Клаудио Кјапучи

Од Википедија — слободната енциклопедија
Прејди на прегледникот Прејди на пребарувањето
Клаудио Кјапучи
Кјапучи на Тур де Франс 1993
Лични податоци
Цело име Клаудио Кјапучи
Прекар Ел Дијабло
Роден 28 февруари 1963 (1963-02-28) (55 г.)
Уболдо, Италија
Податоци за клубот
Мом. клуб повлечен
Дисциплина Друмски велосипедизам
Улога Возач
Вид на возач Универзален возач
Професионални клубови
1985–1996
1997
1998-1999
Караре
Асикс
Амика Чипс
Значајни победи
Големи трки
Тур де Франс
Планински пласман (1991, 1992)
Награда за борбеност (1991, 1992)
3 индивидуални етапи (1991, 1992, 1993)
Џиро д’Италија
Бодовен пласман (1991)
Планински пласман (1990, 1992, 1993)
1 индивидуална етапа (1993)

Етапни трки

Трка околу Баскија (1991)
Волта а Каталуња (1994)
Џиро дел Трентино (1992)

Еднодневни трки и класици

Милано-Сан Ремо (1991)
Класика де Сан Себастијан (1993)
Џиро дел Пиемонт (1989, 1995)
Тре Вали Варезине (1994)
Јапонски куп (1993-1995)

Клаудио Кјапучи (италијански: Claudio Chiappucci; р. 28 февруари 1963) — повлечен италијански професионален друмски велосипедист. Бил три пати на подиум на Тур де Франс  — втор во 1990 година, трет во 1991 година и повторно втор во 1992 година.

Кариера[уреди | уреди извор]

По тивкиот почеток на неговата кариера, избувнал на сцена на Тур де Франс 1990. Кјапучи се нашол да ја носи жолтата маичка по нападот на првата етапа, кога фаворитите му дозволиле 10-минутна предност. На подоцнежните етапи ги издржувал нападите за враќање на Грег Лемонд, губејќи го водството на трката на дваесеттата етапа, завршниот хронометар. На крајот, Лемонд ја освоил трката со предност од 2' 16", а Кјапуши се нашол на второто место, како и статусот за велосипедска ѕвезда. Бил првиот италијански велосипедист кој завршил на подиум на Тур по Феличе Џимонди во 1972 година. Овој успех ја покажал главната слабост на Кјапучи, хронометарот. Иако, се заколнал дека ќе се врати следната година како подобар тркач против часовникот, Кјапучи никогаш не успеал да биде одличен во оваа дисциплина.

Годината 1991 потврдила во велосипедскиот свет дека Кјапучи е способен. Со победа на воведниот класик во сезоната, Милано-Сан Ремо, Кјапучи возел на Џиро д’Италија и на Тур де Франс.

Меѓутоа, Кјапучи брзо паднал. По солидниот настап на Џиро, изгледало дека настапот на Тур де Франс 1993 ќе биде одличен дуел со Мигел Индураин. Но, од првата планинска етапа, Кјапучи очигледно имал потешкотии. Иако се вратил подоцна на трката, Кјапучи завршил на шестото место. Ја освоил трката Класика де Сан Себастијан, неколку недели по Тур де Франс, но ова го означило крајот за некои поголеми резултати. Неговото ниво остро опаднало од 1994/1995 и се повлекол во 1998 година откако бил пронајден виновен за користење допинг неколку пати во 1997 година.

Негова најпозната победа е на тринаесеттата етапа на Тур де Франс 1992, кога нападнал на првото искачување, 245 километри од целта, и пристигнал во Сестриере откако имал извонредна потера од Мигел Индураин и Џани Буњо. Тогаш, Кјапучи завршил прв на сите пет главни искачувања, од кои 3 биле прва категорија и 1 екстра категорија.[1] Сакал да го повтори истото достигнување како Фаусто Копи, точно 40 години претходно.[2]

Помеѓу наградите кои ги добил се сребрениот медал во 1994 година на Светското првенство на Сицилија.

Не надарен со извонредна градба, Кјапучи бил одличен со цврст и борбен стил, секогаш подготвен за напад.

Допинг[уреди | уреди извор]

Клаудио Кјапучи ги користел услугите на докторот Франческо Конкони,[3] кој е обвинет за давање на ЕПО на велосипедист.[4][5] Конкони бил најден „морално виновен“, но не бил обвинет, поради тоа што истекло времето за тужба.[6] Судијата ги погледнал медицинските докази за 33 велосипедисти во периодот 1993-1995, вклучувајќи ги и на Кјапучи и сите тестови за крвта покажале зголемени вредности на хематокрит, што е доказ за употребата на ЕПО.

Во 1997 година, Клаудио Кјапучи му кажал на обвинителот Винченцо Сколастико дека користел ЕПО од 1993 година, но подоцна ја повлекол изјавата.[7]

Достигнувања[уреди | уреди извор]

1990
1. Jersey green.svg Планински пласман Џиро д’Италија
1991
Тур де Франс
1. Jersey polkadot.svg Планински пласман
1. Етапа 13
1. Награда за борбеност
1. Jersey violet.svg Бодовен пласман Џиро д’Италија
1. Милано-Сан Ремо
1. Трка околу Баскија
1992
Тур де Франс
1. Jersey polkadot.svg Планински пласман
1. Етапа 13
1. Награда за борбеност
1. Jersey green.svg Планински пласман Џиро д’Италија
[Џиро дел Трентино]]
1993
Џиро д’Италија
1. Jersey green.svg Планински пласман
1. Етапа 14
1. Етапа 17 Тур де Франс
1. Класика де Сан Себастијан
1994
Волта а Каталуња

Распоред на резултатите на Гранд Тур[уреди | уреди извор]

Гранд Тур 1985 1986 1987 1988 1989 1990 1991 1992 1993 1994 1995 1996 1997 1998
Jersey pink.svg Џиро 64 48 24 46 12 2 2 3 5 4 СО 60
Jersey yellow.svg Тур 81 2 3 2 6 СО 11 37
Jersey gold.svg Вуелта 26 11

СО = се откажал; — = не учествувал

Наводи[уреди | уреди извор]

  1. „Memoire du Cyclisme“. архивирано од изворникот на 26 август 2012 г.. //web.archive.org/web/20120826233232/http://www.memoire-du-cyclisme.net/eta_tdf_1978_2005/tdf1992_13.php. посет. 21 јули 2012 г. 
  2. http://archiviostorico.corriere.it/1992/luglio/19/Chiappucci_vive_giorno_Coppi_co_0_9207191504.shtml
  3. Кјапучи
  4. „Допинг скандали во велосипедизмот од 1980-1998“. архивирано од изворникот на 28 септември 2007 г.. //web.archive.org/web/20070928012004/http://www.team-csc.com/forum/topic.asp?TOPIC_ID=5013. посет. 26 јуни 2007 г. 
  5. „Conconi wird wegen Epo-Dopings der Prozess gemacht“ (на de). архивирано од изворникот на 8 ноември 2005 г.. //web.archive.org/web/20051108213406/http://www.wilhelm-gym.de/html/sport/doping/it28_10.htm. посет. 26 јуни 2007 г. 
  6. Judge calls Italian professor "morally guilty", 26 јуни 2007
  7. Vrijgesproken Conconi moreel veroordeeld door Italiaanse gerecht“, 11 март 2004 (посет. 26 јуни 2007 г). (на холандски)

Надворешни врски[уреди | уреди извор]