Крклари (Прилеп)

Крклари — археолошко наоѓалиште во Прилеп. Претставува некропола од хеленистичкото време. На 500 м северно од последните куќи на градот, во подножјето на седлото Зеленик, пред Втората светска војна, Никола Вулиќ открил две гробници издлабени во карпа, од типот „македонски“ гробници со тесен ходник, засводено предворје и гробна комора. Во 1958/59 година, на стотина метри јужно од горенаведените гробници биле откриени уште 4 гробници од истиот вид. Во нив се најдени остатоци од кремирани скелети, теракоти, керамички садови и друго. Наодите се чуваат во Заводот и музеј во Прилеп.

Поврзано

• Али Чаир — населба од неолитското и римското време;
• Бакалница — некропола од доцноантичкото време;
• Болница - Учителско Училиште — населба од неолитското, некропола од железното и осамен наод од римското време;
• Бончеица — населба и некропола од доцноантичкото време;
• Долно Садово — населба од неолитското време;
• Каменица — населба од бакарното време;
• Караташ — некропола од римското време;
• Касарни — некропола од железното време;
• Кладенец — Случајни наоди - монети од римското време;
• Кукул — населба од римското време;
• Куршумли Ан — осамени наоди од римското време;
• Параклис — осамен наод од римското време;
• Поводеници — Случаен наод од римското време;
• Силос — некропола од римското време;
• Тополка - Шилево — некропола од доцноантичкото време;
• Тражица — фурна од римското време;
• Прилеп;
• Список на археолошки наоѓалишта во Прилепско;