Ангел Мојсовски

Од Википедија — слободната енциклопедија
Прејди на: содржини, барај
Ангел Мојсовски (1923-2001) народен херој

Ангел Мојсовски (Ораовец, Велешко, 15 мај 1923Скопје, 17 март 2001) бил македонски комунист, учесник во НОВ и активен воен старешина по ослободувањето, генерал. На 11 октомври 1953 година е прогласен за народен херој. Носител е и на Партизанска споменица 1941.

Бил учесник на демонстративни акции пред војната. Член на СКОЈ и учесник во подготовките за кревање на оруженото востание (1941). Во 1942 година бил борец на Шарпланинскиот, а во 1943 година и во Кумановскиот партизански одред. Бил командант на Вториот баталјон „Орце Николов“, а подоцна и на Третиот баталјон на Третата македонска бригада. Член е на КПМ од 1943 година. Учествувал во многу борби во источниот дел на Македонија, како и на целиот марш од Егејска Македонија и назад. Во август 1944 година бил тешко ранет во судир со бугарската војска, по што бил префрлен на лекување во Бари, Италија.

По војната бил командант на КНОЈ-евската дивизија, на Дванаесеттата бригада и на други воени единици, а едно време ја извршувал и функцијата инспектор на Главната инспекција на ЈНА. Пензиониран е во 1980 година.[1]

Наводи[уреди | уреди извор]

  1. „Македонска енциклопедија“, МАНУ, Скопје, 2009, 981-982 стр.