Круме Волнароски

Од Википедија — слободната енциклопедија
Прејди на: содржини, барај
Krume Volnaroski.jpg
Роден 1909
Прилеп
Починал 9 мај 1944
Прилеп
Занимање партизан и народен херој


Круме Ицков Волнароски (Коле, Коља) е роден 1909 година во Прилеп.

Биографија[уреди | уреди извор]

Биста на Круме Волнароски на Могилата на непобедените во Прилеп

Како симпатизер на КПЈ, активно учествувал во собирањето Црвена помош. Станал член на КПЈ во 1941 година и работел во Партиската техника на МК на КПЈ во Прилеп, а како илегалец во 1942 и 1943 година во прилепските села собирал народна помош и формирал воени комитети и НОО.

Како секретар на ОК на КПМ, во периодот на 1943/1944 година, учествувал во активностите за избор на делегати за Првото заседание на АСНОМ.

Смрт[уреди | уреди извор]

Заедно со соборецот Кире Гаврилоски-Јане биле откриени и куќата каде што престојувале била опколена од околу 100 бугарски полицајци. И покрај ултиматумот од бугарската полиција шестпати, ја одбиле понудата за предавање. При престрелката која настапила потоа, успеале да убијат еден и да ранат двајца бугарски полицајци. Бугарската полиција успеала да ја запали куќата во која што биле Круме и Кире. За да не паднат живи во непријателските раце, се решиле на саможртва.

Прогласен е за народен херој на Југославија на 11 октомври 1953 година.

Наводи[уреди | уреди извор]

Литература[уреди | уреди извор]

  • Народни хероји Југославије. „Младост“, Белград 1975. година.