Македонска академија на науките и уметностите
Македонската академија на науките и уметностите (МАНУ) е формирана на 23 февруари 1967. За нејзин прв претседател бил избран Блаже Конески, а тековен претседател е Владо Камбовски.[1]
Членовите на МАНУ се избираат на секои три години на централното собрание на Академијата и од формирањето досега МАНУ имала 154 членови од кои сега 41 се со статус на редовни членови, а 33 се со статус на членови надвор од работниот состав. Досега имала и четири почесни членови, и тоа Коле Чашуле, Јосип Броз - Тито, Едвард Кардељ и Борис Евгенович Патон. Најстар академик е Петар Хр. Илиевски (1920), а најмлад Катица Ќулавкова (1951).
Содржина |
[уреди] Научни центри
Македонската Академија има и пет научни центри:
- Центар за генетско инженерство и биотехнологија
- Центар за енергетика, информатика и материјали
- Центар за ареална лингвистика
- Центар за лексикографички истражувања
- Центар за стратегиски истражувања
[уреди] Научни оддели
Во рамките на МАНУ функционираат пет оддели:
- Оддел за лингвистички и литературни науки
- Оддел за социјални науки
- Оддел за математички и технолошки науки
- Оддел за биолошки и медицински науки
- Оддел за уметност
[уреди] Претседатели на МАНУ
- Блаже Конески (1967 - 1975)
- Михајло Апостолски (1976 - 1983)
- Јордан Поп Јорданов (1984 - 1991)
- Ксенте Богоев (1992 - 1999)
- Ѓорѓи Евремов (2000 - јуни 2001)
- Матеја Матевски (јули 2001 - 2004)
- Цветан Грозданов (јануари 2004 - 2008)
- Георги Старделов (2008 - ноември 2011)
- Владо Камбовски (1 декември 2011 - )
[уреди] Меѓународна соработка
МАНУ е членка на CEN (Мрежата на академиите од централна и источна Европа) и SEEA (академии од југоисточна Европа).
[уреди] Публикации
МАНУ досега има издадено околу 1.690 научни трудови од сите сфери на науката и уметностите.
[уреди] Наводи
- ↑ „Владо Камбовски нов претседател на МАНУ“, Утрински Весник, 01.12.2011, 20:15. Проверено на 2011-12-01. (на македонски)
[уреди] Надворешни врски
- Официјалната страница на МАНУ (англиски)
|
|||||
