Томас Ман

Томас Ман
Ман во 1937 год.
Занимање	Романсиер, раскажувач, есеист
Период	1896–1954
Жанрови	Роман, новела, историски раскази, пикарски роман
Значајни дела	Буденброкови, Волшебниот рид, Смрт во Венеција
Награди	Нобеловата награда за литература 1929
Влијанија од Достоевски, Stirner, Fontane, Фројд, Ј.П. Јакобсен, Гете, Хесе, Хофман, Јунг, Лесинг, Лутер, Ниче, По, Schlegel, Шопенхауер, Вагнер, Schoenberg, August von Platen-Hallermünde, Гримелхаузен, Хајнрих Ман, Мелвил
Влијаел(а) врз Хесе, Сонтаг, Лукаш, Адорно, Кафка, Хајнрих Ман, Клаус Ман, Тутен, Памук, Кембел, Хулбек, Бел, Стивенс
Потпис

Томас Ман (Либек, 6 јуни 1875 - Цирих, 12 август 1955), германски писател - романсиер, есеист, романописец и критичар. Негови најзначајни дела се „Буденброкови“, „Доктор Фауст“ и „Волшебниот брег“. Во 1929 година ја доби Нобеловата награда за литература, а во 1949 година, Гетеовата награда.

Творештво

Веднаш по излегување, неговиот роман „Буденброкови“ станал светска сензација, и го прославил младиот автор. Опишувајќи го пропаѓањето на граѓанското семејство, Ман употребил автентични податоци од животот во својот град, но и некои автобиографски моменти. После првиот роман, Ман ги објавува еден по еден своите други романи кои денес претставуваат класика: „Тонио Кригер“, „Смрт во Венеција“, „Волшебниот брег“, „Јосип и неговите браќа“, „Лота во Вајмер“, „Доктор Фауст“ и некои други.

„Буденброкови“

„Буденброкови“ или „пропаѓањето на едно семејство“ е роман ко јсе појавил во 1901 година и веднаш предизвикал сензација. Тоа е хроника на едно богато трговско семејство кое со голема упорност успева да стане моќно. Книгата опфаќа четири генерации на семејството Буденброк, од стариот Џон, преку конзулот до сенаторот и неговиот син Хано. Ман го следи тоа семејство кое достигнувајќи врв, почнува да се распаѓа.

Истовремено тука се ликовите и на другите браќа и сестри, нивните бракови и разводи, љубови и кавги. Прикажани се лихварство, банкроти, финансиски тешкотии, со што романот не е слика само на едно семејство, туку на целата граѓанска Европа од крајот на 19 век.

Надворешни врски

• Дела од Thomas Mann на Проектот Гутенберг
• The Nobel Prize — autobiography
• FBI File on Thomas Mann (archived 2004)
• Thomas Mann 'Bookweb' on literary website The Ledge, with suggestions for further reading
• First prints of Thomas Mann. Collection Dr. Haack, Leipzig (Germany)