Зарапинци

Од Википедија — слободната енциклопедија
Прејди на прегледникот Прејди на пребарувањето
Зарапинци
Зарепинци
Панорамски поглед на селото Зарапинци.jpg

Панорама на селото Зарапинци

Зарапинци is located in Македонија
Зарапинци
Местоположба на Зарапинци во Македонија
Координати 41°56′31″N 22°08′50″E / 41.94194° N; 22.14722° E / 41.94194; 22.14722Координати: 41°56′31″N 22°08′50″E / 41.94194° N; 22.14722° E / 41.94194; 22.14722
Регион Logo of Eastern Region, North Macedonia.svg Источен
Општина Coat of arms of Probištip Municipality.svg Пробиштип
Област Злетовско-пробиштипско
Население 12[1] жит.
(поп. 2002)
Пошт. бр. 2210
Повик. бр. 032
Шифра на КО 21013
Надм. вис. 425 м
Зарапинци на општинската карта
Зарепинци во Општина Пробиштип.svg

Атарот на Зарапинци во рамките на општината
Commons-logo.svg Зарапинци на Ризницата


Зарапинци или Зарепинци[а] — село во Општина Пробиштип, во Злетовско-пробиштипскиот регион, во околината на градот Пробиштип.

Географија и местоположба[уреди | уреди извор]

Зарапинци е сместено во јужниот дел на територијата на Општина Пробиштип, од десната страна на Злетовска Река, а од Пробиштип е оддалечено 9 км. Селото е рамничарско и се наоѓа на надморска височина од 425 м. Селскиот атар е мал и зафаќа површина од 4,5 км2.[2]

Историја[уреди | уреди извор]

Во XIX век, Зарапинци се наоѓало во Штипската каза, во Отоманското Царство.

Во текот на Првата балканска војна, од селото имало двајца доброволци кои биле дел од Македонско-одринските доброволни чети.[3]

Во 2014 г. на селото е официјално преименувано во Зарапинци.[4]

Стопанство[уреди | уреди извор]

Вкупната земјоделска површина во атарот на селото изнесува 423 ха. Од нив 213,5 се пасишта, 204,5 ха се обработливо земјиште, а остатокот отпаѓа на шуми.[2][5]

Население[уреди | уреди извор]

Според податоците на Васил К’нчов („Македонија. Етнографија и статистика“) од 1900 година, во селото Зарапинци имало 42 жители, сите Македонци христијани.[6] По податоците на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година во Зарапинци имало 48 жители.[7]

Според последниот попис од 2002 година, во селото живееле 12 жители, сите Македонци. Бројот на домаќинства изнесувал 7, а бројот на живеалишта 12.[1]

Во табелата во продолжение е направен преглед на населението во сите пописни години:

Година 1900[8] 1905[9] 1948 1953 1961 1971 1981 1991 1994 2002
Население 42 48 108 102 103 95 64 27 22 12
Извор за 1948-2002 г.: Државен завод за статистика на РМ.[10]

Родови[уреди | уреди извор]

Зарапинци е македонско село.

Според истражувањата од 1970-тите, родови во селото се:

  • Староседелци: Грамодолци (4 к.) единствени староседелци во селото.
  • Доселеници: Горовци (3 к.) доселени се во првата половина на XVIII век од прилепско; Спасовци (4 к.) доселени се на крајот од XVIII век од кривопаланечко; Камењарци (1 к.) доселени се кон крајот на XIX век од селото Лесново; Димовци (2 к.) доселени се после турското владеење од селото Гујновци; Лазовци (1 к.) доселени се кога и претходниот род од селото Горно Барбарево; Пржевци (1 к.) доселени се кога и претходните родови од селото Кокошиње кај Куманово; Буја (1 к.) време на доселување како и претходните родови. Доселени се од селото Мартиница кај Крива Паланка; Џемпараци (1 к.) време на доселување како и претходните родови, доселени се од селото Габар кај Крива Паланка; Арсовци (1 к.) доселени кога и претходните родови. Доселени се од Црцорија кај Крива Паланка.[11]

Самоуправа и политика[уреди | уреди извор]

Пејзаж во Злетовско-пробиштипско со селото Зарапинци од левата страна

Селото влегува во рамките на Општина Пробиштип, која била променета со новата територијална поделба на Македонија во 2004 година, при што биле споени поранешните општини, Пробиштип и Злетово. Во периодот од 1996-2004 година, селото било во рамките на некогашната Општина Пробиштип.

Во периодот од 1965 до 1996 година, селото се наоѓало во рамките на големата општина Пробиштип. Во периодот од 1955 до 1965 година, селото било дел од некогашната Општина Пробиштип.

Во периодот 1952-1955, селото било дел од тогашната Општина Трооло, во која покрај селото Зарапинци, се наоѓале и селата Бучиште, Гајранци, Гујновци, Куково, Лезово, Пестришино, Пуздерци, Стризовци и Трооло. Во периодот 1950-1952 година, селото било дел од некогашната Општина Пуздерци, во која влегувале селата Зарапинци, Куково, Пестришино, Пуздерци, Стризовци и Трооло.

Изборно место[уреди | уреди извор]

Во селото постои изборното место бр. 1544 според Државната изборна комисија, сместени во просториите на приватна куќа.[12]

На претседателските избори во 2019 година, на ова изборно место биле запишани вкупно 6 гласачи.[13]


Белешки[уреди | уреди извор]

  • а Во различни извори, селото се среќава под името „Зарапинци“[2][5] или „Зарепинци“.[1][14]

Наводи[уреди | уреди извор]

  1. 1,0 1,1 1,2 „Попис на Македонија“ (PDF). Завод за статистика на Македонија. 2002. Посетено на 24 ноември 2016.
  2. 2,0 2,1 2,2 Панов, Митко (1998). Енциклопедија на селата во Република Македонија: географски, демографски, и аграрни обележја. Скопје: Патрија. стр. 129.
  3. „Македоно-одринското опълчение 1912-1913 г. Личен състав“, Главно управление на архивите, 2006, стр. 848.
  4. „Закон за изменување и дополнување на законот за територијалната организација на локалната самоуправа во Република Македонија“ (PDF). Сл. Весник на Р. Македонија, бр.149 од 13.09.2014 година.
  5. 5,0 5,1 Населени места во Општина Пробиштип — Зарапинци, официјално мрежно место на Општина Пробиштип.
  6. Васил К’нчов. „Македонија. Етнографија и статистика“. Софија, 1900, стр. 232.
  7. D.M.Brancoff. "La Macédoine et sa Population Chrétienne". Paris, 1905, р. 136-137.
  8. К’нчов, Васил. „Македонија. Етнографија и статистика“. Софија, 1900
  9. Brancoff, D.M. „La Macédoine et sa Population Chrétienne“. Paris, 1905.
  10. „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
  11. Апостолов Александар; Кондев Тодор; Апостол Керамидчиев (1974). Злетовска област-Географско-историски осврт. Скопje.
  12. „Описи на ИМ“. Посетено на 3 ноември 2019.
  13. „Претседателски избори 2019“. Посетено на 3 ноември 2019.
  14. Поштенски Број 2210, Пробиштип, телефонски броеви на cybo.com.

Надворешни врски[уреди | уреди извор]