Сломиште

Од Википедија — слободната енциклопедија
Сломиште
Στέρνα
Сломиште is located in Грција
Сломиште
Сломиште
Местоположба во областа
Сломиште is located in Горуша (општина)
Сломиште
Местоположба на Сломиште во општината Горуша и областа Западна Македонија
Координати: 40°21.45′N 21°18.44′E / 40.35750° СГШ; 21.30733° ИГД / 40.35750; 21.30733Координати: 40°21.45′N 21°18.44′E / 40.35750° СГШ; 21.30733° ИГД / 40.35750; 21.30733
ЗемјаГрција
ОбластЗападна Македонија
ОкругКожански
ОпштинаГоруша
Општ. единицаЛапчишта
Надм. вис.&10000000000000740000000740 м
Население (2011)[1]
 • Вкупно37
Часовен појасEET (UTC+2)
 • Лете (ЛСВ)EEST (UTC+3)

Сломиште или Сломишта (грчки: Στέρνα, Стерна; до 1927 г. Σολομίστι, Соломисти[2]) — село во Населичко, Егејска Македонија, денес во општината Горуша на Кожанскиот округ во областа Западна Македонија, Грција. Населението брои 30 жители (2011).

Географија[уреди | уреди извор]

Селото е сместено околу 8 км северозападно од Лапчишта, на патот за Нестим и Рупишта. На северозапад се граничи со костурското село Ресулјани.

Историја[уреди | уреди извор]

Во Отоманското Царство[уреди | уреди извор]

Од името на селото се гледа дека првично било македонско. На крајот на ХІХ век Сломиште било село во северниот дел на Населичката каза.

Сломиште е едно од малкуте населени места испуштени во бугарските статистики на Васил К’нчов и Димитар Мишев од почетокот на XX век, како и од грчката статистика од 1904 г. на конзулатот во Еласона и онаа од 1910 г. издадена во Атина.

Во Грција[уреди | уреди извор]

По Балканските војни во 1913 г. Сломиште е припоено кон Грција согласно Букурешкиот договор. Истата година во него се попишани 125 жители, а во 1920 г. имало 120.[3] Во 1927 г. селото е преименувано во Стерна. Во 1928 г. населението се накачило на 145 лица, а во 1940 г. достигнало 163 жители. Во следниот период почнало да опаѓа и неговото население продолжило да се смалува до денес.

Црквата „Св. Никола“ е изградена во 1913 г. врз темелите на постар храм.[4]

Население[уреди | уреди извор]

Еве преглед на населението во сите пописни години, од 1940 г. до денес:

Година 1940 1951 1961 1971 1981 1991 2001 2011
Население 163 137 120 101 94 76 46 30
Извор за 1940-1991 г.: Т. Симовски, Населените места во Егејска Македонија

Стопанство[уреди | уреди извор]

Населението произведува жито, тутун и други земјоделски производи. Во помала мера е застапено и сточарството.[3]

Поврзано[уреди | уреди извор]

Наводи[уреди | уреди извор]

  1. „Попис на населението од 2011 г. Трајно население“. Државен завод за статистика на Грција.
  2. Μετονομασίες των Οικισμών της Ελλάδας. Σολομίστι -- Στέρνα
  3. 3,0 3,1 Симовски, Тодор (1998). Населените места во Егејска Македонија : географски, етнички и стопански карактеристики. I дел. Скопје: Институт за национална историја. стр. 346.
  4. „Ιεροί Ναοί του Αγίου Νικολάου στο Βόιο“. Το Βόιον. Архивирано од изворникот на 2015-01-03. Посетено на 3 јануари 2015.