Кавадарци

Од Википедија, слободната енциклопедија
Прејди на: содржини, барај
Кавадарци
Мост на реката Луда Мара
Мост на реката Луда Мара
Знаме на Кавадарци
Грб на Кавадарци
Mестоположба
Mестоположбата на Кавадарци
Кавадарци на картата на Македонија

Часовен појас : CET/CEST (UTC+1/2)

Општи податоци
Име: Кавадарци
Поштенски бр.: 1430
Повикувачки бр.: (+389) 043
Автомобилска ознака: KA
Портал: kavadarci.gov.mk
Историја
Управа
Држава: Flag of Macedonia.svg Македонија
Регион: Logo of Vardar Region.svg Вардарски регион
Општина: Coat of arms of Kavadarci Municipality.svg Општина Кавадарци
Градоначалник: Александар Панов
Географија
Надм. височ.: 230 м
Население
Население: 37.189[1]
Образование:
-високо: Универзитет Св Кирил и Методиј и Универзитет Гоце Делчев - Дисперзирани студии
-средно: СОУ „Киро Спанџов - Брко“ ,СОЗШУ „Ѓорче Петров“ ,СОУ Гимназија „Добри Даскалов“
-основно: Тоде Хаџи Тефов,Димката Ангелов Габерот ,Страшо Пинџур,Тошо Велков-Пепето и Гоце Делчев.


Кавадарциград во југозападниот дел на Повардарието и претставува центар на Тиквешијата. Градот лежи на надморска восочина помеѓу 230 и 270 метри.

Историја на Кавадарци[уреди]

Кавадарци во периодот меѓу двете светски војни
Споменик во Кавадарци посветен на жртвите од Тиквешкото востание

Населбата Кавадарци прв пат е спомената во турски документи од 1823 година. Во документот Кавадарци е спомнат како мала населба („касаба“) со околу 2.000 жители во крајниот источен дел на тогашниот Битолски вилает. Како град Кавадарци почнува да се развива во почетокот на XIX век, меѓутоа во околината се наоѓаат археолошки ископини што укажуваат дека овде постоела населба уште во античко време и во Средниот век. Како сведоци од средниот век се многуте прекрасни средновековни цркви и манастири во околината особено околу пештерите на бреговите на Тиквешкото Езеро.

Географија[уреди]

Градот се наоѓа во средишниот дел на котлината и областа Тиквеш и претставува нејзино централно место. Од Скопје Кавадарци е оддалечен 105 км, најблизок град е Неготино оддалечено 10 км, а преку одличен пат Кавадарци е поврзано со Прилеп (51 км) кој продолжува кон Битола, Ресен и Охрид. Градот Кавадарци е распослан на двата брега на реката Луда Мара на надморска височина од 230 до 270 метри.

Население[уреди]

Спомен костурницата во Кавадарци

Според пописот од 2002 година, во Општина Кавадарци живеат 38.741 жители и спаѓа во групата на средно-големи градови. Етничкиот состав на населението во градот е:

Општина Кавадарци зафаќа површина од 992,44 км квадратни и има 39,04 жители на км2 густина на населеност. Во состав на општината влегуваат приградските населби Глишиќ и Ваташа и 38 села: Бегниште, Бојанчиште, Бохула, Брушани, Бунарче, Возарци, Галиште, Гарниково, , Горна Бошава, Грбовец, Дабниште, Добротино, Долна Бошава, Драгожел, Драдња, Дреново, Кесендре, Клиново, Конопиште, Кошани, Крњево, Куманичево, Мајден, Марена, Мрежичко, Праведник, Р'жаново, Радња, Раец, Ресава, Рожден, Сопот, Страгово, Фариш, Чемерско, Шешково и Шивец.

Спомен костурница (Кавадарци)[уреди]

Спомен костурницата во Кавадарци преставува монументален споменик кој симболизира стара македонска куќа која претставува вечен дом на паднатите борци. Во неа се сместени посмртните остатоци на загинатите борци од Кавадарци, жртви на фашистичкиот терор од НОВ во периодот од 1941-1945 година, кои се наоѓале во непосредна близина на Кавадарци. Во нејзината внатрешност на гранитни плочи се испишани нивните имињата. Спомен костурницата е изработена од бетон. Откриена е на 7 септември 1976 година. Таа е дело на професорот на Архитектонскиот факултет од Скопје, Петар Муличковски.

Објектот се наоѓа на надморска височина од 305 метри и од таму се гледа панорамата на Кавадарци и на Тиквешијата. Таа претставува стилизирана македонска куќа оградена со бетонски зидови со дебелина од 3 метри. Долниот заграден дел го претставува внатрешниот двор на куќата кој продолжува во надворешен двор во форма на амфитеатар. Во долниот дел се влегува преку две железни врати (јужна и северна) на кој се претставени гроздови. Тие водат во отворениот дел на костурницата каде е сместена галеријата на хероите. Порано ѕидовите биле празни и во нив биле сместени моштите на загинатите, но во последните неколку години нивните ковчежиња за да се заштитат се преместени во Градскиот музеј. Тука се наоѓаат дваесетина формирани мермерни плочи на кои се испишани повеќе од триста имиња, поточно 328 имиња на борци кои се загинати во НОВ. Потоа преку скалила во средината на објектот кои спирално водат нагоре, се влегува во затворениот дел со висина од 12 метри, кој претставува стилизирана македонска куќа со испирација од охридска куќа. Овој затворен дел е поделен на два спрата кои асоцираат на чардаци во чии ѕидови има отвори кои ги симболизираат прозорците.

Стопанство[уреди]

Населението во градот, а воопшто и во целиот регион најмногу се занимава со лозарство. Најзначајни стопански објекти се Винарската Визба „Тиквеш“, Металуршкиот комбинат за фероникел „ФЕНИ“, индустријата за градежни материјали и челични конструкции „ИГМ“, тутунскиот комбинат „Алајанс Уан Македонија АД“, фабриката „Металекс“, а во поново време во огромен подем се и многуте приватни винарии и винарски визби како што се „Чекоров“, „Попов“ и др. Во најново време стопанството во Кавадарци бележи поголем подем со изградбата и отворањето на германската фабрика за делови во автомобилската индустрија „Дрекслмаер“ во која треба да се вработат 4 илјади работници.

Спорт[уреди]

  • Фудбалски клуб ГФК Тиквеш
  • Кошаркарски клуб Фени Индустри
  • Карате клуб -КОЖУВ Кавадарци
  • Стрелачко спортско друштво Кавадарци

Навивачка група Лозари Исток[уреди]

Навивачката група „Лозари“ е оформена во 1991 година. Името е добиено врз основа на тоа што Кавадарци е познат по лозарството па така групата е именувана како „Лозари Исток". Моментално групата ја сочинуваат 3 подгрупи (Ултра Кру, Ултра Дринкинг и Бригада 12). Членството на групата во последните 3 години варира помеѓу 200 до 400 активни членови. Организацијата на групата ја прават членови на погоре наведените подгрупи кои имаат свои претставници кои даваат идеи и одлучуваат за тоа како групата ќе делува.

Навивачката група Лозари Исток е во пријателски односи со Чкембарите. Оваа пријателство датира од негде 1999/2000 година.

Културни манифестации[уреди]

  • Тиквешки гроздобер е манифестација која му дава посебен белег на градот и се поклопува со одбележување на денот на ослободувањето на Кавадарци 7-ми Септември и се одржува секоја година во месец септември во почетокот на втората недела. Настанот симболично отпочнува со откинување на грозд од страна на градоначалникот на Кавадарци.
  • Т'к - Так Фест е рок фестивал кој се организира во чест на прерано починатата македонската рок легенда Трајко Каров. Фестивалот за прв пат е одржан во 2011 година, а настапуваат македонски рок бендови. До сега учество земале Суперхикс, Визија, Ареа, Токму Така, Автограм, Триангл и многу други.
  • „Дедо цепе борина“ - фестивал на вицовите и шегата кој се одржува за време на бадниковата вечер на градскиот плоштад и на кој се избираат три најдобри шеги.

Личности[уреди]

Надворешни врски[уреди]

Наводи[уреди]

  1. За Кавадарци - Официјална веб страница на општина Кавадарци