Општина Виница
|
||||||||||
| Општи податоци | ||||||||||
| Седиште | Град Виница | |||||||||
| Површина | 432,67 km² | |||||||||
| Демографија | ||||||||||
| Население | 19938 жители | |||||||||
| Густина на население | 46,08 жители/km² | |||||||||
| Населени места | ||||||||||
| Локална власт | ||||||||||
| Градоначалник | Емил Дончев | |||||||||
| Совет | 15 члена | |||||||||
| Контактни податоци | ||||||||||
| Адреса на седиште | Бел Камен б.б. 2310 Виница | |||||||||
| Телефон | 033 361-945 | |||||||||
| Факс | 032 300-022 | |||||||||
| Мрежно место | Официјално мрежно место | |||||||||
Општина Виница е општина која се наоѓа во Источна Македонија. Општината ја сочинуваат градот Виница и уште 16 населени места. Општината има 19.938 жители (податок од 2002 год.). Градоначалник на општината е г-дин Емил Дончев. Седиште на општината е градот Виница.
Содржина |
[уреди] Географиja
Општина Виница има површина од 334 km2 и е составен дел на источниот плански регион. Го зафаќа југоисточниот дел од Кочанската Котлина. Од јужната страна е ограничена со северните падини на планината Плачковица, а на исток со падините на планината Голак. Општинскиот центар е градот Виница. Покрај градот, општината је сочинуваат уште 16 населени места. Местоположбата на Општината овозможува добра поврзаност со соседните општини во регионот.[1]
На јужната и источната страна доминираат планините Плачковица со највисокиот врв Лисец (1754 m) и Голак (до 1000 m). На падините на овие планини се одвојува ридестиот релјеф од рамниот релјеф кој превладува во северниот и западниот дел, на надморска височина од 390-450 m и ги опфаќа долината на реката Брегалница и дел од Кочанската котлина.[1]
Во состав на општината влегуваат и 16 села: Блатец, Виничка Кршла, Градец, Грљани, Драгобраште, Истибања, Јакимово, Калиманци, Крушево, Лаки, Лески, Липец, Пекљани, Трсино и Црн Камен.
[уреди] Историja
Главна статија: „Во 1965 година во Социјалистичка Република Македонија бил донесен нов закон со кој биле укинати околиите и како единствена административна поделба останале само општините. Со тој закон била формирана и општина Виница. Претходно од 1952 до 1965, нејзината територија била во склоп на Општина Штип.[2]
[уреди] Економија
Во руралните подрачја превладува земјоделието, додека во градот постојат индустриски објекти од различни сектори и услужните дејности. Главни индустриски капацитети во Виница се: фабриката за градежни материјали „Тондах“, текстилните фабрики „Трико“, „Винка“ и „Виничанка“, дрвно-преработувачките капацитети „Мебел – Ви“ и „Мебел Трејд“, прехранбената индустрија „Винчини“ и други помали капацитети.[1]
Развојот на градот Виница е темели на обнова и реконструкција на постојната индустрија и на поголема застапеност на услужните дејности. Планирани се изградби на нови стопански капацитети од мало и средно стопанство, со создавање на услови за траен и одржлив стопански развој.[1]
[уреди] Демографија
До 1961 година населението се намалува поради иселување на населението од Општината. Подоцно расте градското население поради миграцијата од село во град. Во периодот од 1995 до 2005 година населението повторно се намалува, поради иселување од државата. Во 2005 година во општината живееле околу 19.000 жители, од кои во градот околу 10.000. Според нивото на образование, превладува население со средно и пониско образование. Главен проблем во општината е големата невработеност која изнесува 46% од работоспособното население. Густината на населеност е 46,08 жители на квадратен километар.[1]
Според пописот од 2002 година, Општината брои 19 938 жители од кои:
- 18 261 (91,59%) се Македонци;
- 1 230 (6,17%) се Роми;
- 272 (1,36%) се Турци;
- 121 (0,61%) се Власи и
- 54 (0,27%) се други националности.
[уреди] Администрација и политика
Општинскиот совет е составен од 15 члена од кои, 8 се од коалицијата ВМРО, 6 од коалицијата СДСМ и 1 од СДУ. Членовите претсавуваат тело на советот и комисии за финансирање, урбанизам, општествени дејност, статут и прописи, мандатни прашања, правата на мажите и жените и правата на пациентите.[3]
[уреди] Културни и природни знаменитости
Во околината на Виница и во самиот град постојат следниве археолошки локалитети[4]:
- Виница, археолошка населба која потекнувала од средниот век;
- Пазариште, населба од римското време;
- Виничко кале, утврдена населба од доцноантичкото време, каде се пронајдени автентични теракотни икони од ранохристијанскиот период;
- Горица, населба од доцноантичкото време и старохристијанска базилика;
- Ила, некропола од железното време.
[уреди] Култура и спорт
Во општината има десет православни цркви и две во изградба, од кои најголема е градската црква, чиј патрон е Св.Архангел Михаил“, два манастири и една новоизградена џамија во градот. Во општината исто така постои и музеј на теракотни икони, „Теракота“, како и културен дом „Тошо Арсов“.
Градот Виница е седиште на ФК Филип Втори.
[уреди] Наводи
- ↑ 1,0 1,1 1,2 1,3 1,4 „Основни податоци за Општина Виница“. Официјално мрежно место на Општина Виница. 13 јули 2010. http://www.opstinavinica.gov.mk/index.php?option=com_content&view=article&id=65&Itemid=69&lang=mk&showall=1. проверено на 2012-05-13.
- ↑ „Службен весник на Социјалистичка Република Македонија од 1965, број 2“, Службен весник на СРМ, 25 јануари 1965. Проверено на 2012-05-13.
- ↑ „Општинска администрација“. Официјално мрежно место на Општина Виница. 27 октомври 2010. http://www.opstinavinica.gov.mk/index.php?option=com_content&view=article&id=94&Itemid=75&lang=mk. проверено на 2012-05-13.
- ↑ Археолошка карта на Република Македонија, Том 2, 1996, издание на МАНУ, Скопје, Македонија.
[уреди] Надворешни врски
- Општина Виница, официјално мрежно место
- Музеј „Теракота“
