Валандово
| Валандово | |
|---|---|
 |
|
 |
 |
| Mестоположба | |
 Местоположба на картата на Македонија. |
|
|
Часовен појас : CET/CEST (UTC+1/2) |
|
| Општи податоци | |
| Име: | Валандово |
| Поштенски бр.: | 2460 |
| Повикувачки бр.: | (+389) 034 |
| Автомобилска ознака: | VE |
| Мреж. место: | valandovo.gov.mk |
| Историја | |
| Стари имиња: | Алвандово |
| Управа | |
| Држава: |  Македонија |
| Градоначалник: | Николче Чурлиновски |
| Географија | |
| Население | |
| Население: | 4402 |
| Образование: | |
Валандово е град во југоисточниот дел на Република Македонија на патот кон Дојран. Од Валандово се двои и пат кон Струмица.
Содржина |
[уреди] Историја
На просторот на денешно Валандово во античко време постоела римска населба, за што сведочат откриените римски мозаици и други археолошки материјали во разните делови на градот. На подрачјето на Општина Валандово биле откриени четириесет археолошки локалитети, меѓу кои позначаен е античкиот град Исарот, кај селото Марвинци, кој се идентификува со древниот град Идомена чие потекло било од крајот на 5 век п. н.е. и се наоѓал на патот Солун - Белград. Градот доживеал расцут во римско време, но во почетокот на 6 век бил разурнат од силен земјотрес.
По исчезнувањувањето на античкиот град Исарот, во значајна стратешка населба во Валандовската котлина прераснало Валандово. Одделни изворни материјали и преданија говорат дека античкиот град врз чии темели лежи денешно Валандово, во раниот византиски период бил споменуван со името Микро Константинопол (Мал Цариград)
Словените се населиле во Валандово и во неговата околина кон крајот на 6 или во почетокот на 7 век. Тогаш биле забележани големи промени, како во однос на структурата на населението, така и во менувањето на топонимите на населените места. Во писмените извори градот првпат се споменува во 10 век со името Валандер. Но, тоа не значи дека Валандово како населба, не постоело и пред тоа. Потврда се археолошките наоди во градот. Името „Валандер“ било добиено од „убавата местоположба на градот во долината“. Убава долина или добра долина, на старословенски јазик значело „валјан дол“ („валандол“ односно Валандово . Инаку убавата валандовска долина ги имала и епитетите: „златна долина“, „зелена долина“ и сл.
Средновековно Валандово било споменувано и со името Алавандово, во значење на „цветен град“ („град на цвеќето“). Под ова име градот бил споменат во една црковна повелба на српскиот цар Душан од 1349 година[1] . Затоа што, Валандово уште тогаш било опколено со цвеќе и зеленило. Од зборот „Алавандово“, со отпаѓање на првата буква „а“ и преку метатеза на првите слогови, било добиено името Валандово.
Валандово во својата многувековна историја имало многу падови и подеми. Градот повеќепати настрадал од природни катаклизми (земјотреси, пожари, поплави, епидемии и сл.) како и од воени дејствија на туѓите освојувачи на овој простор. Во историјата на градот Валандово мошне е значаен 19 век, кога благодарение на погодната местоположба достигнал доста голем развој. Според кажувањата, тогаш во градот била развиена трговијата. Се извезувало: добиток, кожи, пастрма, масло, волна, свила, калинки, грозје и други земјоделско-сточарски производи, и тоа претежно во Солун.
Во 19 век Валандово било многу важно транзитно-сообраќајно место. Во патните правци север-југ секојдневно се движеле трговци и кираџии, со карвани и запрежни коли, натоварени со трговска стока. Ова многу придонело во Валандово да живне стопанската активност, да се развијат трговијата и занаетчиството.
[уреди] Географија
Денешното Валандовско административно–територијално (општинско) подрачје се наоѓа на јужниот дел на Македонија, распространет на југ од Демиркаписката клисура, источно од реката Вардар и на запад и север од планинските огранки на Плавуш и Беласица. На север од валандовскиот крај се протега Тиквешката област односно Неготинското општинско територијално подрачје. Нив ги дели планинската теснина на реката Вардар формирана од краиштата на Кожуф планина. Валандовската котлина има доста ниска надморска височина.
[уреди] Демографија
Според пописот од 2002 година во Валандово живеат '4402 жители', од кои:
[уреди] Економија
Главна стопанска гранка на населението е земјоделството особено одлгедување на житни култури, винова лоза, бостан, градинарски култури (пиперки, домат), тутун и др. Во градот постојат и два индустриски капацитети од прехранбената (фабриката за кондиторски производи „9 ноември“) и текстилната индустрија, а работат и повеќе доста успешни приватни фирми од областа на винарството, цигарите и тутнопрозиводството кои имаат поволни услови за развој поради близината на Валандово до грчката граница.
[уреди] Култура
[уреди] Фолк Фест Валандово
Фестивалот Фолк Фест Валандово за прв пат бил одржан во 1985 година. Денеска, овој фестивал е еден од најпознатите фестивали на Балканот, на кој учествуваат фолк-пејачи од Балканот и Македонија.
[уреди] Опшествени институции
[уреди] Спорт
[уреди] Родени во Валандово
- Ѓорге Иванов, Претседател на Република Македонија.
- Нано Ружин, кандидат за Претседател на РМ, поранешен амбасадор на РМ во НАТО, поранешен пратеник во Собранието на РМ.
- Петар Гошев, поранешен гувернер на Народната банка на Република Македонија, поранешен пратеник во Собранието на РМ.
- Душко Гошевски, писател од Валандово, претставник на новата генерација блог-писатели.
- Костадин Танчев, графичар и ликовен уметник, поранешен претседател на Друштвото на ликовни уметници на Македонија.
[уреди] Наводи
- ↑ Турски документи за историјата на македонскиот народ. Опширни пописни дефтери од XVI век за Кустендилскиот санųак, Т.V/3, Скопје, 1982, стр. 139.
 |
Заедничката Ризница има податотеки поврзани со: „Валандово“ |
|
|||||||
| Одредници од ВАЛАНДОВО | |||||||||||
| Удово | Раборци |
Банско | |||||||||
| Миравци и Марвинци |
|
||||||||||
| Богданци |
|||||||||||
