Перо Георгиевски

Од Википедија — слободната енциклопедија
Прејди на: содржини, барај
Биста на Перо Георгиевски - Чичо во Куманово
Кире Гаврилоски (1918-1944) народен херој

Перо Георгиевски - Чичо (Куманово, 1918 - кај с. Белановце, Кумановско, 14 октомври 1941) бил македонски комунист, учесник во НОВ. Прогласен е за народен херој на Југославија на 11 октомври 1951 година.

Завршил занаетчиско училиште во 1932 година. Бил шивачки работник. Како член на СКОЈ (од крајот на 1933) и на КПЈ (1934), бил член на Месниот комитет на КПЈ во Куманово (1934-1936), член на Покраинскиот комитет на СКОЈ за Македонија (1935) и секретар на Работничкото културно-уметничко друштво „Абрашевиќ“ во Куманово (од 1935). Бил раководител на Одборот за собирање помош (1936) за учество во Шпанската граѓанска војна, а поради апсење (во 1937) не успеал и самиот да замине.

Како секретар на МК на КПЈ во Куманово (до 12 октомври 1941) и член на ПК на КПЈ за Македонија, ги предводел Мартовските демонстрации во Куманово на 27 март 1941 година. На 12 октомври е назначен за политички комесар на Карадачкиот партизански одред. Загинал два дена подоцна, на 14 октомври, во борба со бугарската војска и полиција.[1]

Наводи[уреди | уреди извор]

  1. „Македонска енциклопедија“, МАНУ, Скопје, 2009, 351 стр.