Раде Јовчевски - Корчагин

Од Википедија — слободната енциклопедија
Прејди на: содржини, барај
Rade Jovcevski.jpg
Роден 14 август 1919
Скопје, Кралство СХС
(денес Македонија)
Починал 20 февруари 1943(1943-02-20) (воз. 23 г.)
Скопје
Познат кожарски работник

Раде Јовчевски - Корчагин (Скопје, 14 август 1919 - Скопје, 20 февруари 1943) — македонски комунист, учесник во НОВ и народен херој на Југославија.[1]

Биографија[уреди | уреди извор]

Споменик на Раде Јовчевски - Корчагин во дворот на истоимената скопска гимназија
Споменик на локацијата на родната куќа на Раде Јовчевски - Корчагин, во склоп на комплексот на Народната банка на Македонија

Бил член на УРС-овите синдикати од 1937 година и истакнат синдикален активист. Додека работел во Белград, бил избран за секретар на Подружницата на крзнарските и на кожарските работници (во 1938). Од почетокот на 1939 година бил член на КПЈ.[2]

По Априлската војна во 1941 година се вратил во Скопје. Зел учество во диверзантските акции, а потоа, на 22 август 1941 година, станал борец и член на Штабот на Првиот скопски партизански одред. По расформирањето на Одредот се илегализирал и живеел во Софија. Во април 1942 година во отсуство бил осуден на смрт со бесење. Пролетта 1942 година бил заменик-политички комесар на Вториот скопски партизански одред, а потоа, во јануари 1943 година, и на Скопско-косовскиот партизански одред. По неговото разбивање на 29 јануари 1943 година, се илегализирал во Скопје. Загинал по провала, откако убил еден полицаец, во борба со бугарската полиција во една од тесните улички на Маџир Маало.

Во негова чест средното училиште во населбата Пролет во Скопје го носи неговото име.

Наводи[уреди | уреди извор]

  1. „Македонска енциклопедија“, МАНУ, Скопје, 2009, 645 стр.
  2. „Беа, загинаа, останаа“ - спомен книга на загинатите борци во НОВ и жртвите на фашизмот - Скопје. 1969, 11 стр.

Литература[уреди | уреди извор]

  • Александар Спасовски „Раде Јовчевски-Корчагин (прилог кон библиографијата)“, Скопје, 1983.