Ивица Димитров
Ивица Димитров | |
---|---|
Градоначалник на Општина Виница | |
На должноста 8 ноември 2017 – 17 октомври 2021 | |
Претходник | Емил Дончев |
Наследник | Миле Петков |
Лични податоци | |
Роден(а) | 30 април 1983 Кочани, СР Македонија |
Партија | СДСМ |
Деца | 2 |
Установа | Универзитет „Гоце Делчев“ - Штип |
Професија | технолог |
Вероисповед | православен |
Ивица Димитров (р. 30 април 1983 година) — пореанешен градоначалник на Општина Виница. На локалните избори во октомври 2017 година како кандидат на политичката партија СДСМ го доби мнозинството гласови во вториот круг од гласањето, а функцијата ја презеде на 8 ноември 2017 година.[1] На локалние избори на 17 октомври 2021 изгуби во првиот круг од против кандидатот Миле Петков од редовите на ВМРО-ДПМНЕ[2].
Професионална кариера[уреди | уреди извор]
По дипломирањето на Технолошко-техничкиот факултет на Универзитетот „Гоце Делчев“ во Штип, во 2007 година се вработил во фабриката за трикотажа „Зона Трико“ во Виница на работното место раководител во одделение за боење и печатење. Во 2013 година станал главен технолог за производство во Модната групација „ИНТ–Трејд“ од Кочани. Во август 2017 година е назначен за директор на Државниот комунален инспекторат на Република Македонија во Скопје.
Надградувајќи ги своите вештини и знаења во 2009 година следел обуки и семинари во компанијата „Безема“ во Швајцарија, при што добил и сертификат за боење на текстилни материјали. Во следните две години посетувал обука во компанијата „Хунтсман“ во Либерец, Чешка, при што се стекнал со сертификат за перење и печатење на текстилни материјали. Како признание за работното искуство и знаеење во 2016 година добил награда за најдобар технолог-инженер за боење, перење и печатење на текстилни материјали во Република Македонија.
Политичка кариера[уреди | уреди извор]
Својата политичка определба како социјалдемократ ја започнува како претседател на локалниот клуб, а потоа и координатор на младите на СДСМ за Изборната единица бр. 3, а од 2009 до 2013 година е член на Извршниот одбор на партијата во Виница.
Во септември 2013 година е избран за претседател на Општинската организација на СДСМ - Виница, при што го замени Александар Трајков кој на изборите во 2011 година беше кандидат за пратеник.
Наводи[уреди | уреди извор]
- ↑ „Конституиран Советот на Општина Виница, Тони Велков избран за претседател“. Канал 8 ТВ. 8 ноември 2017. Архивирано од изворникот на 2017-11-21. Посетено на 2017-12-02.
- ↑ Википедија. 2023-11-05 https://vinica.gov.mk/index.php/2013-01-06-19-34-30/2013-01-06-20-10-05. Отсутно или празно
|title=
(help)
Надворешни врски[уреди | уреди извор]
- Градоначалник на Општина Виница Архивирано на 5 ноември 2017 г.