Горно Црнилиште

Од Википедија — слободната енциклопедија
Прејди на прегледникот Прејди на пребарувањето
Горно Црнилиште
Горно Црнилиште is located in Македонија
Горно Црнилиште
Местоположба на Горно Црнилиште во Македонија
Координати 41°49′01″N 21°57′51″E / 41.81694° СГШ; 21.96417° ИГД / 41.81694; 21.96417Координати: 41°49′01″N 21°57′51″E / 41.81694° СГШ; 21.96417° ИГД / 41.81694; 21.96417
Регион Овче Поле
Општина Општина Свети Николе
Население 345 жит.
(поп. 2002)
Надм. вис. 367 м

Горно Црнилиште е село во Општина Свети Николе, во областа Овче Поле, во околината на градот Свети Николе.



Географиja и местоположба[уреди | уреди извор]

Селото се наоѓа во областа Овче Поле, оддалечено 8,5 километри јужно од Свети Николе.

Историja[уреди | уреди извор]

Во XIX век селото е дел од Штипската каза во Отоманската Империја.

Економија[уреди | уреди извор]

Демографија[уреди | уреди извор]

Според статистиката на Васил К'нчов („Македониja, Етнографиja и статистика“) од 1900 година, во Горно Црнилиште живееле 284 жители, од кои 200 Турци и 84 Македонци.[1]

Според секретарот на бугарската егзархија Димитар Мишев, во 1905 година во Горно Црнилиште имало 120 Македонци, егзархисти.[2]

Според Димитар Гаџанов во 1916 година во Горно Црнилиште имало 403 жители, од кои 264 Турци и 139 Македонци.[3]

Според пописот од 2002 година, селото Горно Црнилиште брои 345 жители, сите Македонци.[4]

На табелата е прикажан бројот на население во сите пописни години:[5]

Година 1900 1905 1916 1948 1953 1961 1971 1981 1991 1994 2002
Население 284[1] 120[2] 403[3] 432 420 488 402 357 356 358 345

На табелата е прикажан националниот состав на населението низ сите пописни години:[6]

Години Македонци Албанци Турци Роми Власи Срби Бошњаци Ост. Вкупно
1948 432
1953 241 179 ... 420
1961 484 2 ... ... ... 2 488
1971 393 2 ... 7 ... 402
1981 355 1 1 ... 357
1991 356 ... 356
1994 358 ... 358
2002 345 345

Родови[уреди | уреди извор]

Горно Црнилиште е македонско село, а до 1960тите во селото имало и Турци.

Според истражувањата од 1957/58 година родови во селото:

  • Турски: Реџеповци (2 к.), Абишовци (3 к.), Еминовци (1 к.), Бајрамовци (1 к.), Асановци (1 к.) и Алитовци (1 к.). Првите пет рода се доселени крајот на 18ти и почетокот на 19ти век, само последниот род потекнува од домазет доселен од селото Каратманово.
  • Македонски: Говедаровци (9 к.) најстар македонски род во селото. Доселени се пред 200 години од селото Оморани, Азот (велешко). Ја знаат следната генеологија Сане (жив на 80 год. во 1957/58 година) Ѓоргија-Петре-Мино, основачот на родот кој се доселил; Каревци (14 к.) доселени после претходниот род од соседното село Долно Црнилиште. И таму биле доселени, веројатно од кочанско; Филиповци (3 к.) и Дедо-Трајчевци (6 к.) доселени се во 19ти век однекаде; Манасковци (3 к.) и Дедо-Тасинци (2 к.) доселени се помеѓу 1924-28 година од селото Зарапинци, пробиштипско; Јованче (1 к.), Петруш (1 к.), Ѓорги (1 к.), Величко (1 к.), Младен (1 к.), Миле (1 к.), Андон (1 к.), Јован (1 к.), Тоне (1 к.), Стојан (1 к.), Милјан (1 к.), Ѓорги (1 к.), Трајко (1 к.), Димитрија (1 к.), Младен (1 к.), Коце (1 к.), Игњат (1 к.), Богдан (1 к.), Веселин (1 к.), Трајан (1 к.), Јошко (1 к.) и Анѓа (1 к.). Доселени се помеѓу 1954-56 година од селата Конопница (14 к.), Петралица (1 к.) и Опила (4 к.) во паланечко. Како и од селото Кнежево (3 к.) во кратовско.[7]

Општествени институции[уреди | уреди извор]

Администрација и политика[уреди | уреди извор]

Културни и природни знаменитости[уреди | уреди извор]

Археолошки локалитети[8]

Редовни настани[уреди | уреди извор]

Личности[уреди | уреди извор]

Култура и спорт[уреди | уреди извор]

Иселеништво[уреди | уреди извор]

Наводи[уреди | уреди извор]

  1. 1,0 1,1 Кънчов, Васил. „Македония. Етнография и статистика“. София, 1900, стр. 232.
  2. 2,0 2,1 Brancoff, D.M. "La Macédoine et sa Population Chrétienne". Paris, 1905, pp. 134-135.
  3. 3,0 3,1 Гаджанов, Димитър Г. Мюсюлманското население в Новоосвободените земи, в: Научна експедиция в Македония и Поморавието 1916, Военноиздателски комплекс „Св. Георги Победоносец“, Университетско издателство „Св. Климент Охридски“, София, 1993, стр. 241.
  4. http://www.stat.gov.mk/publikacii/knigaX.pdf Попис во Македонија 2002. - Книга 10.
  5. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година) *Државен завод за статистика http://makstat.stat.gov.mk.
  6. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година) *Државен завод за статистика http://makstat.stat.gov.mk.
  7. Трифуноски, Јован (1961). Овчеполска котлина. 
  8. Коцо, Димче (1996). Археолошка карта на Република Македонија. Скопје: МАНУ. ISBN 9789989101069

Надворешни врски[уреди | уреди извор]