Гота (округ)

Гота
*Landkreis Gotha*
Гота; Landkreis Gotha;
	округ
Земја	Германија
Покраина	Тирингија
Седиште	Гота
Површина
• Вкупна	936 км2 (361 ми2)
Население (31 декември 2022)
• Вкупно	134.941
• Густина	140/км2 (370/ми2)
Час. појас	CET (UTC+1)
• Лето (ЛСВ)	CEST (UTC+2)
Рег. таб.	GTH
Мреж. место	landkreis-gotha.de

Гота (германски: Gotha) — округ во средишниот дел на Тирингија, Германија. Соседни окрузи се Унштрут-Хајних, Земерда, слободниот град Ерфурт, Илм, Шмалкалден-Мајнинген и Вартбург.

Историја

Округот бил основан на 1 октомври 1922, кога новосоздадената држава Тирингија била административно поделена на 15 окрузи и 9 слободни града.

Географија

Југозападната област на округот претставува дел од Тириншката Шума, со врвот Гросер Инзелсберг (916 м, Großer Inselsberg) како највисока точка во округот. Во северниот дел на округот се наоѓаат многу овоштарници, особено во областа Фанер Хее (Fahner Höhe). Реката Унштрут тече на кратко на самата северна граница на округот.

Грб

Грбот го покажува замокот Фриденштајн во горниот дел, најголемата барокна градба во градот Гота. Брановитата линија го прикажува каналот Лајна, кој бил граден од 1366 до 1369 од Шенау до Гота, со цел носење на вода во самиот град. Ѕвездата долу била симбол на Војводството Саксо-Гота-Алтенбург.

Грбот бил изгласан на 28 јуни 1991.

Градови и општини

Слободни градови	Слободни општини
Фридрихрода Гота Ордруф Тамбах-Дитхарц Валтерсхаузен	Драј Глајхен Кравинкел Грефенхајн Гинтерслебен-Вехмар Херзел Лајнатал	Луизентал Несе-Апфелштет Швабхаузен Табарц Велфис