Александар Урдаревски
| Александар Урдаревски | ||
[[Податотека: | ||
| Александар Урдаревски | ||
| Роден на | 1920 | |
| Роден во | Чучер, кај Скопје, Кралство Југославија | |
| Починал на | 1 февруари 1943 (23 год.) | |
| Починал во | Градец, кај Липљан, Кралство Албанија | |
| Професија | студент | |
| Член на КПЈ од | крај на 1939 | |
| Учество во војни | НОБ | |
Александар Урдаревски, познат како Станко или Санде, (Чучер, Скопско, 1920 - Градец, Косово, 1 февруари 1943) бил македонски комунист, учесник во НОБ. Прогласен е посмртно за народен херој во 1951 година. Неговото родно село е именувано „Чучер-Сандево“ по него.
Биографија[уреди | уреди извор]
По завршувањето на основното образование во Скопје, завршил средно земјоделско училиште во Неготин и студирал на Земјоделскиот факултет во Белград. Во 1938 година станал член на СКОЈ, а во 1939 година на КПЈ.
Учество во НОБ[уреди | уреди извор]
По капитулацијата на Југославија во Втората светска војна ги прекинува студиите и се враќа во Скопје. Се поврзал со организацијата на КПЈ во Скопје и работел на организирањето на народно-ослободителното движење во Скопско. Во август 1941 година заминува во Првиот скопски партизански одред. Во 1942 година се бори во Вториот скопски партизански одред, каде што е заменик-командант и командант. Во 1943 командува со Скопско-косовскиот партизански одред. Убиен е во битка со италијанско-албанските чети.[1].
За народен херој бил прогласен на 20 декември 1951 година.[2]
.svg){kind=small}
