Од Википедија — слободната енциклопедија
За други значења на поимот Дебрца , видете на појаснителната страница .
За центар на својата Општина Дебрца, видете Белчишта .
Општина Дебрца Општина
Знаме
Грб
Држава Македонија Седиште Белчишта Населени места
Список
Селата: Арбиново , Белчишта , Ботун , Брежани , Велмеј , Волино , Врбјани , Годивје , Горенци , Горно Средоречие , Грко Поле , Долно Средоречие , Злести , Издеглавје , Климештани , Лактиње , Лешани , Мешеишта , Мраморец , Ново Село , Оздолени , Оровник , Песочани , Слатино , Слатински Чифлик , Сливово , Сошани , Требеништа , Турје и Црвена Вода
Управа • Градоначалник Зоран Ногачески Површина • Вкупна 425,39 км2 (164,24 ми2 ) Население (2021) [1] • Вкупно 3.719 • Густина 8,7/км2 (23/ми2 ) Часовен појас CET (UTC+01:00 ) • Лете (ЛСВ ) CEST (UTC+02:00 )Повикувачки број +046 Регистарски таблички OH Мреж. место debrca.gov.mk
Општина Дебрца — општина во западниот дел на Македонија . Општината е создадена согласно законот за територијална поделба од 2004 година на 12 април 2005 година со спојување на општините Белчишта и Мешеишта . На север граничи со Општина Кичево (порано Општина Другово ), на југ со Општина Охрид , на исток со Општина Демир Хисар , а на запад со Општина Струга . Центар на општината е селото Белчишта . Општина Дебрца е единствена општина во Македонија која не е именувана по општинскиот центар, туку по географската област.
Општина Дебрца се наоѓа во југозападна Македонија . Околни Општини, кои граничат со Општина Дебрца се:
Главно населено место во општината е селото Белчишта .
Карта на Општина Дебрца со селските атари.
Демографска карта на Општина Дебрца со селските атари.
Дебрца има важна улога за време на НОБ . На 18 август 1943 година, на Славеј Планина , Дебрца, е формиран првиот македонски баталјон „Мирче Ацев “, а на 11 ноември истата година во селото Сливово е формирана Првата македонско-косовска ударна бригада . Во селото Црвена Вода , пак, во месец ноември 1943 година е формиран Иницијативниот одбор за свикување на АСНОМ .
Население во минатото Година Нас. ±% 1948 16.031 — 1953 17.047 +6.3% 1961 15.857 −7.0% 1971 12.991 −18.1% 1981 10.593 −18.5%
Година Нас. ±% 1991 8.061 −23.9% 1994 6.272 −22.2% 2002 5.507 −12.2% 2021 3.719 −32.5%
Забелешка: Податоците се однесуваат на населените места во Општина Дебрца според административната поделба од 2004 година. Извор: Државен завод за статистика на Република Македонија
Според пописот од 2002 година, општината имала население од 5.507 жители, од кои
Според последниот попис од 2021 година, општината имала население од 3.719 жители, од кои
Градоначалник на Општина Дебрца е Зоран Ногачески од редовите на СДСМ . Тој бил избран на локалните избори од 2017 година за мандат од четири години.[2] Советот на Општина Дебрца е составен од 11 члена. Според последните локални избори од 2017 година, членовите на советот според политичката припадност за мандатот 2017-2021 се:
СДСМ: 6 места
ВМРО-ДПМНЕ: 4 места
Независни: 1 место
Културни и природни знаменитости [ уреди | уреди извор ]
Манастир „Сите Свети“ во село Лешани.
Грбот на Општина Дебрца Историски