Еуџенио Монтале

Еуџенио Монтале
Роден(а)	12 октомври 1896 Џенова, Италија
Починал(а)	12 септември 1981 Милано, Италија
Занимање	Поет, прозаист

Еуџенио Монтале (12 октомври 1896 - Милано, 12 септември 1981) бил италијански поет, најпознат претставник на италијанскиот херметизам.

Добитник е на „Златниот венец“ на Струшките вечери на поезијата во 1973 година и на Нобеловата награда за литература две години подоцна. Негови познати дела се „Аутодафе“, „Бура и друго“ и „Сатура“.

Како последен син во едно многучлено семејство, Монтале посетува воено училиште во Парма и учествува во Првата светска војна.

Првичната и неостварена амбиција на Монтале е да стане оперски пејач, и во својот ран период речиси исклучиво е посветен на читање на италијанските класици и неколку философски текстови. Од 1927 година живее во Фиренца, работејќи во издавачка куќа, пишувајќи за разни списанија, а повремено и во библиотека.

Како противник на фашистичкиот режим принуден е да живее изолирано. Во овој период (од 1938 година) се оддава на преведувачка работа. Сѐ уште се ценат неговите преводи на Вилијам Шекспир, Т.С. Елиот, Јуџин О'Нил и Херман Мелвил.

Кон крајот на Втората светска војна Монтале се преселува во Милано и ја започнува својата долгогодишна соработка со весникот Corriere della Sera. Во 1967 година избран е за почесен член на италијанскиот сенат.

Дела

• „Ossi di seppia“ (1925) - Сепиени коски
• „Occasioni“ (1939) - Случаи
• „La bufera e altro“ (1956) - Бура и друго
• „Satura“ (1962)

Надворешни врски

• Опширна библиографија. (англиски)
• Монтале на страницата на Нобеловите лауреати. (англиски)
• Eugenio Montale e la sua poesia (италијански)