Баталјон „Јордан Николов“

Од Википедија — слободната енциклопедија
Прејди на прегледникот Прејди на пребарувањето
Баталјон „Орце Николов“
Partizanski odred Orce Nikolov, 1943.jpg
Баталјон „Орце Николов“
Активна1 декември 1943 - 26 февруари 1944
БиткиНОБ

Баталјонот „Јордан Николов“ (Прв Кумановски Народнослободителен баталјон „Јордан Николов - Орце“) е формиран во с. Пелинце, Кумановско, на 1 декември 1943 година,[1] а расформиран во с. Жегљане, Кумановско, на 26 февруари 1944 година.

Баталјонот бил формиран од 116 борци на Скопско-кумановскиот НОПО и новопристигнати борци.

Битки[уреди | уреди извор]

Водел борби против четничките сили на Дража Михајловиќ, во Козјачијата и кај селата Аљинце и Дренак (10 декември), вршел диверзии на пругата Врање-Куманово-Романовце, водел успешни борби со бугарската војска и полиција во Кратовските села: Вакуф, Мургаш и Рударе (26 и 27 декември), кај с. Пелинце, Кумановско (13 јануари 1944), кај с. Билјача, Прешевско (7 февруари), ги напаѓал селските општини и одржувал политички собири по селата и го прибирал во Которлак, што окупаторот им го поделил на селаните за борба против партизаните и др.

Во јануари 1944 година, баталјонот бил опколен од бугарската војска и полиција, како и четниците на Козјак кои, со концентрични дејства на кумановско-врањското подрачје, сакале да го уништат. Баталјонот се извлекол од опкружувањето и кај селото Пелинце од заседа го нападнал бугарскиот полициски одред „Бенковски“, нанесувајќи му значителни загуби.[1]

Во февруари 1944 година, заедно со Вториот јужноморавски НОПО и со Косовскиот баталјон, учествувале во нападите на непријателските упоришта и на помалите посади во поширокиот реон на Козјак. Во една од битките на 7 февруари кај Билјача (Кумановско-Прешевско) против бугарската војска и полиција, покрај другите загинал и командантот на Баталјонот, Христијан Тодоровски-Карпош.[1]

Бидејќи нараснал на околу 250 борци, од неговиот состав и од новопристигнати борци бил формиран новиот Втор кумановски НО баталјон „Христијан Тодоровски - Карпош“ во с. Бајловце на 22 февруари, 1944 година.

При формирањето на Третата НОУБ, на 26 февруари, баталјонот влегол во нејзиниот состав.[1]

Учесници[уреди | уреди извор]

Поврзано[уреди | уреди извор]

Наводи[уреди | уреди извор]

  1. 1,0 1,1 1,2 1,3 д-р Стојан Киселиновски и д-р (2000). Македонски историски речник. Скопје: ИНИ. стр. 63. ISBN 9989-624-46-1. Недостасува |author1= (help)

Литература[уреди | уреди извор]

  • Куманово и Кумановско во НОВ 1941-1945. Документи, Куманово, 1988.
  • Спомен-зборник на загинатите борци од НОВ и жртви на фашистичкиот терор од Куманово и Кумановско 1941–1945, Куманово, 1976, 177–178.