Општина Кочани
Општина Кочани е општина во Источна Македонија. Центар на општината е градот Кочани.
|
||||||||||
| Општи податоци | ||||||||||
| Седиште | Град Кочани | |||||||||
| Површина | 360,36 km² | |||||||||
| Демографија | ||||||||||
| Население | 38092 жители | |||||||||
| Густина на население | 105,71 жители/km² | |||||||||
| Населени места | ||||||||||
| Локална власт | ||||||||||
| Градоначалник | Ратко Димитровски | |||||||||
| Совет | 19 члена | |||||||||
| Контактни податоци | ||||||||||
| Адреса на седиште | „Раде Кратовче“ бр. 1 2300 Кочани | |||||||||
| Телефон | 033 274 001 | |||||||||
| Факс | 033 273 542 | |||||||||
| Мрежно место | Официјално мрежно место | |||||||||
| Е-пошта | е-пошта | |||||||||
Содржина |
[уреди] Географиja
Општина Кочани се наоѓа во источниот дел на Република Македонија, лоцирана на севроисточната страна на Кочанската котлина и југоисточната страна на Осоговските планини. Зафаќа површина 360,32 км2, со најниска надморска височина од 320 м и највисока 2.085 м.
Општината се граничи со:
- север - Општина Крива Паланка
- исток - Општина Македонска Каменица
- југоисток - Општина Виница
- југ - Општина Зрновци
- запад - Општина Чешиново-Облешево
- запад - Општина Пробиштип
- северозапад - Општина Кратово
Општина Кочани има 28 населени места, од кои 1 е градско и 27 селски.
[уреди] Историja
Поради поволната географска местоположба и одличните природни карактеристики, територијата на денешниот град Кочани била населена од најстарите антички времиња, најпрво од Пеонците, Медите и Траките, а во 80- те години од VI век почнуваат да се населуваат Словените, поточно до VII век припадници на племето Смолјани ја колонизираат Кочанската Котлина и се утврдуваат во неа. Браќата Кирил и Методиј, основоположниците на словенската писменост од 845- 855 г. престојувајќи во Брегалничката област (Мородвис) отпочнале со ширење на христијанството на словенски јазик.
[уреди] Економија
[уреди] Демографија
Според пописот на населението од 2002 г. во општина Кочани живеат 38 092 жители[1], од кои:
- Македонци 35 472 (93,12%)
- Роми 1951 (5,12%)
- Турци 315 (0,83%)
- Власи 194 (0,50%)
- Срби 63 (0,17%)
- останати 97 (0,26%)
[уреди] Општествени институции
- ЦК “Бели мугри“
- Основен суд
- Здравствен дом
- Општа болница
[уреди] Администрација и политика
Административно седиште на општината е градот Кочани. На локалните избори во март 2009 година за градоначалник на општината е избран Ратко Димитровски од ВМРО-ДПМНЕ. Општинскиот совет брои 19 членови, од кои 5 се од ВМРО-ДПМНЕ, 7 од СДСМ, 2 од ВМРО-НП, и по 1 од ЛДП, СДПМ, ДС, СПМ и ДОМ.
[уреди] Културни и природни знаменитости
[уреди] Земјоделство
Традиционална стопанска гранка во општина Кочани е земјоделството за кое постојат одлични природни и агротехнички услови. Почвата е плодна од алувијално потекло. Најголем дел од обработливите површини се наводнуваат, поради што има изградено акумулациони објекти и разгранета каналска мрежа од 280 км.
Оризот е најзначајна земјоделска култура со многувековна традиција, високи приноси и одличен квалитет. Годишно се сеат околу 3500 хектари под ориз, со принос од над 5000 кг/ха. Застапени сорти на оризова култура се монтичели, Р-76/6, Сан Андреа, Прима риска, и Монтеса. Квалитетот на оризот е потврден на Еурека-2000 во Брисел со признание Гран-при Најдоброто од Македонија, со заштитен знак бр. 1- оризот, белото кочанско злато.
[уреди] Редовни настани
- Драмски аматерски фестивал (мај)
- Денови на кочанскиот ориз (септември)
[уреди] Личности
- Александар Алексиев, романсиер, критичар, книжевен историчар и театролог
- Борис Стојчев, театролог и публицист
- Бранко Пендовски, писател
- Благоја Попов, политичар
- проф. д-р Благој Попов, математичар
- Кирил Ѕ'мбов, нуклеарен физичар
- д-р Константин Апостолов, лекар специјалист по микробиологија
- Кочани Оркестар, блех оркестар
- Малина Попиванова, револуционерка
- проф. д-р Миле Хаџи Василев, правник
- Насе Насев, спортски работник
- Ристо Јуруков, музички педагог
- Сашко Насев, писател и драматург
- Стефан Попиванов, револуционер
- Стево Теодосиевски, музички уметник
- Симеон Иванов - Канго, гитарист, рок-музичар
- Харалампие Манчев, лекар специјалист, прв македонски медицински истражувач
[уреди] Култура и спорт
Културните збиднувања се остваруваат во бројни институции , за која цел се изградени разновидни објекти ( Дом на културата, кино и сл.). Во Кочани постојат неколку фолклорни друштва кои го негуваат фолклорот, а се негува и драмскиот аматеризам. Секоја година традиционално се одржува ДАФ (Драмски Аматерски Фестивал) во месец мај и Деновите на оризот, во месец септември.
За развој на спортот во градот има изградено спортска сала, фудбалски стадион, базен, терени за тенис, мини голф и слично. Постојат голем број на спортски клубови и здруженија во кои се развиваат различни спортови: борење, кошарка, фудбал, гимнастика, карате, шах, и др. Кочани бил домаќин на државни и меѓународни културни и спортски случувања.
[уреди] Иселеништво
Иселеништвото во општината има неколкудецениска традиција, при што главно младата популација, поради економски причини, емигрирала во Западноевропските земји - во почетокот во Германија, Франција и Австрија, а во последната деценија во Италија и делумно САД, Канада и Австралија.
[уреди] Види исто така
[уреди] Надворешни врски
[уреди] Извори
- ↑ Попис на населението, домаќинствата и становите во 2002 г., Државен завод за статистика
