Хасинто Бенавенте

Од Википедија — слободната енциклопедија
Прејди на прегледникот Прејди на пребарувањето
Хасинто Бенавенте

Хасинто Мартинес Бенавенте (12 август 1866, Мадрид - 14 јули 1954, Мадрид, Шпанија), бил шпански драмски писател, добитник на Нобеловата награда за литература во 1922 година за умешноста со која продолжил да ја развива славната традиција на шпанската драма.

Биографија[уреди | уреди извор]

Од 1882 бил студент по право на Мадридскиот универзитет. По смртта на татко му во 1885 година го напуштил универзитетот и извесно време работел како актер. Во 1892 година објавил за првпат зборникот на дијалози под наслов „Фантастични пиеси“. Се потврдил како драмски писател уште со својата втора пиеса „Извесно луѓе“ (1896). Бил член на литературната група „Поколение ‘98“ и уредник на нејзиниот орган „Вида литерарира“ (Литературен живот). Неговото рано творештво бил успешен обид за уривање на мелодрамската традиција во шпанската драма. Оваа традиција била заменета со згуснато драмско дејство, психолошки заситени карактери и остроумен дијалог.

Творештво[уреди | уреди извор]

Меѓу неговите успешни дела било „Госпоѓата господарка“ (1901). Бенавенте бил исклучиво плоден писател (потсетувал на Лопе де Вега од епохата на „златниот век“ на шпанската драма). Напишал над 170 пиеси во разни жанрови: комедии, симболистички драми, трагедии, детси пиеси , оперски либрета и други. Неговото најзначајно дело „Игра на интереси “ (1907) било напишано во традициите на италијанската „комедија дел арте“. Во 1920 година бил назначен за директор на Националноит театар во Мадрид. Во годините на Граѓанската војна во Шпанија (1936-1939) бил приврзаник на републиката и извесно време бил во затвор, но за време на режимот на Франко, сепак, бил во заштита на неговата управа. Бенавенте бил примен со восхит од своите современици како водечки шпански писател и бил еден од големите статичари на епохата. Преведувал пиеси од Вилијам Шекспир и Молиер, го популаризирал творештвото на Ибзен и значајните естетски тенденции во европска мисла од крајот на 19 и почетокот на 20 век.[1]

Наводи[уреди | уреди извор]

  1. Превод на литературни дела од автори кои добиле Нобелова награда, НИД „Микена“, Битола, 2010