Општина Могила

Општина Могила
Општина Могила
	Општина
Знаме	Грб
Држава	Македонија
Регион	Пелагониски
Година кога е основана	1913 (во рамки на Кралство Србија), 1996
Седиште	Могила
Населени места	Список Селата: Алинци, Беранци, Будаково, Вашарејца, Горна Чарлија, Долна Чарлија, Дедебалци, Добрушево, Долно Српци, Ивањевци, Лознани, Могила, Мојно, Мусинци, Новоселани, Ношпал, Подино, Путурус, Радобор, Свето Тодори, Трап, Трновци и Црничани ;
Управа
• Градоначалник	Драганчо Саботковски
Површина
• Вкупна	251,2 км2 (97,0 ми2)
Население (2021)
• Вкупно	5.283
• Густина	21/км2 (54/ми2)
Час. појас	CET (UTC+01:00)
• Лето (ЛСВ)	CEST (UTC+02:00)
Повикувачки број	+047
Регистарски таблички	BT
Мреж. место	mogila.gov.mk

Општина Могила — општина во Пелагонискиот Регион, во југозападна Македонија. Создадена е со територијалната поделба од 1996 година, а со новата територијална организација предвидена со законот од 2004 година, кон поранешната општина Могила е припоена и Општина Добрушево.

На север граничи со трите општини Демир Хисар, Крушево и Кривогаштани, на југ и на запад со Општина Битола, а на исток и југоисток со општините Прилеп и Новаци. Центар на општината е селото Могила.

Географија

Могила лежи во Пелагониската рамнина, претежно јужно од реката Шемница, односно помеѓу стариот пат Битола-Прилеп (сега регионален пат Р-106) и Река Црна на просечна надморска височина од 583 м. Општина Могила е средноголема рурална општина, зафаќа површина од 251,2 км² и се наоѓа во југозападниот дел на Р Македонија. Според апсолутната надморска височина, се вбројува во општините со малку потпросечни вредности во државата. Всушност, територијата на оваа општина зафаќа простор во средишните делови на Битолското Поле, а населбите се наоѓаат распоредени во сливното подрачје на Црна Река и долното течение на нејзината десна притока Шемница и лежат во нивните алувијални делови.

Има правец на протегање северозапад – југоисток. Од север се граничи со општините Демир Хисар, Крушево и Кривогашатани, од исток и југоисток со општините Прилеп и Новаци, од југи од запад со општината Битола.

Има прилично добра географска положба и сообраќајна поврзаност, бидејќи низ нејзиниот централен дел минува магистралниот патен правец Е – 106 и железничката пруга Битола – Прилеп. Исто така, од големиот градски центар Битола , централната населба Могила се наоѓа на оддалеќеност од само 10 км.

Вкупната територија на општината зафаќа 22363 ха, а ја сочинуваат кататастарските општини на 23 села и тоа:

-Могила = 2571,39 ха, -Беранци = 2018,52 ха, -Вашарејца =706,81 ха, -Горна и Долна Чарлија =1089,06 ха, -Долно Српци =2371,16 ха, -Ивањевци =1725, 72 ха, -Лознани =906,94 ха, -Новоселани =534,19 ха, -Подино =629,82 ха, -Радобор =860, 31 ха, -Свето Тодори =1118,31 ха, -Трновци =1165,51 ха, -Добрушево =1649,16 ха, -Дедебалци =1207,88 ха, -Мусинци =1157,55 ха, -Ношпал =1047,80 ха, -Мојно =1335,90 ха, -Алинци =394,22 ха, -Путурус =645,20 ха, -Црничани =1251,59 ха, -Трап =622, 68 ха, -Будаково =562,69 ха, Вкупно во општина Могила =22363,7 ха

Оддалеченост на населените места во општина Могила од центарот на општината с. Могила

Могила: Алинци 11 км, Беранци 10 км, Будаково 9 км, Вашарејца 12 км, Г. и Д. Чарлија 7,5 км, Дедебалци 11 км, Добрушево 12,5 км, Д. Српци 13 км, Ивањевци 16 км, Лознани 15 км, Мојно 21,5 км, Мусинци 18 км, Ношпал 15,2 км, Новоселани 18 км, Путурус 15 км, Подино 21 км, Радобор 5 км, Св. Тодори 22 км, Трап 8 км, Трновци 24 км, Црничани 16 км,

Историја

Пелагониската Котлина е една од најголемите котлини во Македонија која го зафаќа нејзиниот југозападен дел. Могила се наоѓа во средишниот дел на Пелагонија на десетина километри североисточно од Битола. Први истражувачки чекори на праисторија во овој крај на Пелагонија се направени во периодот помеѓу двете светски војни што се состоеле во мали ископувања. Во периодот од 1973 година па до денес со цел да се утврди бројот на наоѓалишта, Заводот, Музеј и Галерија од Битола изврши ископувања на теренот и откри повеќе праисториски наоѓалишта, почнувајќи од неолитот, бакарното, бронзеното, па сè до крајот на железното време. Од сите истражувања и ископувања во Пелагонија може да се констатира дека праисториските наоѓалишта – тумби најзастапени се во населбата Могила. Тоа се вештачки височинки, создадени од натрупување на слоеви на кои се формирале населбите. Селото Могила, најверојатно и името го добило по повеќето тумби-могили распоредени по целото село. За селото Могила првите податоци ги сретнуваме за време на владеењето на Византија, XI и XII век. во документите, преписките на Теофилакт Охридски (Охридски Архиепископ). Селото Могила се споменува како стопанство на Охридската црква. Во првите турски документи од 15 век 1467-68 г. "Опширни пописни дефтери" селото Могила се споменува како мезра Могилани, односно село Могила и брои 103 семејства. Во повоениот период после 1944 година формирана е Могилската општина како една од петнаесетте новоформирани на подрачјето на Битола. Во неа влегувале пет села: Долно Оризари, Горно Оризари, Карамани, Трн и Могила.

Стопанство

Општина Могила е земјоделска општина каде што најмногу се произведуваат житариците и полјоделските култури, но не помалку е застапено и сточарството. Од индустриските објекти позначајна е фабриката за производство на готова животинска храна сместена во населбата Радобор. На атарот на Општина Могила стопанисува ЗК Пелагонија и тука се наоѓа најголемата сточарска фарма со околу 800 молзни крави.

Структурата на бизнис секторот во Општина Могила ja сочинуваат 180 активни фирми, сите во приватна сопственост. 137 од нив се регистрирани како ДООЕЛ, 43 како трговец поединец. Најголемиот број од нив се занимаваат со трговија на мало ( продавници ) и со земјоделско – сточарска дејност.

Население

Население во минатото
Година	Нас.	±%
1948	12.222	—
1953	14.012	+14.6%
1961	14.228	+1.5%
1971	13.503	−5.1%
1981	13.386	−0.9%
1991	10.022	−25.1%
1994	7.333	−26.8%
2002	6.710	−8.5%
Забелешка: Податоците се однесуваат на населените места во Општина Могила според административната поделба од 2004 година. Извор: Државен завод за статистика на Република Македонија

Според новата територијална организација предвидена со законот од 2004 година (припојување на општината Добрушево) општината имала 6.710 жители, од кои:^[2]

Народ	Вкупно	Удел (%)
Македонци	6.432	95,86
Албанци	34	0,50
Турци	229	3,41
Роми	6	0,09
Власи	0	0,00
Срби	2	0,03
Бошњаци	0	0,00
останати	7	0,10

Вероисповед	Вкупно
православни	6.436
муслимани	266
католици	1
протестанти	0
останати	7

Јазик	Вкупно
македонски	6.452
албански	31
турски	218
ромски	0
влашки	0
српски	5
бошњачки	0
останати	4

Општествени установи

Самоуправа и политика

Градоначалник на општина Могила е Јасмина Гулевска од редовите на СДСМ. Таа била избрана на локалните избори од 2017 година за мандат од четири години.^[3] Советот на општина Могила е составен од 11 члена. Според последните локални избори од 2017 година, членовите на советот според политичката припадност за мандатот 2017-2021 се:

Галерија

Клубот на пензионери и продавницата „Пресил“ во рамки на општинската зграда
Влезот во зградата на Општина Могила
Спомен плочи на борците и судените за Македонија од Могила

Културни и природни знаменитости

Редовни настани

Култура и спорт

Културно лето

Иселеништво

Наводи

Надворешни врски

Оваа статија поврзана со Македонија е никулец. Можете да помогнете со тоа што ќе ја проширите.

[попис2021-1] „Попис на населението, домаќинствата и становите во Република Северна Македонија, 2021 - прв сет на податоци“. Државен завод за статистика на Македонија. Посетено на 30 март 2022.

[2] Попис на населението, домаќинствата и становите во Република Македонија, 2002 - Книга X

[3] „Заклучок за конечност на резултати од гласањето во вториот круг на Локалните избори 2017“. Државна изборна комисија на Македонија. Посетено на 3 декември 2017.

[1]

[2]

[3]