Рупишта

Рупишта
Рупишта; Άργος Ορεστικό
	Центарот на Рупишта
	Рупишта
	Местоположба во областа Рупишта Местоположба на Рупишта во општината Рупишта и областа Западна Македонија
	Координати: 40°27.9′N 21°15.29′E / 40.4650° СГШ; 21.25483° ИГДКоординати: 40°27.9′N 21°15.29′E / 40.4650° СГШ; 21.25483° ИГД
Земја	Грција
Област	Западна Македонија
Округ	Костур
Општина	Рупишта
Општ. единица	Рупишта
Надм. вис.	650 м
Заедница
• Население	7.473
Часовен појас	EET (UTC+2)
• Лете (ЛСВ)	EEST (UTC+3)
Пошт. бр.	522 00
Повик. бр.	24670

Рупишта или Хрупишта (дијалектно: Рупишча; грчки: Άργος Ορεστικό, Аргос Орестико, до 1926 г. Χρούπιστα, Хруписта^[2]) — град во Костурско, Егејска Македонија, денес во општината Рупишта (Орестида) во Костурскиот округ, Грција.

Географија и местоположба[уреди | уреди извор]

Гратчето Рупишта е оддалечено 9 км од градот Костур, на северозападната страна на реката Бистрица на надморска височина од 650 метри^[3].

Историја[уреди | уреди извор]

Рупишта е стара македонска населба во која поради економскиот просперитет и сообраќајните врски почнале постепено да се населуваат турски, влашки и грчки семејства, така што тоа станало мешана населба со четири народносни групи^[3]. Етнографски, гратчето Рупишта е мешано македонско-влашко-грчко населено место на самата линија на разграничување на македонскиот и грчкиот јазик и етнос. По иселувањето на Турците во 1924 година, тука се населиле бегалски семејства со вкупно 863 лица^[3]. За време на Граѓанската војна во Рупишта имало голема концентрација на жители од околните села, а по нормализирањето на состојбата во непосредна близина на гратчето биле изградени две нови населби - Каслас преименувана во Стадион во 1962 година и Аеродром (Аеродромион), кои по пописот од 1971 со наредба се споени со Рупишта и со тоа избришани и престанале да се водат како посебни населби во евиденцијата^[3].

Стопанство[уреди | уреди извор]

Освен со трговија, жителите на Рупишта се занимаваат главно со земјоделство и овоштарство, како исо изработка на ракотворби од кои прочуени се влашките јамболии^[3]. Рупишта има доста големо стопанско и управно значење за поголемиот дел од јужниот крај на костурското подрачје. Рупишта е главниот центар на крзнарско-кожарската индустрија која што е застапена во поширокиот регион на западниот дел на Егејска Македонија и Костурско во областа на планините Вич, Грамошта и Пинд.

Население[уреди | уреди извор]

Според бројот на жителите Рупишта, го зазема второто место во Костурскиот округ^[4]. Според статистиката на К’нчов во Рупишта живееле 1.100 Македонци, 700 Турци, 720 Власи и 170 Роми, додека Бранков е пообјективен кога споменува дека тука живееле и 100 Грци^[3]. Милоевиќ, пак споменува дека Рупишта се состои од 270 македонски, 180 влашки, 50 грчки или погрчени и 250 турски куќи, односно вкупно 750 куќи^[3]. Според пописите во XXI век, во 2001 година Рупишта броела 7838 жители, а во 2011 имала 7473 жители.

Година	Население
1928	3605
1940	4215
1951	4196
1961	3978 (5104)
1971	5147
1981	5979
1991	6653
2001	7838
2011	7473

Општествени установи[уреди | уреди извор]

Гратчето е седиште на поголем дел од костурското подрачје на југ од Рупишта и во него се концентрирани повеќе административни и други служби^[3]. Поради големината и стопанското значење Рупишта е прогласено за градска општина и има статус на град.