (50%).[1]
Втората фаза на селекцијата се одржа на 19 февруари 2005 година во Скопје и учествуваа двајца уметници: Александра Пилева и Мартин Вучиќ. Двајцата изведоа по четири песни, една песна по свој избор, а другите три беа од отворен конкурс за да достават песни за финалето. Александра Пилева беше конечен победник на телефонското гласање со шест пати повеќе гласови што ги доби Мартин Вучиќ. Сепак, жирито и студиската публика му доделија целосни бодови на Мартин со што го круниса за победникот со песната „Ти си сон“. На Евровизија ја изведе песната на англиски јазик. Песната е напишана од Бранка Костиќ, а компонирана од Драган Вучиќ.[1][2]
Бидејќи Македонија се најде на 14-то место на натпреварот во 2004 година, Мартин беше принуден да се натпреварува во полуфиналето на Евровизија, што се одржа два дена пред финалето, тој настапуваше 17-ти, по Финска и претходејќи на Андора, неговата песна се најде на 9-то место во полуфиналето, со 97 бода и се пласираше во финалето. Во финалето тој настапи 15-ти, по Шведска и претходејќи на Украина се најде на 17-то место со 52 бода. Бидејќи Македонија не успеа да стигне до првите 11 во финалето, земјата беше принудена да се натпреварува во полуфиналето на натпреварот во 2006 година. Каролина Гочева која беше учесник на натпреварот во 2002 и 2007 година ги откри гласовите на Македонија за другите земји.[3]
Македонија
