Печани

Од Википедија — слободната енциклопедија
Печани
Τριάδα
Печани is located in Грција
Печани
Печани
Местоположба во областа
Печани is located in Горуша (општина)
Печани
Местоположба на Печани во општината Горуша и областа Западна Македонија
Координати: 40°14.20′N 21°13.15′E / 40.23667° СГШ; 21.21917° ИГД / 40.23667; 21.21917Координати: 40°14.20′N 21°13.15′E / 40.23667° СГШ; 21.21917° ИГД / 40.23667; 21.21917
ЗемјаГрција
ОбластЗападна Македонија
ОкругКожански
ОпштинаГоруша
Општ. единицаЦотил
Надм. вис.&10000000000000830000000830 м
Население (2011)[1]
 • Вкупно12
Часовен појасEET (UTC+2)
 • Лете (ЛСВ)EEST (UTC+3)

Печани (грчки: Τριάδα, Тријада; до 1928 г. Πέτσιανη, Пецјани[2]) — село во Населичко, Егејска Македонија, денес во општината Горуша на Кожанскиот округ во областа Западна Македонија, Грција. Населението брои 12 жители (2011).

Географија[уреди | уреди извор]

Селото е сместено во областа Населица, околу 25 км југозападно од гратчето Лапчишта и 15 км западно од Цотил. Лежи приближно 4 км северно од патот што води за Коница и Јанина.[3]

Историја[уреди | уреди извор]

Во Отоманското Царство[уреди | уреди извор]

Од името на селото се гледа дека првично било македонско. На крајот на ХІХ век Печани се води како грчко село во Населичката каза.

Печани е едно од малкуте населени места испуштени во бугарските статистики на Васил К’нчов и Димитар Мишев од почетокот на XX век.

Според статистиката на грчкиот конзулат во Еласона во 1904 г. во Печани (Πέτσιανη) живееле 120 Грци христијани.[4] Поради отсуството од негрчки извори и пристрасноста на грчките, податокот за народноста не може да се утврди со сигурност.

Во Грција[уреди | уреди извор]

По Балканските војни во 1913 г. Печани е припоено кон Грција согласно Букурешкиот договор. Истата година во него се попишани 177 жители,[5] кои во 1920 г. се намалиле на 112 лица.[3]

Во 1928 г. во селото живееле 132 лица. Истата година македонското име му е сменето во Тријада, што значи „Троица“. Во 1940 г. населението броело 144 жители, но потоа почнало да опаѓа. Особено почнало да се празни во 1960-тите поради масовното иселување во градовите и продолжило во тој правец до денес.[3]

Население[уреди | уреди извор]

Еве преглед на населението во сите пописни години, од 1940 г. до денес:

Година 1940 1951 1961 1971 1981 1991 2001 2011
Население 144 133 120 69 47 23 16 12
Извор за 1940-1991 г.: Т. Симовски, Населените места во Егејска Македонија

Стопанство[уреди | уреди извор]

Населението произведува жито, компири и други земјоделски производи. Во помала мера е застапено и сточарството.[3]

Поврзано[уреди | уреди извор]

Наводи[уреди | уреди извор]

  1. „Попис на населението од 2011 г. Трајно население“. Државен завод за статистика на Грција.
  2. Μετονομασίες των Οικισμών της Ελλάδας. Πέτσιανη -- Τριάδα
  3. 3,0 3,1 3,2 3,3 Симовски, Тодор (1998). Населените места во Егејска Македонија : географски, етнички и стопански карактеристики. I дел. Скопје: Институт за национална историја. стр. 345.
  4. Σπανός, Κώστας. "Η απογραφή του Σαντζακίου των Σερβίων", in: "Ελιμειακά", 48-49, 2001.
  5. „Απαρίθμηση των κατοίκων των νέων επαρχιών της Ελλάδος του έτους 1913. Μακεδονία“. Архивирано од изворникот 2012-07-31. Посетено на 2012-07-31.